Tuesday 16 December 2014

76.Lingaa

Lingaa (2014) : A movie for die hard Rajani fans.


Language: Tamil
Genre: Action-Drama
Director: K.S. Ravikumar
Writers: Pon Kumaran, K.S. Ravikumar
Stars: Rajinikanth, Anushka Shetty, Sonakshi Sinha


എത്ര വലിയ അവിശ്വസിനീയ രംഗവും രജനികാന്ത് ചെയ്താല്‍ നാം കൈയ്യടിക്കും അത് കൊണ്ട് തന്നെയാണ് അദ്ദേഹത്തെ സൂപ്പര്‍സ്റ്റാര്‍ എന്ന്‍ നാം വിളിക്കുന്നതും.മനുഷ്യന്‍റെ സാമാന്യ ബുദ്ധിക്ക് അംഗീകരിക്കാന്‍ കഴിയാത്ത രംഗങ്ങളാല്‍ എന്നും സമ്പന്നമാണ് രജനി ചിത്രങ്ങള്‍ കെ സ് രവികുമാര്‍ അണിയിച്ചൊരുക്കിയ ലിംഗയും അതില്‍നിന്നും ഒട്ടും വെത്യസ്തമല്ല.

1939ല്‍ ബ്രിട്ടീഷ്‌ ഗവണ്‍മെന്റില്‍ ICS ഓഫീസറായിരുന്ന ലിംഗേശ്വരന്‍ സോളയുര്‍ ഗ്രാമത്തിലെ ജനങ്ങള്‍ക്ക് വേണ്ടി ചെയ്ത ത്യാഗത്തിന്‍റെ കഥയിലുടെയും കള്ളനായ ചെറുമകന്‍ ലിംഗയുടെ ജീവിതതിലുടെയുമാണ്‌ ചിത്രം കടന്ന്‍ പോകുന്നത്...

രസകരമായ മോഷണരംഗവും ചില കോമഡി രംഗങ്ങളാലും ആദ്യ പകുതി വലിയ കുഴപ്പങ്ങളൊന്നുമില്ലാതെ പെട്ടന്ന്‍ കടന്ന്‍ പോയി... എന്നാല്‍ രണ്ടാം പകുതിയില്‍ ലിംഗെശ്വര മഹാരാജവായി അദ്ദേഹം എത്തുമ്പോള്‍ രജനി ചിത്രങ്ങളില്‍ സ്ഥിരം കാണുന്ന ചേരുവകളായ ജനങ്ങളോടുള്ള അതിയായ സ്നേഹവും അവര്‍ക്ക്  വേണ്ടിയുള ത്യാഗവും ഒക്കെയാണ് നിറഞ്ഞു നില്‍ക്കുന്നത്... എന്നാല്‍ ഈ രംഗങ്ങള്‍ നന്നായി വെറുപ്പിച്ചുവെന്ന് പറയാതിരിക്കാന്‍ കഴിയില്ല.... രണ്ടാംപകുതിയില്‍ കൂടുതല്‍ വെറുപ്പിച്ചത് സൊനാക്ഷിയായിരുന്നു ഗ്രാമീണ പെണ്‍കുട്ടിയുടെ വേഷം അവര്‍ക്ക് ഒട്ടും തന്നെ ചെരുന്നുണ്ടായിരുന്നില്ല...

ഒടുവില്‍ സൂപ്പര്‍ഹീറോ പരിവേഷമുള്ള തലൈവര്‍ ചിത്രത്തിനു വേണ്ട ക്ലൈമാക്സോടെ തന്നെ ചിത്രം അവസാനിക്കുന്നു...

ട്രെയിനിലെ സംഖട്ടന രംഗവും, ഡാം കെട്ടുന്ന രംഗങ്ങളിലുള്ള ടെക്നിക്കല്‍ വര്‍ക്കുകളും റഹ്മാന്റെ സംഗീതവുമായിരുന്നു ചിത്രത്തില്‍ എന്നെ ഏറ്റവുമധികം ആകര്‍ഷിച്ച ഘടകങ്ങള്‍... 

കത്തിയുമായി ചിത്രത്തിനു നല്ല സാമ്യം പലയിടത്തും അനുഭവപെട്ടുവെന്ന് പറയാതിരിക്കാനാവില്ല എന്നാല്‍ കത്തി ഉണ്ടാക്കിയ സ്വാധീനം പ്രേക്ഷകരിലെത്തിക്കാന്‍ ലിംഗയ്ക്ക് സാധിച്ചില്ല...അതുപോലെ മുല്ലപ്പെരിയാര്‍ പ്രശ്നത്തില്‍ കേരളത്തിന്‍റെ ഭാഗത്താണ് തെറ്റെന്നും ചിത്രം പറയാതെ പറയുന്നുണ്ട്

കാര്യം ഇങ്ങനെയൊക്കെ ആണെങ്കിലും രജനി ആരാധര്‍ക്ക് വേണ്ട എല്ലാ ചേരുവകളും ചിത്രത്തിലുണ്ട്... അണ്ണനെ ഇഷ്ടപെടുന്നവര്‍ തിയറ്ററില്‍ നിന്നും തന്നെ കാണുക...

Monday 15 December 2014

75. The Hobbit: The Battle of the Five Armies

The Hobbit: The Battle of the Five Armies (2014) : Best in the Trilogy and a Treat to Hobbit Fans.


Language: English
Genre: Fantasy - Adventure
Director: Peter Jackson
Writers: Fran Walsh, Philippa Boyens,
Stars: Martin Freeman, Ian McKellen, Richard Armitage

1937ല്‍ പുറത്തിറങ്ങിയ J. R. R. Tolkien ന്‍റെ The Hobbit എന്ന നോവലിനെ അസ്പതമാക്കി Peter Jackson  അണിയിച്ചൊരുക്കിയ സിനിമാത്രയത്തിലെ അവസാനഭാഗമാണ് The Hobbit: The Battle of the Five Armies. Middle Earthല്‍ Smaug എന്ന ഡ്രാഗണ്‍ അടക്കിപ്പിടിച്ചിരിക്കുന്ന നിധി തേടിയുള്ള ഹോബിറ്റ് Bilbo Baggins ന്‍റെ യാത്രയാണ് ഈ മൂന്ന് ചിത്രങ്ങളും പറയുന്നത്.

ഹോബിറ്റ് കഥകളുടെ തുടര്‍ച്ചയായി 1954ല്‍ പുറത്തിറങ്ങിയ J. R. R. Tolkien ന്‍റെ
The lord The Lord of the Rings എന്ന നോവലിന്‍റെ ചലച്ചിത്രാവിഷ്കാരത്തിലുടെയാണ് Peter Jackson പ്രേക്ഷക ഹൃദയങ്ങള്‍ ആദ്യം കീഴടക്കിയത്. The Lord of the Rings സിനിമാത്രയത്തിലെ ചിത്രങ്ങളായ  The Lord of the Rings: The Fellowship of the Ring (2001), The Lord of the Rings: The Two Towers (2002), The Lord of the Rings: The Return of the King (2003) എന്നി ചിത്രങ്ങള്‍ ഫാന്റസിയുടെ ഒരു പുത്തന്‍ ലോകം തന്നെയാണ് പ്രേക്ഷകനു സമ്മാനിച്ചത്. ഫാന്റസി ചിത്രങ്ങള്‍ ഇഷ്ടപെടുന്ന ഏതൊരു സിനിമ ആസ്വാദകന്റെയും പ്രിയ ചിത്രങ്ങളില്‍ മുന്‍പന്തിയിലാണ് The Lord of the Rings സിനിമാത്രയത്തിന്റെ സ്ഥാനം.

 The Lord of the Rings ഇറങ്ങി ഒന്‍പത് വര്‍ഷങ്ങള്‍ക്ക് ശേഷമാണ് Peter Jackson ഹോബിറ്റ് സിനിമാത്രയത്തിലെ ആദ്യ ചിത്രമായ The Hobbit: An Unexpected Journey എന്ന ചിത്രവുമായി വീണ്ടും പ്രേക്ഷകനു മുന്നിലെക്കെത്തിയത്, The Lord of the Ringsലെ സംഭവങ്ങള്‍ക്ക് മുന്‍പുള്ള കഥ പറഞ്ഞ ഈ ചിത്രവും പ്രേക്ഷകന് ഭാവനയുടെയും ദ്രിശ്യവിസ്മയത്തിന്റെയും പുതിയൊരു ലോകം സമ്മാനിച്ചുവെങ്കിലും  The Lord of the Rings ചിത്രങ്ങളുടെ നിലവാരത്തിലേക്ക് ഹോബിറ്റ് ത്രയത്തിലെ ആദ്യ ചിത്രമെത്തിയില്ല എന്ന പരാതി നിരൂപകര്‍ക്കും ആരാധകര്‍ക്കുമിടയില്‍ പരക്കെയുണ്ടായിരുന്നു എങ്കിലും ഫാന്റസി ചിത്രങ്ങള്‍ വളരെയധികം ഇഷ്ടപെടുന്ന ചിത്രം എനിക്ക് നന്നായി ഇഷ്ടപെട്ടിരുന്നു.

അടുത്ത വര്‍ഷമിറങ്ങിയ  The Hobbit: The Desolation of Smaug എന്ന ചിത്രവും ഞാന്‍ നന്നായി ആസ്വദിച്ചു ആദ്യ ഭാഗത്തേക്കാള്‍ മികച്ച അഭിപ്രായമാണ് രണ്ടാംഭാഗം നിരൂപകര്‍ക്കിടയിലും ആരാധര്‍ക്കിടയിലും നേടിയത്. അങ്ങനെ ഈ വര്‍ഷം ഹോബിറ്റ് ത്രയത്തിലെ അവസാന ചിത്രമായ The Hobbit: The Battle of the Five Armies മായി Peter Jackson എത്തുമ്പോള്‍ പ്രതീക്ഷകള്‍ വാനോളമായിരുന്നു അതുകൊണ്ട് തന്നെയാണ് മുന്‍ഭാഗങ്ങളെ പോലെ ഡിവിഡി റിപ്പ് വരുന്നത് വരെ കാത്തിരിക്കാതെ തിയറ്ററില്‍ നിന്നും തന്നെ ചിത്രം കാണാന്‍ തീരുമാനിച്ചത്...

Bilbo Baggins ഉം, Thorin Oakenshield ഉം മറ്റു ദ്വാര്‍വ്സും ഇപ്പോഴും ലോണ്‍ലി പര്‍വതത്തില്‍ നില്‍ക്കുകയാണ്,   ലേക്ക് ടൌണ്‍ ചിന്നഭിന്നമാക്കാനായി Smaug പറന്നുയര്‍ന്ന്‍ കഴിഞ്ഞു.. ഇനി എന്താണ് സംഭവിക്കുക ?  ഇവിടെ വെച്ചാണ് രണ്ടാം ഭാഗമായ The Hobbit: The Desolation of Smaug അവസാനിച്ചത് അവിടെ നിന്നു തന്നെയാണ് ചിത്രം തുടങ്ങുന്നത്...  ഭാവനയുടെ മായാലോകം തുറന്നു തരുന്ന ഈ ചിത്രത്തിന്‍റെ കഥാഗതി വിവരിക്കുവാന്‍ ഞാന്‍ ആഗ്രഹിക്കുന്നില്ല  കഥാഗതി അറിഞ്ഞാല്‍ ചിലപ്പോള്‍ പൂര്‍ണമായും നിങ്ങള്‍ക്ക് ഈ ചിത്രം ആസ്വദിക്കാന്‍ കഴിഞ്ഞുവെന്നു വരില്ല...

ഹോബിറ്റ് സിനിമ ത്രയത്തിലെ ഏറ്റവും മികച്ച ചിത്രമെന്നു നമുക്ക് The Hobbit: The Battle of the Five Armies നെ വിശേഷിപ്പിക്കാം അത്ര മനോഹരമാണ് ഈ ചിത്രം. പേര് സൂചിപ്പിക്കുന്നത് പോലെ തന്നെ ചിത്രത്തിന്‍റെ തൊണ്ണൂറ് ശതമാനവും യുദ്ധമാണ് ഇത് പലരും ഒരു പോരായ്മയായി പറഞ്ഞു കാണുകയുണ്ടായി എന്നാല്‍ നോവലിനേയും ഹോബിറ്റ് ചിത്രങ്ങളെയും നന്നായി അറിയാവുന്ന ഒരു പ്രേക്ഷകനും ഇങ്ങനെയൊരു അഭിപ്രായമുണ്ടാവുമെന്നു തോന്നുന്നില്ല കാരണം നോവലിന്‍റെ അവസാനഭാഗമത്രയും യുദ്ധം തന്നെയാണ് അതല്ലാതെ മറ്റൊന്നും തന്നെ ചിത്രത്തില്‍ കാണിക്കാന്‍ സാധിക്കില്ലലോ ? പിന്നെ ചോദ്യം അതെങ്ങനെ ദ്രിശ്യവല്‍കരിച്ച് എന്നതിലാണ്... മുന്‍പ് പറഞ്ഞപോലെ തന്നെ പ്രേക്ഷകരെ മുഴുവന്‍ Middle Earthന്‍റെ ഈ മഹായുദ്ധത്തിലേക്ക് കൂട്ടികൊണ്ടുപോകാന്‍ സംവിധായകന്‍ ജാക്സനു സാധിച്ചിട്ടുണ്ട് അത്ര മനോഹരമായിട്ടാണ് അദ്ദേഹം ചിത്രം അണിയിച്ചൊരുക്കിയിട്ടുള്ളത്...  കഥ,   അഭിനയ പ്രകടനങ്ങള്‍,  ചായാഗ്രഹണം,  പശ്ചാത്തല സംഗീതം,  മികച്ച ഗ്രാഫിക്സ്,  സംഖട്ടന രംഗങ്ങള്‍, അങ്ങനെ   എല്ലാ തലങ്ങളിലും ചിത്രം മികച്ചു നില്‍ക്കുന്നു എല്ലാ വശങ്ങളും മികച്ചു നില്‍ക്കുന്നതിനാല്‍ ഓരോരോ  വശങ്ങളെയും പ്രത്യേകം എടുത്ത് പറയേണ്ട ആവശ്യമുണ്ടെന്ന്‍ കരുതുന്നില്ല .

 ഹോബിറ്റ് ചിത്രങ്ങളുടെ കടുത്ത ആരാധകനായ എനിക്ക് ആകെ തോന്നിയ കുറവ് Smaug മായുള്ള Bainന്‍റെ യുദ്ധം കുറച്ചുകൂടി ഉണ്ടായിരുന്നെങ്കിലെന്നു ആശിച്ചുപോയി അതുപോലെ മുന്‍കാല ചിത്രങ്ങളെ അപേക്ഷിച്ച് ചിത്രത്തിന്‍റെ ദൈര്‍ഖ്യം കുറച്ചതും എനിക്ക് സഹിച്ചില്ല.

മൊത്തത്തില്‍ ഹോബിറ്റ് ചിത്രങ്ങളുടെ ആരാധകര്‍ക്ക് ഒരു വിരുന്ന്‍ തന്നെയാണ് The Hobbit: The Battle of the Five Armies.

Wednesday 10 December 2014

74.The Gifted Hands

The Gifted Hands - "Saikometeuri" (original title) (2013) : An Engaging Mystery Drama.


Language: Korean
Genre: Mystery - Drama - Sci-fi
Director: Ho-Young Kweon
Writers: Young-jong Lee, Jun-hee Han
Stars: Kang-woo Kim, Bum Kim, Esom


മികച്ച മിസ്റ്ററി, ത്രില്ലെര്‍ ചിത്രങ്ങള്‍ ഇഷ്ടപെടുന്നവരുടെ പ്രിയപ്പെട്ട സിനിമ ഇന്ഡസ്ട്ട്രിയായി കൊറിയന്‍ സിനിമ ഇന്ഡസ്ട്ട്രി മാറിയത് അവരുടെ മികച്ച അവതരണശൈലി കൊണ്ടാണ്. വളരെയധികം ദുരൂഹത നിറഞ്ഞ പശ്ചാത്തലത്തില്‍ പ്രേക്ഷകനെ മുള്‍മുനയില്‍ നിര്‍ത്തുന്ന കഥാ സന്ദര്‍ഭങ്ങളും, ഉത്തേകജനകമായ മുഹൂര്‍ത്തങ്ങളാലും സംഭന്നമായിരിക്കും ഇത്തരം ചിത്രങ്ങള്‍.അതുപോലെ അമാനുഷികത നിറഞ്ഞ കഥകള്‍ വളരെ വിശ്വസിനിയമായ രീതിയില്‍ അണിയിച്ചൊരുക്കുന്നതിലും ഇവര്‍ക്ക് മറ്റ് ഇന്ഡസ്ട്ട്രികളെ അപേക്ഷിച്ച് ഒരു പ്രത്യേക കഴിവുള്ളതായി എനിക്ക് തോന്നിയിട്ടുണ്ട്... 2013ല്‍ Ho-Young Kweon അണിയിച്ചൊരുക്കിയ The Gifted Hands എന്ന ചിത്രം കൊറിയന്‍ ത്രില്ലെര്‍ ചിത്രങ്ങളുടെ ഈ സവിശേഷതകളെല്ലാം നിറഞ്ഞ ഒരു ചിത്രമാണ്.

കരിയറില്‍ ഏറ്റവും മോശമായ റെക്കോര്‍ഡ്‌ ഉള്ള ഡിറ്റക്ട്ടീവാണ് Yang Choon-Dong (Kang-woo Kim). തന്‍റെ മകളെ കാണാനില്ല എന്ന്‍ പരാതിപ്പെട്ടുകൊണ്ട് ഒരു സ്ത്രീ പോലിസ് സ്റ്റേഷനില്‍ എത്തുന്നു. മറ്റുധ്യോഗസ്തര്‍ അതിനെ തള്ളികളയുമ്പോള്‍ അതൊരു തട്ടികൊണ്ടുപോകല്‍ ആകാമെന്ന് Yang Choon-Dong  സംശയിക്കുന്നു തുടര്‍ന്ന്‍ കേസ് ഒറ്റയ്ക്ക് അന്വേഷിക്കാന്‍ Yang Choon-Dongന് അനുമതി ലഭിക്കുന്നു...

ദിവസങ്ങള്‍ക്ക് ശേഷം കാണാതായ പെണ്‍കുട്ടിയുടെ മൃദുദേഹം പോലിസ് കണ്ടെത്തുന്നു... താന്‍ ദിവസങ്ങള്‍ക്ക് മുന്‍പ് വഴിയരികിലെ മതിലില്‍ കണ്ട പെയിന്റിംന്ഗിലെ സ്ഥലത്ത് നിന്നു തന്നെയാണ് മൃദുദേഹം കണ്ടെത്തിയിരിക്കുന്നത് എന്ന്‍ തിരിച്ചറിയുന്ന Yang Choon-Dong ചിത്രം  വരച്ച Joonനു (Bum Kim) വേണ്ടിയുള്ള അന്വേഷണം ആരംഭിക്കുന്നു... ജൂണിനെ കണ്ടെത്തി അറസ്റ്റ് ചെയ്യാന്‍ ശ്രമിക്കുന്നതിനിടയില്‍ അസാധാരണമായ കഴിവുള്ളവനാണ് ജൂണ്‍ എന്ന്‍ മനസിലാക്കുന്നു... തന്‍റെ വലത് കൈകൊണ്ട് ജീവനുള്ളതും ഇല്ലാത്തതുമായ എന്ത് വസ്തുവിനെ സ്പര്ശിചാലും അതിന്‍റെ ഭൂതകാലത്തെ കുറിച്ചറിയാന്‍ ജൂണിനു സാധിക്കുമായിരുന്നു... തന്‍റെ ഈ കഴിവൊരു ശാപമായി കരുതി ഇത്രയുംകാലം പുറംലോകത്ത് നിന്നും അകന്ന്‍ കഴിഞ്ഞ ജൂണ്‍ Yang Choon-Dong ന്‍റെ നിര്‍ബന്ധത്തെ തുടര്‍ന്ന്‍ യഥാര്‍ത്ഥ കുറ്റവാളിയെ പിടികുടാന്‍ പോലിസിനെ സഹായിക്കാന്‍ തൈയ്യാറാവുന്നു...എന്നാല്‍ പോലീസിന്റെ കണ്ണില്‍ കുറ്റവാളി ജൂണ്‍ ആയിരുന്നു...

Yang Choon-Dongനെ സംബന്ധിചിടത്തോളം യഥാര്‍ത്ഥ കുറ്റവാളിയെ കണ്ടെത്താനുള്ള ഏക ഉപാധിയാണ് ജൂണ്‍ എന്നാല്‍ പോലിസ് അവനെ തന്നെ കുറ്റവാളിയായി കാണുന്ന ഈ സാഹചര്യത്തില്‍ ഇനി എന്താണ് Yang Choon-Dong ചെയ്യാന്‍ പോകുന്നത് ? യഥാര്‍ത്ഥ കുറ്റവാളി ആരാണ് ? ജൂണ്‍ നിരപരാധി തന്നെയാണോ ?

ഉത്തരമില്ലാത്ത ഈ ചോദ്യങ്ങളുടെയെല്ലാം ചുരുള്‍ അഴിയുകയാണ് മുന്‍പോട്ടുള്ള കഥാഗതിയില്‍...

കുട്ടികളുടെ തിരോധാനവും, കൊലപാതകവും, അമാനുഷികശക്തിയുമൊക്കെ കൊറിയന്‍ ചിത്രങ്ങളില്‍ നാം സ്ഥിരമായി കണ്ടുവരുന്ന ചേരുവകളാണ് എന്നാല്‍പോലും ഇത്തരം ചിത്രങ്ങളില്‍ എറിയവയും പ്രേക്ഷകന്റെ പ്രീതി നേടി എടുക്കുന്നതില്‍ വിജയം കാണാറുണ്ട് അത്തരത്തിലൊരു ചിത്രമാണ് The Gifted Hands.

കൊറിയന്‍ മിസ്റ്ററി ഡ്രാമകളില്‍ നിന്നും പൊതുവേ നാം പ്രതീക്ഷിക്കുന്ന തികച്ചും അപ്രതീക്ഷിതമായ വഴിത്തിരിവുകളാലും, ഉദ്ധെഗജനകമായ രംഗങ്ങളാലും സംഭന്നമാണ് The Gifted Hands. പ്രേക്ഷകനെ മുള്‍മുനയില്‍ നിര്‍ത്തുന്ന ഒട്ടേറെ രംഗങ്ങള്‍ ചിത്രത്തിലുണ്ട്.

Ho-Young Kweon സംവിധായകനെന്ന നിലയില്‍ തന്‍റെ ജോലി വളരെ ഭംഗിയായി നിര്‍വഹിച്ചിട്ടുണ്ട്.  Yang Choon-dong, ജൂണ്‍ എന്നിവരുടെ ഭൂതകാല വിവരണവും,ചിത്രത്തിന്‍റെ ഒഴുക്ക് നഷ്ടപെടാതെ തന്നെ മികച്ച രീതിയില്‍ കോമഡി രംഗങ്ങളും  ഉള്‍പെടുത്തിയിരിക്കുന്നതുമൊക്കെ അദ്ദേഹത്തിന്റെ കഴിവ് എടുത്ത് കാണിക്കുന്നു. ഇത് അദ്ദേഹത്തിന്റെ രണ്ടാമത്തെ ചിത്രമാണെന്ന് വിശ്വസിക്കാനാവുന്നില്ല. ദി ചെയിസര്‍, മെമ്മറീസ് ഓഫ് മര്‍ഡര്‍.. തുടങ്ങിയ ചിത്രങ്ങളെ പോലെ തുടക്കം മുതല്‍ അവസാനം വരെ പ്രേക്ഷകനെ പിടിച്ചിരുത്താന്‍ അദ്ദേഹത്തിന് സാധിച്ചിട്ടുണ്ട് എന്നാല്‍ കഥപരമായി നോക്കിയാല്‍ ആ ചിത്രങ്ങളുടെത് പോലെ പൂര്‍ണമായും ദുരൂഹത നിറഞ്ഞുനില്‍ക്കുന്ന ഒരു ചിത്രമല്ല  The Gifted Hands...

 പ്രകടന്നങ്ങളുടെ കാര്യത്തില്‍ Kang-woo Kim, Bum Kim ഇരുവരും മികച്ചു നിന്നു. ഇരുവരുടെയും കഥാപാത്രങ്ങളിലേക്ക് പ്രേക്ഷകനെ കൂടുതല്‍ അടുപ്പിക്കുന്നതില്‍ ഇവരുടെ പ്രകടനങ്ങള്‍ക്ക് വലിയൊരു പങ്കുതന്നെയുണ്ട്.

മൊത്തത്തില്‍ അമാനുഷികത നിറഞ്ഞ മികച്ചൊരു കൊറിയന്‍ മിസ്റ്ററി ക്രൈം ത്രില്ലറാണ് The Gifted Hands.


73.No Tears for the Dead

No Tears for the Dead - "U-neun nam-ja" (original title)  (2014) : An average movie with some great action sequences.

Language: Korean
Genre: Action Drama
Director: Jeong-beom Lee
Writer: Jeong-beom Lee
Stars: Dong-gun Jang, Min-hee Kim, Brian Tee

Gon (Jang Dong-gun) is a Korean-born but American-raised assassin living and working in the Los Angeles. He makes a terrible mistake of killing an innocent girl while completing his assignment which was supposed to be his final job. Gon returns to his apartment and tries to drown his regret in alcohol. But the situation becomes worse when his boss assigns him the job of killing the young girl's mother. Gon's new target Mogyeong, is a risk manager at an investment firm and has buried herself in work to bury her grief on the lost of her daughter. All he has to do is travel to South Korea and kill the child’s mother, but he can’t bring himself to do it and instead becomes something of a guardian angel as others come to complete the job he abandoned...


No Tears for the Dead is  similar to the directors previous film " The Man From Nowhere" in a lot of ways,  but this one doesn't have a strong script like The Man From Nowhere. The lack of character development in "No Tears For the Dead" is what makes "The Man From Nowhere" so much better. In "The Man From Nowhere", you actually cared about the characters and what the protagonist goes through to save his neighbor's child. Here, it is almost nonexistent since the action sequences leave no time for them to get acquainted. Yet director Lee manages to entertain the audience with its wonderfully choreographed action sequences. No Tears for the Dead once again shows Lee’s mastery of action sequences as everything from the choreography, cinematography, editing and sound design combine to create some incredibly exciting scenes. The lead actors have done a very good specially  Dong-gun Jang as Gon, His action sequences and emotional sequences were equally good

Overall No Tears for the Dead is an average movie with great action sequences and a lot of blood shed, which will entertain the fans of action movies. Its not a must watch film if you're a die hard fan of action movies you can go for this...

Saturday 6 December 2014

72.Man in Love

Man in Love - "Nam-ja-ga sa-rang-hal dae" (original title)  (2014) : An emotionally touching movie.


Language: Korean
Genre: Romantic Drama
Director: Dong-Wook Han
Writer: Kab-yeol Yu
Stars: Jeong-min Hwang, Hye-jin Han, Man-shik Jeong

Man in Love is a south Korean drama which tells the story of Tae-il a low-level thug who falls in love with Ho-Jung, the daughter of a debtor who lies in a coma.

The story goes like this, Tae-il is a 42 year old low-level thug working for a loan shark. Tae-il has never been in love. He goes around the streets of Gunsan for collecting debts and harassing shop owners for the security of money owed by them to the gang he works for and he doesn't seem to be hesitate about doing it. He lives with his brother Young-il and Young-il's family. One day he meets Ho-jung, a bank clerk who is taking care of her debt-ridden, terminally ill father.Tae-il forces her to sign a contract that requires her to sell her organs if she can't pay back her father's debt on time. Tae-Il doesn’t really know why exactly but he’s really worried about Ho-Jung after their not so good first meeting and repeatedly tries to find out how she plans to settle the debt...

He offers a new contract to her: He will exempt her from the debt if she goes on date with him. The more dates she goes on, the less debt she will have to pay off. At first she’s scared but Ho-Jung soon realizes that Tae-Il indeed cares about her and they grow closer. But something really bad is going to threaten their relationship ...

What is going to happen in between Tae-Il and Ho-Jung forms the rest of the story...

The story has nothing new to offer and it follows a predictable story line.
But still with some wonderful performance from the lead actors the movie pulls everything together and becomes to an endearing touching emotional drama.Hwang Jung-Min (Tae-il ) and Han Hye-Jin (Ho-jeong ) are fantastic together and create a natural and completely believable relationship between two people that complement each other beautifully.

There is quite some action and some thriller influences that make for a varied and always engaging experience until the last thirty minutes hit with some of the most touching south Korean drama of 2014.

In short Man in Love is a emotional romantic drama that will shed your eyes with tears. This one is not a must watch film but if you love korean drama's like BA:BO, My Girl and I, A Moment to remember, Always etc.. you should go for this one too...


Wednesday 3 December 2014

71.Happiness for Sale

Happiness for Sale - "Mi-na moon-bang-goo" (original title) (2013) : Takes you on a journey back to your school life.

Language: Korean
Genre: Drama - Comedy - Feel Good
Director: Jung Ik-Hwan
Writer: Bae Se-Young, Jung Ik-Hwan
Stars: Choi Gang-Hee , Bong Tae-Gyu


സ്കൂള്‍ കാലഖട്ടം ചിലര്‍ക്ക് വളരെ പ്രിയപ്പെട്ട ഓര്‍മകളാണ് സമ്മാനിച്ചിട്ടുള്ളത്, സ്കൂളിലേക്ക് പോകുന്ന വേളയിലും മടക്കയാത്രയിലും എല്ലാവരും ഒന്നിച്ചുള്ള നടത്തവും, ബസ്സ് കാത്തു നിക്കലും,  സ്കൂളിനോട് ചേര്‍ന്നുള്ള കടയില്‍ കയറി നിന്ന് സമയം  കളയുന്നതും , അവിടെ ഇരുന്നുള്ള സിനിമ ലേബല്‍ കളിയുമൊക്കെ അവര്‍ എന്നും ഓര്‍ക്കാന്‍ ഇഷ്ടപെടുന്നു അതുപോലെതന്നെ ചിലര്‍ മറക്കാന്‍ ആഗ്രഹിക്കുന്ന ഒരു കാലകട്ടവുമാണിത് അധികം സുഹ്രത്തുക്കളില്ലാതെ ഒറ്റപെട്ട് സ്ക്കൂള്‍ ജീവിതം തള്ളി നീക്കിയവരും നമുക്കിടയിലുണ്ട് എന്തായാലും ആ കാലത്തിലേക്ക് ഒരിക്കല്‍ക്കൂടി നമ്മളെ കൂട്ടിക്കൊണ്ടു പോവുകയാണ് Happiness for Sale...

ടാക്സ് കളക്ടറായി സിയോളില്‍ ജോലി ചെയ്യുകയാണ് Mi Na. നാട്ടില്‍ അച്ഛന്‍ നടത്തിവരുന്ന സ്കൂളിനോട് ചേര്‍ന്നുള്ള തങ്ങളുടെ കോര്‍ണര്‍ ഷോപ്പ് (Stationary Shop)  വില്‍ക്കാന്‍ അവള്‍ ബ്രോക്കറെ ഏല്‍pപിച്ചിട്ടു നാളുകള്‍ കുറെ കഴിഞ്ഞിരിക്കുന്നു... അച്ഛന്‍ അശുപത്രിയിലായതിനാല്‍ താന്‍ നേരില്‍ വന്നാല്‍ മാത്രമേ ഷോപ്പ് വില്‍ക്കാന്‍ സാധിക്കുവെന്ന് ബ്രോക്കര്‍ അവളോട് പറയുന്നു...

കുട്ടിക്കാലത്ത് അവളെ എല്ലാവരും കളിയാക്കിയിരുന്നത് തന്നെ ആ കോര്‍ണര്‍ ഷോപിന്റെ പേരിലായിരുന്നു, അതിന്‍റെ പേരിലായിരുന്നു അവള്‍ അച്ഛനെ പിരിഞ്ഞു സിയോളിലേക്ക് പോന്നതും, അത് കൊണ്ട് തന്നെ അങ്ങോട്ട്‌ തിരിച്ചുപോവുക എന്നത് അവള്‍ക്ക് ചിന്തിക്കാന്‍ കുടി സാധിക്കില്ലായിരുന്നു... എന്നാല്‍ നികുതി അടയ്ക്കാതെ മുങ്ങി നടക്കുന്ന ഒരുവനെ പിടികുടാനുള്ള അവളുടെ ശ്രമം ചെന്നവസാനിച്ചത് രണ്ടു മാസത്തെ സസ്പെന്‍ഷനിലായിരുന്നു അത് കുടാതെ കാമുകന്‍ തന്നെ ചതിക്കുകയായിരുന്നു എന്നും അവള്‍ അറിയുന്നു, അങ്ങനെ ക്ഷിപ്രകോപിയും എടുത്ത് ചാട്ടക്കാരിയുമായ നമ്മുടെ നായിക ആകേ തളര്‍ന്നിരിക്കുമ്പോഴാണ്, അച്ഛന്‍ പണം നല്‍കാനുള്ളവര്‍ അവളെ വിളിക്കുന്നത് അങ്ങനെ മറ്റുവഴികളൊന്നുമില്ലാതെ ഷോപ്പ് വില്‍ക്കുന്നതിനായി അവള്‍ നാട്ടിലേക്ക് മടങ്ങിയെത്തുന്നു...

കുറേകാലമായി അടച്ചിട്ടിരുന്നതിനെ തുടര്‍ന്ന്‍ വീണ്ടും നല്ല രീതിയില്‍ പ്രവര്‍ത്തിക്കാന്‍ തുടങ്ങിയാല്‍ മാത്രമേ കട വില്‍ക്കാന്‍ സാധിക്കുവെന്നതിനാല്‍ Mi Na ഷോപ്പ്  തുറക്കുന്നു എന്നനേക്കുമായി അടച്ചുപൂട്ടുവാന്‍ വേണ്ടി...

ഈ സമയത്താണ് അവിടുത്തെ സ്കൂളില്‍ പുതിയ അദ്ധ്യാപകനായി Kang Ho എത്തുന്നത്, Kang Hoയും Mi Naയും തമ്മില്‍ ചില സാമ്യതകളുണ്ട് രണ്ടുപേരും കുട്ടിക്കാലത്ത് ഒറ്റപ്പെട്ടു വളര്‍ന്നവരാണ്, ഇരുവര്‍ക്കും കുട്ടിക്കാലം സമ്മാനിച്ചത് കുറെ മോശം ഓര്‍മകളാണ്... Kang Ho ആ ഓര്‍മകളെ വളരെ രസകരമായ നിമിഷങ്ങളായി എടുത്തപ്പോള്‍ Mi Naയെ അതെല്ലാം തളര്‍ത്തുകയാണ് ചെയ്തത് ഇന്നവള്‍ ഇങ്ങനെയൊക്കെ ആയിതീര്‍ന്നതിനും കാരണം ആ ഓര്‍മ്മകള്‍ തന്നെയാണ്...    

എന്താണ് ഇനി Mi Naയുടെ ജീവിതത്തില്‍ ഉണ്ടാകാന്‍ പോകുന്നത് തന്നെ വേട്ടയാടുന്ന ഓര്‍മകളില്‍ നിന്നും ഒളിചോടുവാന്‍ അവള്‍ക്ക് സാധിക്കുമോ ? താനൊരിക്കലും ഇഷ്ടപെടാത്ത സ്ഥലത്ത് എത്രനാള്‍ പിടിച്ചു നില്‍ക്കാന്‍  അവള്‍ക്ക് സാധിക്കും ?

കാണുന്ന ഓരോ പ്രേക്ഷകനേയും അവന്‍റെ ബാല്യകാലത്തിലേക്ക് കൂട്ടിക്കൊണ്ടു പോവുകയാണ് ഈ ചിത്രം. തുടക്കം മുതല്‍ അവസാനം വരെ നമുക്ക് നല്ലൊരു അനുഭൂതി സമ്മാനിക്കുന്ന ചുരുക്കം ചില ചിത്രങ്ങളിലൊന്നാണ് Happiness for Sale.

ആദ്യം പറഞ്ഞത് പോലെ സ്കൂള്‍ ജീവിതം  ഒരു ദുസ്വപ്നമായി കൊണ്ടു നടക്കുന്നവരും നമുക്കിടയിലുണ്ട്. സുഹ്രത്തുക്കളാല്‍ ഒറ്റപ്പെട്ടു അന്തര്‍മുഖനായി സ്കൂള്‍ ജീവിതം കഴിച്ചുകൂട്ടിയവര്‍,
Mi Naയും  Kang Hoയും ആ ഗണത്തില്‍പ്പെടുന്നവരായിരുന്നു ഒറ്റപ്പെട്ടു സ്ക്കൂള്‍ ജീവിതം തള്ളിനീക്കിയവര്‍ അതിനാല്‍ തന്നെ തങ്ങളുടെ മുന്‍പിലെ കുട്ടികളും അത്തരം സന്ദര്‍ഭങ്ങളിളുടെ കടന്നു പോകുമ്പോള്‍ അതവരെയും ബാധിക്കുന്നു...തങ്ങളുടെ കുട്ടികാലത്തിലേക്ക് അവരും മടങ്ങിപോവുന്നു...
Mi Naയെ കുടുതല്‍ അറിയാനും അവളിലേക്ക് കുടുതല്‍ ആഴത്തിലേക്ക് ഇറങ്ങി ചെല്ലാനും ഈ രംഗങ്ങള്‍ പ്രേക്ഷകനെ വളരെയധികം സഹായിക്കുന്നുണ്ട്...

സംവിധായകന്‍ Jung Ik-Hwan വളരെ മികച്ച രീതിയില്‍ തന്നെ Happiness for Sale അണിയിച്ചൊരുക്കിയിട്ടുണ്ട്. ആദ്യ രംഗം മുതല്‍ പ്രേക്ഷകനെ ചിത്രത്തിലേക്ക് ആകര്‍ഷിക്കാന്‍ അദ്ദേഹത്തിനു സാധിച്ചിട്ടുണ്ട്. Mi Naയുടെയും Kang Hoയുടെയും ബാല്യകാല ഓര്‍മ്മകളും വര്‍ത്തമാനകാലത്തിലെ കുട്ടികളുടെ അനുഭവങ്ങളും അദ്ദേഹം കൂട്ടിചേര്‍ത്തിരിക്കുന്നത് വളരെ ഭംഗിയോടെയാണ്...

Mi Naയായി Kang-hee Choi വളരെ മികച്ച പ്രകടനമാണ് കാഴ്ചവെച്ചിരിക്കുന്നത് കൊറിയന്‍ അഭിനയത്രികളില്‍ Ha Ji-won കഴിഞ്ഞാല്‍ ഞാന്‍ ഏറ്റവുമധികം ഇഷ്ടപെടുന്നത് ഇപ്പോള്‍ ഇവരെയാണ്, അതുപോലെ Kang-Ho യായി Bong Tae-Gyuവും നല്ല പ്രകടനമാണ് കഴ്ചവെച്ചിട്ടുള്ളത്‌, അതുപോലെ ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിച്ച കുട്ടികളുടെയും പ്രകടനം മികവുറ്റതായിരുന്നു...

ചുരുക്കത്തില്‍ നല്ലൊരു ഫീല്‍ ഗുഡ് ചിത്രം കാണാത്തവര്‍ കണ്ടു നോക്കുക.


Tuesday 2 December 2014

70.Miss Granny

Miss Granny "Su-sang-han geu-nyeo" (original title)  (2014) : A feel good entertainer.


Language: Korean
Genre: Comedy-Fnatasy
Director: Dong-hyuk Hwang
Writers: Dong-ik Shin, Yoon-jeong Hong
Stars: Eun-kyung Shim, Mun-hee Na, In-hwan Park


നീണ്ട നാളത്തെ ഇടവേളക്ക് ശേഷം കൊറിയയില്‍ തിരിച്ചെത്തിയപ്പോള്‍ ആദ്യം കേട്ടത്, തന്‍റെ എഴുപത്തിനാലാം വയസ്സില്‍ അഞ്ജാതമായ ഏതോ വഴിയിലുടെ യൗവനം നേടിയെടുത്ത് വീണ്ടും ഇരുപതുകരിയായി മാറിയ മുത്തശ്ശിയെ കുറിച്ചാണ് പിന്നെ ഒട്ടും അമാന്തിച്ചില്ല ഉടനെ തന്നെ മുത്തശ്ശിയെ ചെന്ന്‍ അങ്ങ് കണ്ടു...

രസകരമായൊരു കൊച്ചുകഥയാണ് മുത്തശ്ശിക്ക് പറയാനുണ്ടായിരുന്നത്, 74 കാരിയായ Oh Mal-soon മകനോടും കുടുംബത്തോടുമൊപ്പമാണ് കഴിയുന്നത്, തന്റേടിയും അശ്ലീലവാദിയുമായ മുത്തശ്ശിയും, മരുമോള്‍ Ae-ja തമ്മില്‍ അത്ര രസത്തിലല്ല കഴിയുന്നത്. ആരുടേയും സഹായമില്ലാതെ മകനെ വളര്‍ത്തി വലുതാക്കി  നല്ല നിലയില്‍ എത്തിക്കാന്‍ സാധിച്ചു എന്നതില്‍ നന്നായി അഹങ്കരിച്ചാണ് മുത്തശ്ശിയുടെ നടപ്പ്. അങ്ങനെയിരിക്കെ Ae-ja സുഘമില്ലാതെ ആശുപത്രിയിലാവുന്നു ഡോക്ടര്‍മാര്‍  Mal-soonല്‍ നിന്നും അവരെ അകറ്റിനിര്‍ത്തുന്നതാണ് നല്ലത് എന്ന്‍ നിര്‍ദ്ദേശിക്കുന്നു...

അങ്ങനെയിരിക്കെ തന്‍റെ മകന്‍ തന്നെ ഒരു നഴ്സിംഗ് ഹോമില്‍ ആക്കാന്‍ പോവുകയാണ് എന്നവര്‍ അറിയുന്നു അതില്‍ വിഷമിച്ച് നഗരത്തിലുടെ അലഞ്ഞുതിരിഞ്ഞു നടക്കുന്നതിനിടയില്‍ യൌവനത്തിലെ നല്ല നിമിഷങ്ങള്‍ പകര്‍ത്തി എടുക്കുന്ന ഒരു ഫോട്ടോ സ്റ്റുഡിയോ അവര്‍ കാണുകയും മരിക്കാന്‍ അധികം നാള്‍ ബാക്കിയില്ലാത്ത താന്‍ എടുക്കുന്ന അവസാന ഫോട്ടോ ആയിരിക്കും ഇതെന്ന് കരുതികൊണ്ട് ഒരു ഫോട്ടോ എടുക്കുന്നു എന്നാല്‍ സ്റ്റുഡിയോയില്‍ നിന്നും തിരിച്ചിറങ്ങുന്ന Mal-soon കണ്ണാടിയില്‍ കണ്ട തന്‍റെ മുഖം കണ്ടു ഞെട്ടിതരിച്ചുപോയി അവര്‍ ഒരു ഇരുപതുകാരിയായി മാറിയിരിക്കുന്നു....

ഇനി എന്തൊക്കെയാണ് നമ്മുടെ മുത്തശ്ശിയുടെ ജീവിതത്തില്‍ സംഭവിക്കാന്‍ പോവുന്നത് എന്നതാണ് ചിത്രത്തിന്‍റെ  ബാക്കി കഥ...

തീര്‍ത്തും അവിശ്വസനീയമായ കഥകള്‍ ഏതൊരു പ്രേക്ഷകനെയും രസിപ്പിക്കുന്ന രീതിയില്‍ ഒരുക്കാനുള്ള കൊറിയക്കാരുടെ കഴിവ് എന്നെ പലപ്പോഴും അത്ഭുതപെടുത്തിയിട്ടുണ്ട് അതിവിടെയും ആവര്‍ത്തിച്ചുവെന്ന് പറയാം.  കാണുന്ന ഏതൊരു പ്രേക്ഷകനേയും പിടിചിരുത്താനുള്ള കഴിവ് ഈ മുത്തശ്ശിക്കുണ്ട്.

ചിരിക്കുന്നതിനൊപ്പം അല്‍പം ചിന്തിക്കാനുമുണ്ട് ചിത്രത്തില്‍, വാര്‍ദ്ധക്യം ബാധിച്ച മാതാപിതാക്കളോടുള്ള മക്കളുടെ പെരുമാറ്റം , നല്ല കാലത്ത് മക്കള്‍ക്ക് വേണ്ടി ജീവിക്കുകയും പിന്നീട് പ്രായമായികഴിയുമ്പോള്‍ തനിക്കൊരു താങ്ങായി മാറും എന്ന്‍ വിശ്വസിച്ച  മക്കള്‍ തന്നെ  ഉപേക്ഷിക്കുകയും ചെയ്യുമ്പോള്‍ അവര്‍ അനുഭവിക്കുന്ന വേദനയൊക്കെ ചിത്രത്തില്‍ നന്നായി ചിത്രീകരിച്ചിട്ടുണ്ട്. 

മുത്തശ്ശിയുടെ യൗവനകാലവും വാര്‍ദ്ധക്യകാലവും അവതരിപ്പിച്ച Eun-kyung Shim, Mun-hee Na എന്നിവരുടെ പ്രകടനമാണ് ചിത്രത്തിന്‍റെ പ്രധാന ഹൈലൈറ്റുകളിലൊന്ന്‍, ഇരുവരും വളരെ മികച്ച പ്രകടനമായിരുന്നു കാഴ്ചവെച്ചത്. കഥാപാത്രങ്ങളെ അവതരിപ്പിച്ചവരും തങ്ങളുടെ കഥാപാത്രങ്ങളെ നല്ല രീതിയില്‍തന്നെ അവതിപ്പിച്ചിട്ടുണ്ട്.

കൂടുതലൊന്നും പറയുന്നില്ല കൊറിയന്‍ കോമഡി ചിത്രങ്ങള്‍ ഇഷ്ടപെടുന്നവരാണ് നിങ്ങളെങ്കില്‍ ഈ ചിത്രം നിങ്ങളെ നിരാശപ്പെടുത്തില്ല എന്നത് തീര്‍ച്ച.