Sunday 23 November 2014

69.2001: A Space Odyssey

2001: A Space Odyssey (1968) : An epic drama of adventure and exploration.


Language: English
Genre: Sci-fi - Mystery
Director: Stanley Kubrick
Writers: Stanley Kubrick, Arthur C. Clarke
Stars: Keir Dullea, Gary Lockwood, William Sylvester

ഒരു ചിത്രം നമ്മെ ഏറ്റവുമധികം സ്വാധീനിക്കുന്നത് അത് കണ്ടു കഴിഞ്ഞിട്ടും ചിത്രം നമ്മോട് പങ്കിടുന്ന ആശയങ്ങളും അതിലെ രംഗങ്ങളും നമ്മുടെ മനസ്സിനെ വല്ലാതെ വേട്ടയാടുമ്പോഴാണ്, പ്രത്യേഗിച്ചും നമ്മോട് പങ്കിടാന്‍ സംവിധായകന്‍ ആഗ്രഹിക്കുന്ന ആശയങ്ങള്‍ സാദാരണ ചിത്രങ്ങളെപോലെ നേരിട്ട് പറയാതെ അവ കണ്ടെത്താന്‍ നമ്മെ പ്രേരിപ്പിക്കുന്ന രീതിയില്‍ അവതരിപ്പിക്കുമ്പോള്‍, അത്തരത്തിലുള്ളൊരു ചിത്രമാണ് സ്റ്റാന്‍ലി ക്യുബ്രിക് 1968ല്‍ അണിയിച്ചൊരുക്കിയ 2001: A Space Odyssey. ശെരിക്കുമൊരു കടുംകഥയാണ് ഈ ചിത്രം...


കഥാഗതി ഇങ്ങനെയാണ് :

മനുഷ്യന്‍റെ വികാസത്തെ (പരിണാമം) കുറച്ചാണ് 2001: A Space Odyssey  പ്രതിപാതിക്കുന്നത്..ഭൂതകാലത്തില്‍ എപ്പഴോ (കൃത്യമായി ഒരു സമയം പറയുന്നില്ല) ആരോ അല്ലെങ്കില്‍ എന്തോ, മോണോലിത് എന്ന്‍ വിശേഷിപ്പിക്കാവുന്ന ഒരു വലിയ  കറുത്ത ദീര്‍ഘചതുരം (Rectangle) ഭുമിയില്‍ സ്ഥാപിക്കുന്നു ഇത് മനുഷ്യന്‍റെ പരിണാമത്തിനു വഴി തെളിക്കുന്നു...ആ പരിണാമം മനുഷ്യനെ ചന്ദ്രനില്‍ വരെ എത്തിച്ചിരിക്കുന്നു - അവിടെയും മറ്റൊരു മോണോലിത് കണ്ടെത്തിയിരിക്കുന്നു മനുഷ്യന്‍... വര്‍ഷങ്ങള്‍ക്ക് മുന്‍പ് മോണോലിത് ഭുമിയില്‍ പ്രതിഷ്ട്ടിച്ചവരോട് മനുഷ്യന്‍ എത്ര മാത്രം വികസിച്ചിരിക്കുന്നു എന്നത് ഈ നേട്ടം വെളിവാക്കുന്നു...മോണോലിത് സ്ഥാപിച്ചവരുടെ അടുത്ത് ആദ്യമെത്താനുള്ള ഒരു മത്സരംഇവിടെ മനുഷ്യനും കമ്പ്യൂട്ടറും  തുടങ്ങുകയായി...വിജയിക്കുന്നവന്‍ പരിണാമത്തിന്റെ അടുത്ത ഘട്ടത്തിലെക്ക് കടക്കും...


              SPOILERS ALERT, SPOILERS ALERT, SPOILERS ALERT

ചിത്രം കാണാത്തവര്‍ തുടര്‍ന്ന്‍ വായിക്കാതിരിക്കുക്ക...

പ്രധാനമായും നാലു ഭാഗങ്ങളിലുടെയാണ് ചിത്രം കടന്നു പോകുന്നത് അവയിലുടെ സംവിധായകന്‍ ചര്‍ച്ച ചെയ്യുന്ന ആശയങ്ങളെ എനിക്ക് മനസിലായ രീതിയില്‍ വിവരിക്കുകയാണിവിടെ : -

ആദ്യം ഭാഗം : The Dawn of Man

വര്‍ഷങ്ങള്‍ക്ക് മുന്‍പ് നമ്മുടെ പിന്‍ഗാമികള്‍ എന്ന്‍ വിശേഷിപ്പിക്കപെടുന്ന ഓസ്ട്ട്രാലൊപിത്തെക്കസ് എന്ന വര്‍ഗത്തിന്‍റെ ഒരു സംഗം ആഫ്രിക്കന്‍ മരുഭുമിയില്‍ ഭക്ഷണം തേടി അലയുകയാണ്...കൂട്ടത്തില്‍ ഒന്നിനെ ഒരു പുള്ളിപുലി കൊന്നുകളയുന്നു കുടാതെ ആള്‍കുരങ്ങുകളുടെ മറ്റൊരു സംഗം ഇവരെ തങ്ങളുടെ വാട്ടര്‍ ഹോളില്‍ (വെള്ളം ശേഖരിക്കുന്ന ഇടിഞ്ഞ അല്ലെങ്കില്‍ താഴ്ന്ന ഭാഗം മൃഗങ്ങള്‍ വെള്ളം കുടിക്കാന്‍ ഇത്തരം സ്ഥലങ്ങളാണ് ഉപയോഗിക്കാറ്) നിന്നും തുരത്തി ഓടിക്കുകയും ചെയ്യുന്നു. തോല്‍വിയെ തുടര്‍ന്ന്‍ ഇവര്‍ ഒരു ഗുഹാമുഖത്തില്‍ അഭയംപ്രാപിക്കുകയും രാത്രി മുഴുവന്‍ അതില്‍ കഴിച്ചു കൂട്ടുകയും ചെയ്യുന്നു രാവിലെ ഉണരുന്ന ഇവരുടെ മുന്നില്‍ മോണോലിത് എന്ന്‍ വിശേഷിപ്പിക്കാവുന്ന ഒരു വലിയ  കറുത്ത ദീര്‍ഘചതുരം (Rectangle) പ്രത്യക്ഷപെട്ടിരിക്കുന്നു (ആരാണ് അത് അവിടെ സ്ഥാപിച്ചത് എന്ന്‍ നമ്മോട് സംവിധായകന്‍ പറയുന്നില്ല തല്‍കാലം വളരെയധികം പുരോഗമനം നേടിയ ഒരു എലിയന്‍ ആണ് അതെന്ന്‍ നമുക്ക് കരുതാം.).

ഭിതിയോടയും, ജിജ്ഞാസയോടയും അവര്‍ അതിനെ തൊടുന്നു... അതികം വൈകാതെ തന്നെ അവരില്‍ ഒരാള്‍ എല്ലിന്‍ കഷ്ണതെ എങ്ങനെ ഒരു യന്ത്രമായും (tool) ആയുധമായും ഉപയോഗിക്കാം എന്ന്‍ മനസിലാക്കുന്നു... എല്ലുകള്‍ ഉപയോഗിച്ച് ഇവര്‍ ഇരയെ വേട്ടയാടാനും തങ്ങളെ തുരത്തിയോടിച്ച ആള്‍കുരങ്ങുകളുടെ തലവനെ കൊല്ലുകയും ചെയ്യുന്നു (മനുഷ്യന്‍റെ വികസനത്തിന്‍റെ അല്ലെങ്കില്‍ പരിണാമത്തിന്റെ ആദ്യ ചുവടു ഇവിടെ സംഭവിച്ചിരിക്കുന്നു അതിനു വഴിതെളിച്ചത് ആരോ സ്ഥാപിച്ച മോണോലിത്തും.)  

ആദ്യ ഭാഗം ഇവിടെ അവസാനിക്കുന്നു....

രണ്ടാം ഭാഗം : TMA-1

പുരോഗതിയുടെ അല്ലെങ്കില്‍ പരിണാമത്തിന്റെ ഉന്നതിയില്‍ എത്തി നില്‍ക്കുന്ന മനുഷ്യനെയാണ് ഇവിടെ നാം കാണുന്നത്. ചന്ദ്രനില്‍ കണ്ടെത്തിയ മോണോലിത്തിന്‍റെ അടുത്തേക്ക് പോവുകയാണവന്‍, എങ്കിലും എന്തോ പ്രശ്നം ഇപ്പോഴും ഉണ്ട് ? അവന്‍റെ യന്ത്രങ്ങളില്‍ അവനുള്ള നിയന്ത്രണം നഷ്ടപെട്ടിരിക്കുന്നു... ഗുരുത്വാകര്‍ഷണമില്ലാതെ അവനിനി നടക്കാന്‍ പഠിക്കണം, കുട്ടികളുടെ ഭക്ഷണമാണ് അവന്‍ കഴിക്കുന്നത്... എന്തിനധികം മൂത്രവിസര്‍ജനത്തിന് പോലും അവനു പരിശീലനം വേണ്ടി വരുന്നു...ഭുമിയെ അടക്കി വാഴുന്ന മനുഷ്യന്‍ ശ്യുനാകാശത്ത് എത്തി ചേര്‍ന്നപ്പോള്‍ ഒരു കുഞ്ഞായി മാറിയിരിക്കുന്നു...ഇവിടെ മോണോലിത്തിനെ സമീപിക്കുന്ന മനുഷ്യനില്‍ വര്‍ഷങ്ങള്‍ക്ക് മുന്‍പ് അവയെ സമീപിച്ച തന്‍റെ പൂര്‍വികരുടെ ഭയമോ ആശങ്കയോ ഒന്നും തന്നെയില്ല പകരം അവന്‍ അതിന്‍റെ മുന്നില്‍ നിന്നു ചിത്രമെടുക്കാന്‍ ശ്രമിക്കുന്നു...മനുഷ്യന്‍ ഇനിയും ഒരുപ്പാട്‌ പഠിക്കാനുണ്ട് എന്ന്‍ നമുക്ക് ഈ രംഗം മനസിലാക്കി തരുന്നു...

രണ്ടാം ഭാഗം ഇവിടെ അവസാനിക്കുന്നു...

മൂന്നാം ഭാഗം : Jupiter Mission

രണ്ടാം ഭാഗത്തിലെ സംഭവങ്ങള്‍ നടന്നിട്ട് ഒന്നരവര്‍ഷം കഴിഞ്ഞിരിക്കുന്നു അതിന്‍റെ അടിസ്ഥാനത്തില്‍ ആദ്യമായി ജൂപ്പിറ്റര്‍ എന്ന ഗ്രഹത്തിലേക്ക് യാത്ര നടത്തുകയാണ് മനുഷ്യന്‍ ഈ യാത്രയില്‍ അവനെക്കാള്‍ ചുമതലകള്‍ വഹിക്കുന്നത് അവന്‍റെ യന്ത്രമാണ് ( HAL 9000 ). പിന്നെ എന്തിനാണ് മനുഷ്യന്‍ ? ആ യന്ത്രത്തിന്റെ കണ്ണിലുടെ നമുക്കൊന്ന്‍ നോക്കാം : ബഹിരാകാശവാഹനത്തില്‍ ഭക്ഷണവും കഴിച്ചു, യന്ത്രതിനോടൊപ്പം കളിച്ചും, മുഷിഞ്ഞിരിക്കുകയാണവന്‍, ഫലത്തില്‍ മരണാവസ്ഥയില്‍ പോലും അവന്‍ കഴിയുന്നു (Hibernation). പരിണാമത്തിനൊടുവില്‍ വെറും അറ്റകുറ്റ പണികള്‍ തീര്‍ക്കാന്‍ നില്‍ക്കുന്ന ഒരുവന്‍ മാത്രമായി മാറിയിരിക്കുന്നു മനുഷ്യന്‍. യന്ത്രങ്ങള്‍ക്ക് ഇനി കുരങ്ങുകളുടെ (മനുഷ്യന്‍) ആവശ്യമില്ല...

പിന്നീടു യന്ത്രത്തിന് തെറ്റ് സംഭവിക്കുന്നു തുടര്‍ന്ന്‍ മനുഷ്യന്‍ അവന്‍റെ സഹായം വേണ്ട എന്ന്‍ തീരുമാനിക്കുന്നു എന്നാല്‍ തന്‍റെ യന്ത്രതിലുള്ള നിയന്ത്രണം അവനു നഷ്ടപ്പെട്ടു കഴിഞ്ഞിരിക്കുന്നു അവന്‍റെ ആഞ്ജകളൊന്നും തന്നെ യന്ത്രം അനുസരിക്കുന്നില്ല (പൂളിന്റെ ശരിരവുമായി നില്‍ക്കുന്ന ബൌമാന്‍ ഹാളിനൊട് ഷട്ടിലിന്റെ വാതില്‍ തുറക്കാന്‍ പറയുമ്പോള്‍ ഹാള്‍ ചെയ്യുന്നില്ല.).ഇവിടെ മനുഷ്യനും യന്ത്രവും തമ്മിലുള്ള യുദ്ധം തുടങ്ങുകയായി...

(സ്വന്തം ജീവന്‍ പണയപെടുത്തി ഷട്ടിലിനു അകത്ത് പ്രവേശിക്കുന്ന ബൌമാന്‍ മനുഷ്യന്‍റെ പൂര്‍വികരായ ആള്‍കുരങ്ങുകളുടെ സ്വഭാവ സവിശേഷതകളായ ധൈര്യമാണ് ഇവിടെ പ്രകടിപ്പിക്കുന്നത്)

പിന്നീടു യന്ത്രങ്ങളില്‍ ഏറ്റവും ചെറിയ സ്ക്രുഡ്രൈവര്‍ ഉപയോഗിച്ച് അവന്‍ ഹാളിനെ കൊല്ലുന്നു - ഇതാണ് യന്ത്രങ്ങളുടെ യഥാര്‍ത്ഥ കര്‍മ്മം, മനുഷ്യനെ ചെറുതായി ഒന്ന്‍ സഹായികുക്ക എന്നത് മാത്രമാണ് അല്ലാതെ അവനു പകരം എല്ലാ കര്‍മ്മങ്ങളുംചെയുക എന്നതല്ല...

ഹാളിനെ നശിപ്പിക്കുന്നതിലുടെ വളരെക്കാലമായി യന്ത്രങ്ങളുമായി അവനുണ്ടായിരുന്ന സൗഹൃദം അവന്‍ അവസാനിപ്പിക്കുന്നു...ഇനി ശ്യുന്യാകാശത്ത് ഇനി സുനിശ്ചിതമായ മരണത്തെ കാത്ത് അവന്‍ ഒഴികി നടക്കുകയാണ്....

മൂന്നാം ഭാഗം ഇവിടെ അവസാനിക്കുകയായി

നാലാം ഭാഗം : Jupiter and Beyond the Infinite

യന്ത്രവുമായുള്ള യുദ്ധം മനുഷ്യന്‍ ജയിച്ചിരിക്കുന്നു ഇനി തന്നെ ഇവിടേക്ക് എത്തിച്ച അമാനുഷിക ശക്തിയെ കാത്ത് കിടക്കുകയാണവന്‍...

ഇനി നാം കാണുന്നത് ഹാള്‍ എത്തിച്ചേരുന്ന റൂമാണ് ഇവിടെ അവന്‍ അവന്‍റെ ഏറ്റവും വലിയ വെല്ലുവിളിയായ മരണത്തെ നേരിട്ടേ മതിയാകു...ബൌമാന്റെ പ്രായമേറിയ രൂപം ഭക്ഷണം കഴിക്കുന്ന രംഗമാണ് ഇപ്പോള്‍ നമുക്ക് മുന്നില്‍ ഉള്ളത് ഇത് മനുഷ്യന്‍റെ അവസാനത്തെ അതാഴമായി നമുക്ക് കാണാം... ഈ രംഗത്തില്‍ അവന്‍റെ കൈ തട്ടി ഗ്ലാസ്‌ പൊട്ടുന്ന രംഗമുണ്ട് ഇവിടെ ഗ്ലാസ്‌ പൊട്ടുന്നുണ്ട് എന്നാല്‍ അതിലെ വൈന്‍ അവിടെ തന്നെയുണ്ട് - വഹിക്കുന്നവനും വസ്തുവുമായി ഇതിനെ നമുക്ക് സംഗല്‍പ്പിക്കാം (Container - Content) ഇതിനി ശരീരവും ആത്മാവുമായി ഒന്ന്‍ താരതമ്യപ്പെടുത്തി നോക്കു ശരീരം നശിക്കുന്നുണ്ട് എന്നാല്‍ ആത്മാവിനു നാശമുണ്ടാകുന്നില്ല...

മനുഷ്യന്‍റെ പരിണാമം വളരെയധികമായി അവന്‍റെ സാങ്കേതികവിദ്യയെ ആശ്രയിച്ചിരുന്നു, പിന്നീടു അത് അവനെ നിയന്ത്രിക്കാന്‍ തുടങ്ങി അധികം വൈകാതെ അവനെ കൊല്ലുവാനും അത് ശ്രമിച്ചു...

ഇനി മരണത്തെ കാത്ത് കിടക്കുന്ന ബൌമാന്റെ വാര്‍ദ്ധക്യം ബാധിച്ച രൂപത്തിലെക്ക് നമുക്ക് ചെല്ലാം - യന്ത്രങ്ങളുടെയോ സാങ്കേതികവിദ്യയുടെയോ സഹായമില്ലാതെ മരണത്തെ കാത്ത് കിടക്കുന്ന അവനുകൂട്ടായി ഇപ്പോള്‍ എന്താണുള്ളത് ? വെളിച്ചം മാത്രം , അല്ലെങ്കില്‍ ആത്മാവ് മാത്രം... പരിണാമത്തിന്റെ അടുത്ത ഘട്ടത്തിലേക്ക് പോവാന്‍ മനുഷ്യന്‍ തൈയ്യാറായി കഴിഞ്ഞിരിക്കുന്നു... സ്റ്റാര്‍ ചൈല്‍ഡ് ഇവിടെ ജന്മമെടുക്കുന്നു...

ചിത്രം അവസാനിച്ചിരിക്കുന്നു...

ചിത്രത്തിന്‍റെ സംവിധായകന്‍ സ്റ്റാന്‍ലി ക്യുബ്രിക് ഇങ്ങനെ പറയുകയുണ്ടായി

"You're free to speculate, as you wish about the philosophical and allegorical meaning of 2001"

മുകളില്‍ പറഞ്ഞവയാണ് ചിത്രത്തെക്കുറിച്ച് അല്ലെങ്കില്‍ നമ്മോട് പങ്കിടുന്ന ആശയങ്ങളെ കുറിച്ച് ഞാന്‍ മനസിലാക്കി ഇരിക്കുന്നത്.

ചിത്രത്തിന്‍റെ അണിയറപ്രവര്‍ത്തകരേ കുറിച്ചും സാങ്കേതിക വശങ്ങളെ കുറിച്ചും കൂടുതല്‍ പറയേണ്ട അവശ്യമുണ്ടെന്ന്‍ തോന്നുന്നില്ല എല്ലാ അര്‍ത്ഥത്തിലും ഒരു ഇതിഹാസകാവ്യമെന്ന് നമുക്ക് ഈ ചിത്രത്തെ വിശേഷിപ്പിക്കാം...

 നല്ല ചിത്രങ്ങളെ സ്നേഹിക്കുന്ന ഏതൊരാളും തീര്‍ച്ചയായും കണ്ടിരിക്കേണ്ട ചിത്രമാണിത്.

Friday 21 November 2014

68.The Long Good Friday

The Long Good Friday (1980) : A British gangster classic.




Language: English

Genre: Crime Drama
Director: John Mackenzie
Writer: Barrie Keeffe
Stars: Bob Hoskins, Helen Mirren, Dave King

അധോലോക നായകനായ Harold Shand ന്‍റെ ജീവിതത്തിലെ എക്കാലത്തെയും വലിയയൊരു ഇടപാട് നടക്കാന്‍ പോവുന്നതിനിടെ അയാളുടെ അധോലോക സാമ്രാജ്യത്തിനും കുട്ടാളികള്‍ക്കുമെതിരെ അപ്രതീക്ഷിതമായി ആക്രമണങ്ങള്‍ ഉണ്ടാകുന്നു. ഒളിഞ്ഞിരിക്കുന്ന തന്‍റെ ശത്രുവിനെ തേടി Harold തന്നെ നേരിട്ട് യുദ്ധകളത്തിലേക്കിറങ്ങുന്നു അധികം വൈകാതെ തന്നോട് നിഴല്‍ യുദ്ധം നടത്തുന്ന ശത്രുവിനെ അയാള്‍ കണ്ടെത്തുന്നു... രക്തചൊരിച്ചില്‍ നിറഞ്ഞ അധോലോക യുദ്ധം ഇവിടെ തുടങ്ങുകയായി...

പ്രതികരാമോ അല്ലെങ്കില്‍ താഴേക്കിടയില്‍ നിന്നും വളര്‍ന്നു വലുതാവുന്ന നായകന്‍റെ ജീവിതവുമാണ് പൊതുവേ ഗ്യാങ്ങ്‌സ്റ്റര്‍ ചിത്രങ്ങളുടെ കഥാഗതി എന്നാല്‍ ഇവിടെ ഒരു കുറ്റാന്വേഷണ ചിത്രത്തിന്‍റെ പ്രതീതിയിലാണ് ഈ ചിത്രം ഒരുക്കിയിട്ടുള്ളത്, അക്ന്ജാതനായ എതിരാളിയാണ് ഇവിടെ എല്ലാം നേടി കഴിഞ്ഞു നില്‍ക്കുന്ന നായകന്‍റെ മുന്‍പിലുള്ളത്. ഒരു കുറ്റാന്വേഷകന്റെ പാതയിലുടെ സഞ്ചരിച്ചു ഇനി മറഞ്ഞിരിക്കുന്ന എതിരാളിയെ കണ്ടെത്തുക എന്നതാണ് ഇവിടെ നായകന്‍റെ ലക്‌ഷ്യം

ഉത്തേജകമായ കഥാ സന്ദര്‍ഭങ്ങളാലും, അപ്രതിക്ഷിതമായ വഴിത്തിരിവുകളാളും, മികച്ച പ്രകടനങ്ങളാലും സംഭന്നമായ  The Long Good Friday എക്കാലത്തെയും മികച്ച ഗ്യാങ്ങ്‌സ്റ്റര്‍ ചിത്രങ്ങളില്‍ ഒന്നാണ്.

Barrie Keeffe ന്‍റെ തിരകഥയെ മികച്ച രീതിയില്‍ തന്നെ ഒരുക്കാന്‍ സംവിധായകന്‍ John Mackenzie ക്ക് കഴിഞ്ഞിട്ടുണ്ട് എന്നാല്‍ ചിത്രത്തിന്‍റെ ഏറ്റവും വലിയ ശക്തി അഭിനയതാക്കളുടെ മികച്ച പ്രകടനവും Francis Monkman ഒരുക്കിയ പശ്ചാത്തല സംഗീതവുമാണ്. എക്കാലത്തെയും മികച്ച പശ്ചാത്തല സംഗീതങ്ങളില്‍ ഒന്നാണ് ഈ ചിത്രത്തിലേത്.

Harold Shand ആയി വേഷമിട്ട Bob Hoskinsനെ എത്ര പ്രശംസിച്ചാലും മതിയാവില്ല അത്ര ഗംഭീരമായാണ് അദ്ദേഹം അഭിനയിച്ചിരിക്കുന്നത് ക്ലൈമാക്സ്‌ രംഗത്തിലെ അദ്ദേഹത്തിന്റെ ഭാവപ്രകടന്നങ്ങള്‍ മാത്രം മതി അദ്ദേഹത്തിലെ പ്രതിഭയെ തിരിച്ചറിയാനായി. അതുപോലെ അദ്ദേഹത്തിന്റെ ഭാര്യയുടെ വേഷം ചെയ്ത Helen Mirren ന്‍റെ പ്രകടനവും വളരെ നന്നായിരുന്നു. മറ്റു കഥാപാത്രങ്ങളെ അവതരിപ്പിച്ചവരെല്ലാം തന്നെ തങ്ങളുടെ വേഷങ്ങള്‍ ഭംഗിയായി ചെയ്തിട്ടുണ്ട്. ജയിംസ്‌ ബോണ്ടായി എല്ലാവരുടെയും പ്രിയങ്കരനായി മാറിയ പിയേഴ്സ് ബ്രോസ്നന്‍ ആദ്യമായി അഭിനയിച്ച  ചിത്രം കൂടിയാണ് The Long Good Friday.

ചുരുക്കത്തില്‍ മികച്ച ക്രൈം ഡ്രാമ ചിത്രങ്ങള്‍ ഇഷ്ടപെടുന്നവര്‍ തീര്‍ച്ചയായും കണ്ടിരിക്കേണ്ട ചിത്രമാണ് Long Good Friday.

Tuesday 18 November 2014

67.Guardians of the Galaxy

Guardians of the Galaxy (2014) : 100% Entertainer.


Language: English
Genre: Superhero
Director: James Gunn
Writers: James Gunn, Nicole Perlman
Stars: Chris Pratt, Vin Diesel, Bradley Cooper

Guardians of the Galaxy is the fourth film in Phase 2 of the Marvel Cinematic Universe (after Captain America : The Winter Soldier and last year's Iron Man 3 and Thor: The Dark World).

When marvel announced that they are going to make a live action movie on Guardians of the Galaxy  i was like who the hell are Guardians of the Galaxy ? I was totally unaware about the characters, and after learning about the team which consists of a gun-wielding raccoon and a fighting tree creature i was more confused. But when the first teaser came out i totally loved it and couldn't wait to see the complete film.

The Plot of the movie goes like this After stealing a mysterious orb in the far reaches of outer space, Peter Quill from Earth, is now the main target of a manhunt led by the villain known as Ronan the Accuser.To help fight Ronan and his team and save the galaxy from his power Peter Quill forms an uneasy alliance with a group of extraterrestrial misfits:Gamora: An orphan from an alien world who seeks redemption for her past crimes. She was trained by Thanos to be his personal assassin.Rocket: A genetically engineered raccoon who is a bounty hunter and mercenary, as well as a master of weapons and battle tactics. Groot: A tree-like humanoid who is the accomplice of Rocket.Drax the Destroyer:A warrior in search of vengeance against Ronan for killing his family.

The film is strong on so many levels, outstanding characters, great worlds, is emotional and humorous, excellent visual effects. Unlike marvels previous films Thor: The Dark World and Captain America: Winter Soldier Guardians doesn't have a darker theme, the characters are funny and awesome at the same time. The dialogues and action sequences are top notch. All the characters are cool, but the show stealer's were Rocket Raccoon a purely CGI character and Chris Patt as Peter Quill.

In short Guardians of the Galaxy is one of the best Marvel films to date. Its totally different from what we have so far seen from MCU. Eagerly waiting for the sequel.

Monday 17 November 2014

66.Interview with the Vampire: The Vampire Chronicles

Interview with the Vampire: The Vampire Chronicles (1994) : Highly underrated, Became my favorite vampire movie of all time.
Language: English
Genre: Horror
Director: Neil Jordan
Writers: Anne Rice
Stars: Brad Pitt, Tom Cruise, Kirsten Dunst
രാത്രിയുടെ നാലാം യാമത്തില്‍ കുറുക്കന്‍മാരുടെ ഊളിയിടലുകളുടെയും വവ്വാലുകളുടെ കരച്ചിലുകളുടെയും അകമ്പടിയോടെ, ഉറങ്ങി കിടക്കുന്ന സുന്ദരികളായ പെണ്‍കുട്ടികളുടെ ചുടു ചോര ഊറ്റികുടിക്കാനെത്തുന്ന  വാമ്പയര്‍മാര്‍ എന്നും ഹോളിവുഡിന്റെ പ്രിയപെട്ട വിഷയങ്ങളിലൊന്നാണ്. ഒട്ടനവധി ചിത്രങ്ങളും ഈ വിഷയത്തെ ആസ്പതമാക്കി ഹോളിവുഡ് അണിയിചൊരുക്കിയിട്ടുമുണ്ട് അവയില്‍ ഏറിയവയും വാമ്പയര്‍ മാരുടെ രാജാവായ ഡ്രാക്കുള പ്രഭുവിനെ കുറിച്ചുള്ളതായിരുന്നു. എന്നാല്‍ പതിവ് ശൈലിയില്‍ നിന്നും വെത്യസ്തമായ രീതിയില്‍ വാമ്പയര്‍മാരുടെ കഥ പറഞ്ഞ ചിത്രമായിരുന്നു 1994ല്‍ Neil Jordan അണിയിചൊരുക്കിയ Interview with the Vampire: The Vampire Chronicles എന്ന ചിത്രം.  Brad Pitt, Tom Cruise എന്നിവര്‍ പ്രധാനവേഷത്തിലെത്തിയ ഈ ചിത്രം അതുവരെയുമിറങ്ങിയ വാമ്പയര്‍ ചിത്രങ്ങള്‍ക്ക് ഒരു അധിക്ഷേപമാണ് എന്ന്‍ പറയാം അത്ര വെത്യസ്തമായാണ് സംവിധായകന്‍ ജോര്‍ഡാന്‍ ഈ ചിത്രം ഒരുക്കിയിട്ടുള്ളത്...

കഥ ഇങ്ങനെയാണ് താനൊരു വാമ്പയര്‍ ആണെന്ന് അവകാശപ്പെടുന്ന Louis de Pointe du Lac തന്‍റെ കഥ റിപോര്‍ട്ടറായ Daniel Molloy യോട് പറയുകയാണ്...

1791ല്‍ French Louisianaയില്‍ ഒരു വര്‍ഷം മുന്‍പ് പ്രസവത്തോടെ തന്നെ വിട്ടുപിരിഞ്ഞ ഭാര്യയുടെയും തനിക്ക് ലഭിക്കാതെപോയ കുഞ്ഞിന്‍റെയും ഓര്‍മ്മകളില്‍ മനംനൊന്ത് ജീവിതം തന്നെ വെറുത്ത് കഴിയുകയാണ് ഇരുപത്തിനാലുകാരനായ Louis. വാമ്പയറായ Lestatന് അവനോട് അനുകമ്പ തോന്നുകയും, വാമ്പയര്‍ മാരുടെ ലോകത്തേക്ക് അവനെ അയാള്‍ ക്ഷണിക്കുക്കയും ചെയ്യുന്നു.  തുടര്‍ന്ന്‍ അയാളുടെ ക്ഷണം സ്വീകരിച്ച് Lestatന്‍റെ രക്തം കുടിച്ച് Louisഉം വാമ്പയറായി മാറുന്നു. ജനിച്ചു വീണ ഒരു കുഞ്ഞു തന്‍റെ മാതാപിതാക്കളില്‍ നിന്നും സംസാരിക്കാനും നടക്കാനുമെല്ലാം എപ്രകാരം പഠിക്കുന്നുവോ അപ്രകാരം Lestatനില്‍ നിന്നും Louis ഇനി വാമ്പയറുകളുടെ ജീവിത രീതികള്‍ മനസിലാക്കി എടുത്തെ മതിയാകു...

ഒരിക്കലും മരണം തേടിയെതാത്ത എന്നും നിത്യ യൗവനം സമ്മാനിക്കുന്ന രാത്രിയില്‍ ഇരയെ വേട്ടയാടി അവയുടെ ചുടുചോര ഊറ്റികുടിച്ച് കാലമുള്ള കാലം വരെ ജീവിക്കുന്ന വാമ്പയറായി മാറിയ Louisന്‍റെ ജീവിതത്തില്‍ ഇനി എന്താണ് സംഭവിക്കുക്ക ?

 1976ല്‍ Interview with the Vampire എന്ന പേരില്‍ Anne Rice എഴുതിയ നോവലിനെ അസ്പതമാക്കിയാണ് ഈ ചിത്രം ഒരുക്കിയിട്ടുള്ളത്. പതിനേഴാം നൂറ്റാണ്ടിലെയും പതിനെട്ടാം നുറ്റാണ്ടിലെയും അമേരിക്കയിലുടെയും പത്തൊന്‍പതാം നുറ്റാണ്ടിലെ യൂറോപ്പിലുടെയും ചിത്രം സഞ്ചരിക്കുമ്പോള്‍ ഓരോ കാലത്തും വന്ന മാറ്റങ്ങള്‍ വാമ്പയര്‍ മാരുടെ കണ്ണിലുടെ ചിത്രം നമുക്ക് കാട്ടിതരുന്നുണ്ട്. വികാരങ്ങളുടെ കാര്യത്തില്‍ മനുഷ്യരില്‍ നിന്നും വാമ്പയര്‍മാരും അധികം വെത്യസ്ഥരല്ല എന്നും ചിത്രം പറയുന്നു. സംവിധായകന്‍ എന്ന നിലയില്‍ തന്‍റെ ജോലി വളരെ ഭംഗിയായി നിര്‍വഹികാന്‍ ജോര്‍ഡനു സാധിച്ചിട്ടുണ്ട്. ചിത്രത്തിലുടനീളം വളരെ ഡാര്‍ക്ക് ആയൊരു മൂഡ്‌ ഉണ്ടാക്കി എടുക്കാന്‍ അദ്ദേഹത്തിന് കഴിഞ്ഞിട്ടുണ്ട്. അതിനു അദ്ധേഹത്തെ സഹായിച്ചത് Malcolm Middleton ന്‍റെ മികവുറ്റ കലാസംവിധാനവും, ചിത്രലുടനീളം നിറഞ്ഞു നില്‍ക്കുന്ന Elliot Goldenthal ന്‍റെ ഉഗ്രന്‍ പശ്ചാത്തല സംഗീതവുമാണ് ആ വര്‍ഷത്തെ അക്കാദമി അവാര്‍ഡുകളില്‍ ഇരുവരും നിര്‍ദേശിക്ക പ്പെടുകയും ചെയ്തു.

ചിത്രത്തിന്‍റെ ഏറ്റവും വലിയ സവിശേഷതകളില്‍ ഒന്ന്‍ ബ്രാഡ് പിറ്റ്, ടോം ക്രുസ് എന്നിവരുടെ പ്രകടനങ്ങളാണ് പ്രത്യേഗിച്ചും ടോം ക്രുസിന്റെ പ്രകടനം, ഒരു വാമ്പയറിന്റെ എല്ലാ സ്വഭാവ സവിശേഷധകളുമുള്ള രക്തധാഹിയും ക്രൂരനുമായ Lestat ആയുള്ള ക്രുസിന്റെ പ്രകടനം അദ്ദേഹത്തിന്റെ കരിയറിലെ തന്നെ ഏറ്റവും വെത്യസ്തവും മികച്ചതുമായ കഥാപാത്രങ്ങളില്‍ ഒന്നാണ്. അതേസമയം മനുഷ്യ രക്തം കുടിക്കുന്നതിനോട് തീരെ താല്‍പര്യം പ്രകടിപ്പിക്കാത്ത അതൊരു തെറ്റായി തന്നെ കാണുന്ന മനുഷ്യ വികാരങ്ങള്‍ ഇപ്പോഴും ഉള്ളില്‍ നില്‍ക്കുന്ന Louis ആയി ബ്രാഡ് പിറ്റും  മികച്ച പ്രകടന്നം കാഴ്ചവെച്ചിരിക്കുന്നു. എടുത്ത് പറയേണ്ട മറ്റൊരു പ്രകടനം Claudia ആയുള്ള Kirsten Dunst ന്‍റെ അഭിനയമാണ് ചെറുപ്രായത്തില്‍തന്നെ ഈ കുട്ടി വളരെ നല്ല അഭിനയമാണ് പുറതെടുത്തിരിക്കുന്നത്, മികച്ച സഹനടിക്കുള്ള ഗോള്‍ഡന്‍ ഗ്ലോബ് പുരസ്കാരത്തിനും ഇവരെ നിര്‍ദേശിക്കപ്പെടുകയുണ്ടായി എന്നത് അവരുടെ പ്രകടനം എത്ര ശക്തമായിരുന്നു എന്ന്‍ പറയുന്നു.

ടോം ക്രുസ്, ബ്രാഡ് പിറ്റ് എന്നിവരുടെ മികച്ച ചിത്രങ്ങളുടെ ഇടയില്‍ ആരും പരാമര്‍ശിച്ചു കേള്‍ക്കാത്ത ചിത്രമായിരുന്നുവിത് എന്നാല്‍ ഇന്നു മുതല്‍ ഇവരുടെ ഞാന്‍ ഇഷ്ടപെടുന്ന ചിത്രങ്ങളുടെ ഇടയില്‍ ഈ ചിത്രവും ഉണ്ടാകും.

Sunday 16 November 2014

65.Serenity

Serenity (2005) : An adventurous journey through space.


Language: English
Genre: Sci-Fi
Director: Joss Whedon
Writer: Joss Whedon
Stars: Nathan Fillion, Gina Torres, Chiwetel Ejiofor

സൌരയുഥത്തിലെ മറ്റു നക്ഷത്ര സമുഹങ്ങളെയും ഗ്രഹങ്ങളെയും, അതിലെ മനുഷ്യരുടെ ജീവിതവും ആസ്പദമാക്കി ഒരുപാട് ചിത്രങ്ങള്‍ ഹോളിവുഡില്‍ പിറന്നിട്ടുണ്ടെങ്കിലും അവയില്‍ ഫാന്റസിയുടെ ഒരു മായാലോകം പ്രേക്ഷകന് സമ്മാനിച്ച ചിത്രമായിരുന്നു  സ്റ്റാര്‍ വാര്‍സ് പിന്നീടു ആ ശ്രേണിയിലേക്ക് സ്റ്റാര്‍ ട്രെക്ക് സീരിസുമെത്തി, പ്രേക്ഷകന് ഫാന്റസിയുടെ പുതിയൊരു ലോകവും ദ്രിശ്യ വിരുന്നും ഒരുക്കിയ ചിത്രങ്ങളായിരുന്നു ഇവ , അത്തരത്തിലുള്ള മറ്റൊരു ചിത്രമാണ് Serenity.

26ആം നൂറ്റാണ്ടില്‍ മനുഷ്യന്‍ ഭുമിയെ ഉപേക്ഷിച്ചു,  മറ്റൊരു നക്ഷത്ര സമുഹത്തിലെക്ക് ചേക്കേറുന്നു. വളരെയധികം ഗ്രഹങ്ങളും ഉപഗ്രഹങ്ങളുമുള്ള സമുഹത്തെ, കോളനിപോലെ ഒരുമിപ്പിച്ചു അവിടുത്തെ ഭരണസ്ഥിതിയും രൂപംകൊണ്ടു (Alliance). അധികം വൈകാതെ തന്നെ അലയന്‍സും സൌരയൂഥത്തിലെ അധികം പുരോഗതി പ്രാപിച്ചിട്ടില്ലാത്ത മറ്റു ഗ്രഹങ്ങളുമായി വലിയൊരു യുദ്ധമുണ്ടാവുകയും അതില്‍ അലയന്‍സ് വിജയിക്കുകയും ചെയ്തു...  ആളുകളുടെ സമ്മതമില്ലാതെ അവരേ ശാരിരികമായും മാനസികമായും മാറ്റി എടുക്കാന്‍ അലയന്‍സ് ശാസ്ത്രഞ്ജന്‍മാര്‍ നടത്തിവരുന്ന പരീക്ഷണങ്ങളില്‍ ഏറ്റവുമധികം പ്രതീക്ഷ നല്‍കുന്നവളാണ് പതിനേഴുകാരിയായ  River Tam... എന്നാല്‍ ശാസ്ത്രന്ജരില്‍ നിന്നും അവളുടെ ഏട്ടന്‍ സൈമണ്‍ അവളെ രക്ഷപെടുതുകയും ഇരുവരും ക്യാപ്റ്റന്‍  Malcolm "Mal" Reynolds നയിക്കുന്ന Serenity എന്ന് പേരുള്ള ട്രാന്‍സ്പോര്‍ട്ട് ഷിപ്പില്‍ അഭയം പ്രാപിക്കുന്നു. തങ്ങളുടെ രഹസ്യങ്ങള്‍ റിവറിലുടെ പുറത്ത് വരാതിരിക്കാന്‍ അലയന്‍സ് അവളെ കൊലപെടുത്താന്‍ ഒരു എജന്റിനെ നിയോഗിക്കുന്നു...

തങ്ങള്‍ അഭയം നല്‍കിയിരിക്കുന്നത് എത്ര വലിയ അപകടകാരിക്കാണെന്നു തിരിച്ചറിയാതെ ക്യാപ്റ്റന്‍ മാല്‍ക്കവും സംഘവും യാത്ര തുടരുകയാണ്...ഇനി എന്താണ് ഇവര്‍ക്ക് സംഭവിക്കുക്ക ? റിവറില്‍ നിന്നും പുറത്ത് വരുമെന്ന് അലയന്‍സ് ഭയക്കുന്ന രഹസ്യങ്ങള്‍ എന്തെല്ലാമാണ് ? ഇതെല്ലാമാണ് ചിത്രത്തിന്‍റെ ബാക്കി കഥ.

2002ല്‍ ഫോക്സ് ചാനലില്‍ സംപ്രേഷണം ചെയ്തിരുന്ന firefly എന്ന സീരീസിന്‍റെ തുടര്‍ച്ചയാണ് ഈ ചിത്രം ഒരുക്കിയിട്ടുള്ളത്. എന്നാല്‍ ചിത്രം കാണാന്‍ സീരീസ്‌ കണ്ടിരിക്കേണ്ട യാതൊരുവിധ ആവശ്യകതയുമില്ല. ഈ ശ്രേണിയില്‍ മുന്‍പിറങ്ങിയ സ്റ്റാര്‍ വാര്‍സ് സ്റ്റാര്‍ ട്രെക്ക് എന്നി ചിത്രങ്ങളെ പോലെ മികച്ച ദ്രിശ്യവിരുന്ന്‍ പ്രേക്ഷകന് സമ്മാനിക്കുന്നതില്‍ ഈ ചിത്രവും വിജയിചിരിക്കുന്നു. തുടക്കം മുതല്‍ ഒടുക്കം വരെ ഒരു മായലോകത്തെക്ക് ചിത്രം പ്രേക്ഷകനെ കൊണ്ടുപോകുന്നു. മികച്ച ആക്ഷന്‍ രംഗങ്ങള്‍ കൊണ്ടും സംഭന്നമാണ് Serenity.

മികച്ചൊരു സയന്‍സ് ഫിക്ഷന്‍ ചിത്രം ഒരുക്കുന്നതില്‍ ചിത്രത്തിന്‍റെ സംവിധായകനും തിരകഥാക്രിതുമായ Joss Whedon വിജയിച്ചിരിക്കുന്നു. ആദ്യ സീനിലുടെ തന്നെ പ്രേക്ഷകനെ ചിത്രത്തിലേക്ക് ആകര്‍ഷിക്കാന്‍ അദ്ദേഹത്തിന് കഴിഞ്ഞിട്ടുണ്ട്. ചിത്രത്തിന്‍റെ വിഷ്വല്‍ എഫെകറ്റ്സ് എടുത്ത പറയേണ്ട സവിശേഷതകളിലൊന്നാണ്. സീരീസില്‍ അഭിനയിച്ച അതെ ആളുകള്‍ തന്നെയാണ് ചിത്രത്തിലും പ്രധാന കഥാപാത്രങ്ങളെ അവതരിപ്പിച്ചിട്ടുള്ളത് എല്ലാവരും തന്നെ തങ്ങളുടെ റോളുകള്‍ നന്നായി ചെയ്തിട്ടുമുണ്ട്.

ചുരുക്കത്തില്‍ ഇത്തരത്തിലുള്ള സയന്‍സ് ഫിക്ഷന്‍ ചിത്രങ്ങള്‍ ഇഷ്ടപെടുന്ന ഏതൊരു പ്രേക്ഷകനും 2 മണിക്കൂര്‍ ആസ്വദിച്ചിരുന്നു കാണാവുന്ന ഒരു ചിത്രമാണിത്.

Tuesday 11 November 2014

64.Heaven Is for Real

Heaven Is for Real (2014) : വളരെ നല്ലൊരു ഫീല്‍ ഗുഡ് മൂവി.


Language: English
Genre: Drama
Director: Randall Wallace
Writers: Randall Wallace, Chris Parker
Stars: Greg Kinnear, Kelly Reilly, Colton Burpo, Thomas Haden Church

മനുഷ്യന് ജീവിതത്തെ കുറിച്ചു വെത്യസ്തമായ എത്രമാത്രം കാഴ്ച്ചപാടുകളുണ്ടോ അതിലധികം കാഴ്ച്ചപാടുകള്‍ മരണാന്തര ജീവിതത്തെക്കുറിച്ചും അവനുണ്ട്. ചിലര്‍ മരണാന്തര ജീവിതം ഉണ്ടെന്ന്‍ വിശ്വസികുമ്പോള്‍ മറ്റുചിലര്‍ അതിനെ പൂര്‍ണമായും തട്ടി കളയുന്നു. സ്വര്‍ഗത്തെയും നരഗത്തെയും കുറിച്ചുള്ള മനുഷ്യന്‍റെ ചിന്തകള്‍ തന്നെ മരണാന്തര ജീവിതത്തെ ക്കുറിച്ചുള്ള അവന്‍റെ വിശ്വാസത്തിന്‍റെ അടിസ്ഥാനത്തില്‍ ഉടലെടുത്തതാണെന്ന് വേണമെങ്കില്‍ പറയാം.

ഇന്നും വളരെയധികം ഗവേഷണങ്ങള്‍ ഇതുമായി ബന്ധപ്പെട്ട് ലോകത്തിന്‍റെ പല ഭാഗത്തും നടക്കുന്നുണ്ട് അവയില്‍ ഏറ്റവും അധികം ചര്‍ച്ച ചെയ്യപ്പെടുന്ന വിഷയമാണ് Near Death Experience എന്ന്‍ വിശേഷിപ്പിക്കുന്ന മനുഷ്യന്‍റെ അനുഭവങ്ങള്‍, മരണത്തിന്‍റെ വക്കോളം ചെന്ന് തിരിചെത്തിയവരുടെ അനുഭവങ്ങളാണ് ഇവിടെ ചര്‍ച്ചയാവുന്നത് തെളിച്ചു പറഞ്ഞാല്‍ ക്ഷണനേരത്തേക്ക് മസ്ഥിക്ഷ മരണം സംഭാവിച്ചവരോ അല്ലെങ്കില്‍ ആ ഒരു ഘട്ടം വരെ എത്തി ചേര്‍ന്ന് ജീവിതത്തിലേക്ക് തിരിചെത്തിയവരില്‍ പലര്‍ക്കും തങ്ങളുടെ ശരീരം ഉയര്‍ത്തപെട്ടതായും, ചുറ്റും ഒരു വെളിച്ചം വന്നു നിന്നതായും  അങ്ങനെ പല അനുഭവങ്ങളും ഉണ്ടായിട്ടുണ്ട് ഒരു പറ്റം ഗവേഷകരും തത്വചിന്തകരും എഴുത്തുകാരും മരണാന്തര ജീവിതത്തിന്‍റെ സൂചനയാണിത് എന്ന്‍ വിശ്വസിക്കുമ്പോള്‍ മറ്റൊരു വിഭാഗം ഹാലുസിനെഷന്‍ എന്ന അവസ്ഥയാണിത് എന്ന്‍ പറയുന്നു.

ഈ അവസരത്തില്‍ അപ്പെന്‍ഡിക്സ് ഓപ്പരേഷനിടയില്‍ സ്വര്‍ഗത്തിലേക്ക് ഒരു അത്ഭുത യാത്ര നടത്തിയ Colton Burpo എന്ന കുട്ടിയുടെ കഥ നമുക്കൊന്ന് കണ്ടു നോക്കാം

തന്‍റെ മകനുണ്ടായ അത്ഭുതകരമായ അനുഭവത്തെക്കുറിച്ച് നെബ്രാസ്ക്കയിലെ വെസ്ലിയാന്‍ പള്ളിയിലെ പാസ്റ്ററായ Todd Burpo എഴുതിയ Heaven Is For Real എന്ന പുസ്തകത്തെ ആസ്പതമാക്കിയാണ് ഈ ചിത്രം ഒരുക്കിയിട്ടുള്ളത്...

കഥ ഇങ്ങനെയാണ് Todd Burpo, Sonja Burpo ദമ്പതികളുടെ നാലുവയസുള്ള മകന്‍ അപ്രതീക്ഷിതമായി ഉണ്ടായ അപ്പെണ്ടിക്സ് സര്‍ജറിക്ക് ശേഷം ഓപ്പറെശഷന്‍ സമയത്ത് താന്‍ സ്വര്‍ഗത്തിലേക്ക് പോവുകയുണ്ടായി എന്ന്‍ പറയുന്നു ആ യാത്രയില്‍ അവന്‍ കണ്ട പല കാഴ്ചകളെ ക്കുറിച്ചും അവന്‍ തന്‍റെ മാതാപിതാക്കളോട് പറഞ്ഞു, അവയില്‍ അവരെ ഏറ്റവുമധികം ഞെട്ടിച്ച കാര്യങ്ങളായിരുന്നു, അന്നുവരെയും മക്കളോട് അവര്‍ പറയാതിരുന്ന ഗര്‍ഭസമയത്ത് തന്നെ തങ്ങള്‍ക്ക് നഷ്ട്ടപ്പെട്ട കുഞ്ഞിനെ പറ്റിയുള്ള കോളട്ടന്‍റെ വാക്കുകളും,  കോള്‍ട്ടന്‍ ജനിക്കുന്നതിനു മുപ്പത് വര്‍ഷം മുന്‍പ് മരിച്ചുപോയ അച്ഛന്‍ റ്റോഡിന്റെ  മുത്തശനെ കണ്ടതായുമുള്ള അവന്‍റെ വാക്കുകളും. നാലുവയസ്സു കാരന്റെ നിഷ്കളങ്കത നിറഞ്ഞ വാക്കുകള്‍ കേട്ട് ഇനി എന്താണ് ചെയ്യേണ്ടത് എന്ന്‍ അറിയാതെ നില്‍ക്കുകയാണ് റ്റോടും കുടുംബവും. ഇനി എന്താണ് ഇവരുടെ ജീവിതത്തില്‍ സംഭവിക്കുക്ക എന്നതാണ് ചിത്രം പറയുന്നത്...

അക്കാദമി അവാര്‍ഡിന് നിര്‍ദേശിക്കപ്പെടുകയും എമ്മി അവാര്‍ഡ് ജേതാവുമായ Greg Kinnearഉം  Kelly Reillyയുമാണ്‌ റ്റോട് ദമ്പതിമാരായി നമുക്ക് മുന്നിലെത്തുന്നത് ഇരുവരും തങ്ങളുടെ കഥാപാത്രങ്ങളെ മികച്ച രീതിയില്‍ അവതരിപ്പിക്കുകയും ചെയ്തിരിക്കുന്നു എങ്കിലും കോള്‍ട്ടനു ജീവന്‍ നല്‍കിയ Connor Corum എന്ന കൊച്ചു മിടുക്കന്റെ പ്രകടനമാണ് എന്നെ കൂടുതല്‍ ആകര്‍ഷിച്ചത്. റിലീസിനെ തുടര്‍ന്ന്‍ പുസ്തകത്തെ പോലെ ചിത്രവും ഒരുപാട് വിവാദങ്ങള്‍ക്ക് തിരികൊളുതുകയുണ്ടായി ക്രിസ്തിയ ചിന്തകള്‍ക്ക് എതിരാണ് ചിത്രത്തില്‍ പറയുന്ന കാര്യങ്ങള്‍ എന്നതായിരുന്നു പലരും ഉന്നയിച്ചിരുന്ന പ്രധാനകുറ്റങ്ങളില്‍ ഒന്ന്‍. ചിലപ്പോള്‍ അതിന്‍റെയൊക്കെ ഫലമായിട്ടാവാം അര്‍ഹിക്കുന്നതിലും ഒരുപാട് താഴെയുള്ള ചിത്രത്തിന്‍റെ IMDB റേറ്റിംഗ്.

വളരെ നല്ലൊരു ഫീല്‍ ഗുഡ് മൂവി അതാണ്‌ ഈ ചിത്രം ഇതില്‍ പറയുന്ന കാര്യങ്ങള്‍ പലരുടെയും വിശ്വാങ്ങള്‍ക്കും കാഴ്ചപ്പാടുകള്‍ക്കും എതിരായിരിക്കാം എന്നാല്‍ അതെല്ലാം മാറ്റി വെച്ച് ഈ ചിത്രം കാണാനിരുന്നാല്‍ വളരെ നല്ലൊരു ദിശ്യാനുഭവമാകും ഈ ചിത്രം നിങ്ങള്‍ക്ക് സമ്മാനിക്കുക.

Saturday 8 November 2014

63.The Invisible

The Invisible (2007) : A Nice One.



Language: English
Genre: Teen Supernatural Thriller
Director: David S. Goyer
Writers: Mick Davis, Christine Roum
Stars: Justin Chatwin, Margarita Levieva, Marcia Gay

The Invisible is a teen supernatural movie which is an official remake of the  Swedish film, Den Osynlige, which was based on the novel of the same name by Mats Wahl.

The film tells the story of Nick Powell who is an excellent high school who raises money by selling homework's. He plans to travel to London for attending a writer's course. He tells about this to his best friend, Pete Egan that he has already brought the airplane ticket but hasn't told to his mom, who won't let him go if she knows. Then there is Annie Newton the trouble maker in school. Nick's friend Peter Egan owes money to her... When events starts to unfold, cause of a mistaken identity Nick takes severe beating from Annie and her gang, When Nick goes unconscious Annie and rest of the gang thinks he's dead, his body is now dumped in a sewer. The next morning, he discovers he cannot be seen - he is now a spirit in a state of limbo and can only observe as the events of that day unfold.         

Though the movie have some similarities with 2005 film 'Just like Heaven' and 1999 film 'The Sixth Sense' still it manages to be different. The film tells us that what really matters is making your life worth something and taking control of it on your own.

The script and direction is just average, the main positive of the movie is the performance of Margarita Levieva as Annie, Her transformations throughout the movie is fantastic, specially her performance in the climax scene is really good. Justin Chatwin as Nick Powell has also done a decent job. Overall The Invisible is a one time watchable movie which you can enjoy if you go with zero expectation.

Thursday 6 November 2014

62.JFK

JFK (1991) :  A Must Must Must Must Must Watch Movie.


Language: English
Gnere: Political Thriller
Director: Oliver Stone
Writers: Oliver Stone, Zachary Sklar
Stars: Kevin Costner, Gary Oldman, Jack Lemmon

അമേരിക്കയുടെ ചരിത്രത്തിലെത്തന്നെ ഏറ്റവും പ്രശസ്തരായ പ്രസിടന്ടുമാരില്‍ ഒരാളായിരുന്നു John F. Kennedy. തന്‍റെ ഭരണകാലത്ത് അദ്ദേഹം അമേരിക്കക്ക് നല്‍കിയ സംഭാവനകള്‍ വളരെ വലുതാണ്‌. എന്നാല്‍ അദ്ദേഹത്തിന്റെ കൊലപാതകത്തിന് പിന്നിലെ രഹസ്യങ്ങള്‍ ഇന്നും ചുരുളഴിയാതെ നില്‍ക്കുകയാണ്. ലുസിയാന ഡിസ്ട്രിക്ട് അറ്റോര്‍ണി ആയിരുന്ന Jim Garrisonനും കൂട്ടരും ചേര്‍ന്ന്‍ പിന്നീടു നടത്തിയ അന്വേഷണത്തില്‍ ഒരു രാഷ്ട്രിയ ഗുഡാലോചനയുടെ ഫലമായിരുന്നു കെന്നഡിയുടെ കൊലപാതകം എന്ന്‍ കണ്ടെത്തുകയുണ്ടായി എന്നാല്‍ ശക്തമായ തെളിവുകളില്ല എന്നതിനെ തുടര്‍ന്ന്‍ കേസ് തള്ളിക്കളയുകയാണുണ്ടായത്. ജിമിന്‍റെ കണ്ടെത്തലുകള്‍ ഏതൊരു മനുഷ്യനെയും ഞെട്ടിക്കുന്നതായിരുന്നു..  

1991ല്‍ ജിം ഗാരിസണിന്‍റെ കണ്ടെത്തലുകളെ മുന്‍നിര്‍ത്തി Oliver Stone അണിയിച്ചൊരുക്കിയ ഒരു മികച്ച പൊളിറ്റിക്കല്‍ ത്രില്ലെറാണ് JFK.

കഥാന്തു:

1963 നവംബര്‍ 22ന് അമേരിക്കയുടെ  35ആമത് പ്രസിഡന്റ്‌ ജോണ്‍ ഫ് കെന്നഡി റ്റെക്സസിലെക്കുള്ള തന്‍റെ യാത്രയ്ക്കിടയില്‍ ഡല്ലാസില്‍ വെച്ച് കൊലപെടുകയുണ്ടായി. തുടര്‍ന്നുള്ള അന്വേഷണത്തില്‍ Lee Harvey Oswald അറസ്റ്റ്‌ ചെയ്യപെടുന്നു, എന്നാല്‍ ട്രയല്‍ നടക്കുന്നതിനു മുന്‍പേ തന്നെ Jack Ruby അയാളെ കൊലപെടുത്തുന്നു. തുടര്‍ന്ന്‍ നടന്ന അന്വേഷണത്തില്‍ ഇരുവരും ഒറ്റയ്ക്കാണ് കൃത്യങ്ങള്‍ ആസൂത്രണം ചെയ്ത് നടപ്പിലാക്കിയത് എന്ന്‍ തെളിഞ്ഞു. എന്നാല്‍ ലുസിയാന ഡിസ്ട്രിക്ട് അറ്റോര്‍ണി Jim Garrisonന് ഈ കണ്ടെത്തലുകളോടു യോജിക്കാനാവുന്നില്ല. തനിക്ക് വിശ്വാസമുള്ള ആളുകളെ ചേര്‍ത്ത് അദ്ദേഹം തന്‍റേതായ രീതിയില്‍ ഒരന്വേഷണം ആരംഭിക്കുന്നു....

എന്തായിരുന്നു ജിം തന്‍റെ അന്വേഷണത്തില്‍ കണ്ടെത്തിയത് ? യഥാര്‍ത്ഥത്തില്‍ കെന്നഡിയുടെ മരണം ഒരു ഗൂഡാലോച്ചനയുടെ ഫലമായിരുന്നോ ? ഇതെല്ലാമാണ് ചിത്രം പറയുന്നത്...

എല്ലാ അര്‍ത്ഥത്തിലും ഒരു മികച്ച കലാസൃഷ്ട്ടി എന്ന്‍  നമുക്ക് ഈ ചിത്രത്തെ വിശേഷിപ്പിക്കാം. മരണത്തിനു തൊട്ടു മുന്‍പ് വരെയുള്ള കെന്നഡിയുടെ രാഷ്ട്രിയ ജീവിതത്തിലെ പ്രധാന സംഭവങ്ങളുടെ  വീഡിയോ ദ്രിശ്യങ്ങള്‍ കാണിച്ചാണ് ചിത്രം തുടങ്ങുന്നത് അവിടം മുതല്‍ അവസാനം വരെ ഒരു മികച്ച പൊളിറ്റിക്കല്‍ ത്രില്ലെറിന്റെ എല്ലാ അനുഭൂതിയും ചിത്രം പ്രേക്ഷകനു സമ്മാനിക്കുന്നു. ജിമിന്‍റെ അന്വേഷണങ്ങള്‍ക്കും ചിന്തകള്‍ക്കുമൊപ്പം പ്രേക്ഷകനും സഞ്ചരിക്കുകയാണ് അദ്ദേഹത്തിന്റെ സംശയങ്ങള്‍ നമ്മുടെയും സംശയങ്ങളായി മാറുന്നു. ഓരോ പ്രേക്ഷകന്റെയും മനസ്സിലേക്ക്ചിത്രം വളരെപെട്ടന്ന് ആഴ്ന്നിറങ്ങുന്നു.

 Jim Garrisonന്‍റെ "On the Trail of the Assassins",  Jim Marrsന്‍റെ "Crossfire: The Plot That Killed Kennedy" എന്നി പുസ്തകങ്ങളെ അസ്പതമാക്കിയാണ് Oliver Stoneഉം Zachary Sklarഉം ചിത്രത്തിന്‍റെ തിരകഥയൊരുക്കിയത്. അത് വളരെ മികച്ച രീതിയില്‍ പ്രേക്ഷകനു മുന്നിലെത്തിക്കുവാന്‍ ചിത്രത്തിന്‍റെ സംവിധായകനും കൂടിയായ Oliver Stoneന് സാധിച്ചിട്ടുണ്ട്. ചിത്രത്തിലുടനീളം ഒരു മികച്ച സംവിധായകന്‍റെ കൈയ്യൊപ്പുകള്‍ നമുക്ക് കാണാം. അതുപോലെ Robert Richardson ന്‍റെ ഛായാഗ്രഹണം, Joe Hutshing, Pietro Scalia എന്നിവരുടെ എഡിറ്റിംഗ്എല്ലാം എടുത്ത് പറയേണ്ട ചിത്രത്തിന്‍റെ മേന്മകളാണ്. മികച്ച ചിത്രതിനുള്‍പ്പടെ 8ഓളം അക്കാദമി അവാര്‍ഡുകള്‍ക്ക് നിര്‍ദേശിക്കപ്പെട്ട ചിത്രം, മികച്ച ഛായാഗ്രഹണത്തിനും മികച്ച എഡിറ്റിങ്ങിനുമുള്ള 1991ലെ അക്കാദമി അവാര്‍ഡുകള്‍ സ്വന്തമാക്കി.

ചിത്രത്തിന്‍റെ ഏറ്റവും വലിയ ശക്തികളില്‍ ഒന്ന്‍ പ്രധാന കഥാപാത്രങ്ങളെ അവതരിപ്പിച്ചവരുടെ മികച്ച പ്രകടനങ്ങളായിരുന്നു. ജിം ഗാരിസണായി Kevin Costner അഭിനയിക്കുകയായിരുന്നില്ല മറിച്ചു ജീവിക്കുകയായിരുന്നു, എന്ന്‍ വേണം പറയാന്‍. എടുത്ത് പറയാന്‍ തുടങ്ങിയാല്‍ ഒരുപാട് പേരുടെ പേരുകള്‍ ഇതുപോലെ പറയേണ്ടി വരും കാരണം ചിത്രത്തില്‍ ക്ഷണനേരത്തേക്ക് വന്നു പോകുന്ന കഥാപാത്രങ്ങളെ അവതരിപ്പിച്ചവര്‍ പോലും മികച്ച പ്രകടന്നങ്ങളാണ്കാഴ്ചവെച്ചിരിക്കുന്നത്.

കെന്നഡിയുടെ കൊലപാതകത്തിന് പിന്നിലെ കഥകള്‍ മാത്രമല്ല ഈ ചിത്രം, അമേരിക്കന്‍ രാഷ്ട്രിയത്തിലെ പല പ്രധാന സംഭവങ്ങളും ഈ ചിത്രത്തില്‍ നമുക്ക് കാണാവുന്നതാണ്. ഇതിനെല്ലാം പുറമേ സത്യം അത് എത്ര മൂടിവെച്ചാലും ഒരിക്കല്‍ പുറത്ത് വരിക തന്നെ ചെയ്യും അത് തെടിപോകാന്‍ നാം തൈയ്യാറാവണം എന്ന സന്ദേശം ചിത്രം നമുക്ക് നല്‍കുന്നുണ്ട്.

യഥാര്‍ത്ഥ സംഭവവങ്ങളെ ആസ്പതമാക്കിയുള്ള മികച്ച പൊളിറ്റിക്കല്‍ ത്രില്ലെര്സ് അന്വേഷിക്കുന്നതിനിടയിലാണ് Manish K Nair എനിക്ക് ഈ ചിത്രം നിര്‍ദേശിച്ചത്. മുന്‍പ് കണ്ട പല ഹോളിവുഡ് ചിത്രങ്ങളിലും പറഞ്ഞു കേട്ട ഒരു പേരായിരുന്നു ജോണ്‍ ഫ് കെന്നഡി, അന്ന്‍ മുതലേ അദ്ദേഹത്തിന്‍റെ ജീവിതത്തെക്കുറിച്ച് അറിയണമെന്നാഗ്രഹം മനസ്സിലുണ്ടായിരുന്നു അത് കൊണ്ട് തന്നെ മറ്റെല്ലാ ഡൌണ്ലോഡുകളും മാറ്റി വെച്ച് ഞാന്‍ ഈ ചിത്രം ഡൌണ്‍ലോഡ് ചെയ്തു കാണുകയായിരുന്നു. ഇപ്പോള്‍ ഞാന്‍ കണ്ടിട്ടുള്ള ഏറ്റവും മികച്ച അഞ്ചു ചിത്രങ്ങളില്‍ ഒന്നാണ് JFK..

ചിത്രം കണ്ടു കഴിഞ്ഞു ഇപ്പോള്‍ ഞാന്‍ JFK യുടെ മരണത്തിനു പിന്നിലെ കഥകളെ കുറിച്ചു ഇന്റര്‍നെറ്റില്‍ ലഭ്യമായ വിവരങ്ങള്‍ ശേഖരിച്ചു കൊണ്ടിരിക്കുകയാണ് അത്രയധികം ഈ ചിത്രം എന്നെ സ്വാധീനിച്ചു നല്ല ചിത്രങ്ങള്‍ കാണാന്‍ ആഗ്രഹിക്കുന്ന ഒരാളാണ് നിങ്ങളെങ്കില്‍ തീര്‍ച്ചയായും ഈ ചിത്രം കണ്ടിരിക്കണം

Monday 3 November 2014

61.Fury

Fury (2014) : "Ideals are peaceful, History is violent"

Language: English
Genre: Action-War-Drama
Director: David Ayer
Writer: David Ayer
Stars: Brad Pitt, Shia LaBeouf, Logan Lerman 

രണ്ടാം ലോക മഹായുദ്ധത്തിന്റെ പശ്ചാത്തലത്തില്‍ ഹോളിവുഡില്‍ നിന്നും ഒട്ടനവധി യുദ്ധ ചിത്രങ്ങള്‍ പുറത്തിറങ്ങിയിട്ടുണ്ട് അവയില്‍ ഏറ്റവും മുന്നില്‍ നില്‍ക്കുന്നത് 1998ല്‍ സ്പില്‍ബര്‍ഗ് അണിയിച്ചൊരുക്കിയ സേവിംഗ് പ്രൈവറ്റ് റയന്‍ എന്ന അതിമനോഹര ചിത്രമാണ്. യുദ്ധരംഗങ്ങള്‍ ഇത്ര മനോഹരമായി ചിത്രീകരിച്ച മറ്റൊരു ചിത്രവുമില്ല. അതുകൊണ്ട് തന്നെ ഈ ചിത്രം കണ്ടതിനു ശേഷം യുദ്ധ  പശ്ചാത്തലത്തില്‍ വന്ന മറ്റു ചിത്രങ്ങളൊന്നും തന്നെ കാണാന്‍ തോന്നിയിട്ടില്ല  എന്നാല്‍ കഴിഞ്ഞ ദിവസം തികച്ചും യാഥിര്‍ശ്ചികമായി Brad Pitt, Shia LaBeouf, Logan Lerman തുടങ്ങിയവരെ പ്രധാന കഥാപാത്രങ്ങളാക്കി David Ayer അണിയിച്ചൊരുക്കിയ ഫ്യുറി എന്ന ചിത്രം കാണാനിടയായി...

1939ല്‍ പോളണ്ടിലെക്ക് ജെര്‍മനിയുടെ കടന്നുകയറ്റം മുതല്‍ 1945ലെ അവരുടെ കീഴടങ്ങല്‍ വരെയുള്ള കാലത്തെ ചരിത്ര താളുകളില്‍ യൂറോപ്യന്‍ തിയറ്റര്‍ എന്നാണ് രേഖപെടുത്തിയിട്ടുള്ളത് ഈ കാലമത്രയും അതി ഭയാനകമായ യുദ്ധമാണ് യൂറോപ്പ് മുഴുവനും അരങ്ങേറിയത്...

ഏപ്രില്‍ 1945ല്‍ കൃത്യമായി പറഞ്ഞാല്‍ യുദ്ധം അവസാനിക്കുന്നതിനു ഒരു മാസം മുന്‍പ് സഖ്യ രാജ്യങ്ങളെല്ലാം തന്നെ ജെര്‍മനിയിലേക്ക് എത്തി കൊണ്ടിരിക്കുകയാണ് , ഈ അവസാന നാളുകളില്‍ ആര്‍ക്കും ഇനി ഈ യുദ്ധത്തിനു വേണ്ടി ജീവന്‍ കളയാന്‍ താല്‍പര്യമില്ല ഈ അവസരത്തില്‍ അമേരിക്കന്‍ സൈന്യത്തിലെ  സെര്‍ജന്റ് വാര്‍ഡാഡിയും അഞ്ചു പേരടങ്ങുന്ന അദ്ദേഹത്തിന്റെ സംഖവും,  ഫ്യുറി എന്നുപേരുള്ള തങ്ങളുടെ ഷെര്‍മന്‍ ടാങ്കുമായി (Sherman tank - M4 tank എന്നും പറയും ) ശത്രുവിന്‍റെ മണ്ണിലേക്ക് അധിമാരകമായ ഒരു ദൗത്യത്തിന് പുറപ്പെടുന്നു.  അംഗ ബലത്തിലും ആയുദ്ധ ബലത്തിലും പിന്നിലായ സംഖത്തിലേക്ക് ഇന്നുവരെ ഒരു ടാങ്കിന്റെ ഉള്‍വശം പോലും കണ്ടിട്ടില്ലാത്ത നോര്‍മാനും എത്തിചേരുന്നു.  നാസി ജെര്‍മനിയുടെ ഹൃദയത്തിലേക്കുള്ള ഇവരുടെ പടയോട്ടം ഇവിടെ തുടങ്ങുകയായി... വാര്‍ഡാഡിക്കും സംഖത്തിനും ഇനി എന്താണ് സംഭവിക്കുക്ക ? വിധിയെ വെല്ലുവിളിച്ചു കൊണ്ടുള്ള ഇവരുടെ ഈ സാഹസിക ദൗത്യം ലക്‌ഷ്യം കാണുമോ ? ഇതെല്ലാമാണ് ചിത്രം പറയുന്നത്...

 യുദ്ധ പശ്ചാത്തലത്തിലുള്ള ചിത്രങ്ങള്‍ പലതും ഇതിനു മുന്‍പ് കണ്ടിട്ടുണ്ടെങ്കിലും ഒരു ടാങ്കറിന്റെ അകത്തുള്ള സംഖത്തിന്‍റെ മാനസികാവസ്ഥയും അവരുടെ യുദ്ധ മുറകളും മറ്റും അദ്യമായാണ്  കാണുന്നത്. വളരെ യാഥാസ്ഥിതികതായോടുകൂടി ഈ രംഗങ്ങള്‍ അണിയിചോരുക്കുവാന്‍ സംവിധായകനു സാധിച്ചിട്ടുണ്ട്. ചിത്രം കണ്ടു കഴിയുമ്പോള്‍ ഒരു ടാങ്കിനകത്ത് ജീവിച്ച അനുഭൂതി ഓരോ പ്രേക്ഷകനും ലഭിക്കുന്നു യുദ്ധ രംഗങ്ങള്‍  അതിന്‍റെ തീവ്രധയോട് കൂടി അവതരിപ്പിച്ച ചുരുക്കം ചിത്രങ്ങളില്‍ ഒന്നാണ് ഫ്യുറി. രണ്ടാം ലോക മഹായുദ്ധത്തിന്‍റെ പശ്ചാത്തലത്തില്‍ മുന്‍പ് ഇറങ്ങിയ പല ചിത്രങ്ങളും നാസി പടയുടെ ക്രൂരതകള്‍ എടുത്ത് കാണിക്കുന്നതില്‍ മാത്രം ശ്രദ്ധ കേന്ദ്രികരിച്ചപ്പോള്‍, ഇരു പക്ഷത്തിന്റെയും ക്രൂര ചെധികള്‍ ഫ്യുറി തുറന്ന്‍ കാട്ടുന്നു. മനുഷ്യനിലെ തിന്മയുടെയും നന്മയുടെയും ഏറ്റവും വലിയ മുഖങ്ങള്‍ യുദ്ധത്തില്‍ പുറത്തുവരുന്നു എന്ന്‍ ചിത്രം നമ്മോട് പറയുന്നു.

ചിത്രത്തിന്‍റെ തിരകഥാക്രിത്തും സംവിധായകനുമായ ഡേവിഡ്‌ യെര്‍ വളരെ മികച്ചൊരു ചിത്രം ഒരുക്കുന്നതില്‍ പൂര്‍ണമായും വിജയിച്ചുവെന്ന് നിശംശയം പറയാം. അതുപോലെ ചിത്രത്തിന്‍റെ ഛായാഗ്രഹണം വളരെയധികം മികവ് പുലര്‍ത്തുന്നതായിരുന്നു.

പ്രധാന കഥാപാത്രങ്ങളെ അവതരിപ്പിച്ചവരുടെ മികച്ച പ്രകടന്നങ്ങളാണ് ചിത്രത്തിന്‍റെ ഏറ്റവും വലിയ കരുത്ത്. എപ്പോഴത്തെയും പോലെ തന്‍റെ റോളില്‍ ബ്രാഡ് പിറ്റ് എന്ന നടന്‍ തിളങ്ങി എന്നാല്‍ ഏറ്റവും മികച്ച പ്രകടനം പുറത്തെടുത്തത്, യുദ്ധമുഖത്തേക്ക് ആദ്യമായി കടന്നു വരുകയും അതിന്‍റെ തീക്ഷണതയ്ക്ക് മുന്‍പില്‍ പതറുകയും പിന്നീട് അനുഭവത്തിലുടെ ആ തീവ്രതയെ സദൈര്യം നേരിട്ട നോര്‍മാനെ അവതരിപ്പിച്ച  ലോഗന്‍ ലിമാന്‍ ആയിരുന്നു. The Perks of Being a Wallflower എന്ന ചിത്രം കണ്ടപ്പോഴേ ഇദ്ദേഹത്തില്‍ നിന്നും വരും കാലങ്ങളില്‍ മികച്ച പ്രകടനങ്ങള്‍ ഉണ്ടാകും എന്ന്‍ പ്രതീക്ഷിചതാണ് അത് വെറുതെയായില്ല. ഇവരെ കുടാതെ Shia LaBeouf, Jon Bernthal, Michael Peña എന്നിവരും തങ്ങളുടെ കഥാപാത്രങ്ങളെ മികച്ച രീതിയില്‍ അവതരിപ്പിക്കുന്നതില്‍ വിജയിച്ചു.

ചുരുക്കത്തില്‍ ഈ വര്‍ഷം ഹോളിവുഡില്‍ ഇറങ്ങിയ മികച്ച ചിത്രങ്ങളില്‍ ഒന്നാണ് ഫ്യുറി അതുപോലെ മികച്ച യുദ്ധ ചിത്രങ്ങളുടെ ഗണത്തിലും ഈ ചിത്രം ഉള്‍പ്പെടും കഴിയുന്നവര്‍ തിയറ്ററില്‍ പോയി തന്നെ ഈ ചിത്രം കാണാന്‍ ശ്രമിക്കണം. ഞാന്‍ ഏറ്റവും അധികം ഇഷ്ടപെടുന്ന യുദ്ധ ചിത്രങ്ങളില്‍ ഇനി എന്നും ഈ ചിത്രവുമുണ്ടാകും.