Showing posts with label Biography. Show all posts
Showing posts with label Biography. Show all posts

Sunday, 21 February 2016

142.Spotlight

Spotlight (2015) : The True Story Behind The Scandal That Shook The World & Undoubtedly The Best Of 2015.


Language: English
Genre: Biographical Drama
Director: Tom McCarthy
Writers: Josh Singer, Tom McCarthy
Stars: Mark Ruffalo, Michael Keaton, Rachel McAdams

അമേരിക്കന്‍ പത്രപ്രവര്‍ത്തന ചരിത്രത്തില്‍ ഏറ്റവും  പ്രശസ്തവും, പ്രായാധിക്യമുള്ളതും, ഇന്നും നിലനില്‍ക്കുന്നതുമായ കുറ്റാന്വേഷണ സംഘമാണ്  ദി ഗോള്‍ഡന്‍ ഗ്ലോബ്  പത്രത്തിലെ സ്പോട്ട്ലൈറ്റ് സംഘം. ബോസ്ണിലും പരിസര പ്രദേശങ്ങളിളുമായി കുട്ടികളെ ലൈംഗികമായി ചൂഷണം ചെയ്ത വൈദീകര്‍ക്കെതിരെ അവര്‍ നടത്തിയ അന്വേഷണത്തിന്‍റെ കഥ പറഞ്ഞ ചിത്രമാണ്  Tom McCarthy  യുടെ സംവിധാനത്തില്‍ 2015ല്‍ പുറത്തിറങ്ങിയ Spotlight... 2003ല്‍ സാമുഹ്യ സേവനത്തിനുള്ള Pulitzer ബഹുമതി സ്വന്തമാക്കിയ സ്പോട്ട്ലൈറ്റ് സംഘം തന്നെ എഴുതിയ കഥകളുടെ പശ്ചാത്തലത്തിലാണ്  ഈ ചിത്രം ഒരുക്കിയിരിക്കുന്നത്...

2001ല്‍ ദി ബോസ്റ്റന്‍ ഗ്ലോബ് പത്രം തങ്ങളുടെ പുതിയ എഡിറ്ററായി മാര്‍ട്ടിന്‍ ബാരോണിനെ നിയമിക്കുന്നു. എല്ലാ അര്‍ത്ഥത്തിലും തന്‍റെ പൂര്‍വികരെക്കാള്‍ വളരെ വെത്യസ്ഥനായിരുന്നു ബാരോണ്‍. എല്ലാ കാര്യത്തിലും തികഞ്ഞ പ്രൊഫഷണലിസം അയാള്‍ കാണിച്ചിരുന്നു... ആ ഇടയ്ക്ക് John Geoghan എന്ന വൈദീകന്‍ വര്‍ഷങ്ങളായി കുട്ടികളെ ലൈംഗികമായി ചൂഷണം ചെയ്തു പോന്നിരുന്നു  എന്നും ഇതിനെ കുറിച്ച് സഭയ്ക്ക് അറിയാമായിരുന്നു എന്നും ആരോപിച്ചു അഭിഭാഷകനായ Mitchell Garabedian നടത്തിയ പ്രസ്താവനയെക്കുറിച്ച്  പത്രത്തില്‍  വന്ന വാര്‍ത്തയുടെ പിന്നിലെ സത്യം തേടാന്‍ ബാരോണ്‍ അപ്പോഴത്തെ സ്പോട്ട്ലൈറ്റ് ടീമിനോട് ആവശ്യപെടുന്നു...  അന്വേഷണാത്മക പത്രപ്രവര്‍ത്തനത്തില്‍ പുതിയൊരു നിലവാരം തന്നെ ഉണ്ടാക്കിയ ചരിത്രമുള്ള സ്പോട്ട്ലൈറ്റ് സംഘത്തിന് അതൊരു വലിയ വെല്ലുവിളി തന്നെയായിരുന്നു... ലോകത്തിലെ ഏറ്റവും ശക്തമായ ഒരു മതസ്ഥാപനത്തിനു നേരെയാണ് അവര്‍ അന്വേഷണം ആരംഭിക്കുന്നത് ഒന്ന്‍ പിഴച്ചാല്‍ അവരുടെയും പത്രത്തിന്റെയും നിലനില്‍പ്പ്‌ തന്നെ ഇല്ലാതാവും... വര്‍ഷങ്ങള്‍ നീണ്ട അവരുടെ അന്വേഷണത്തെയും അവര്‍ കണ്ടെത്തിയ ഞെട്ടിക്കുന്ന സത്യങ്ങളുടെയും കഥയാണ്‌ പിന്നീടുള്ള ചിത്രം പറയുന്നത്...

കഴിഞ്ഞ വര്‍ഷത്തെ ഏറ്റവും മികച്ച ചിത്രം കുറഞ്ഞ വാക്കുകളില്‍ സ്പോട്ട്ലൈറ്റിനെ ഇങ്ങനെ വിശേഷിപ്പിക്കാവുന്നതാണ്.. യഥാര്‍ത്ഥ സംഭവത്തെ ആസ്പദമാക്കിയുള്ള ഒരു ബയോഗ്രഫിക്കല്‍ ഡ്രാമയാണ് സ്പോട്ട്ലൈറ്റ്  എങ്കിലും തുടക്കം മുതല്‍ അവസാനം വരെ ഒരു ത്രില്ലര്‍ ചിത്രം കാണുന്ന പ്രതീതിയാണ് ഈ ചിത്രം പ്രേക്ഷകന് സമ്മാനിക്കുന്നത്.  താനും Josh Singerഉം ചേര്‍ന്ന്‍ എഴുതിയ തിരകഥയെ അതിമനോഹരമായി സംവിധായകനായ ടോം അണിയിച്ചൊരുക്കിയിരിക്കുന്നു.അന്വേഷണത്തിനിടയില്‍ യഥാര്‍ത്ഥ സംഘം നേരിട്ട വെല്ലുവിളികളെ അത്രെയും അതിന്‍റെ തീവ്രത ഒട്ടും തന്നെ ചോരാതെ പ്രേക്ഷകരിലേക്ക് എത്തിക്കാന്‍ ടോമിന് സാധിച്ചിരിക്കുന്നു...

Mark Ruffalo, Michael Keaton, Rachel McAdams, John Slattery, Stanley Tucci, Brian d'Arcy James, Liev Schreiber, Billy Crudup എന്നിവരടങ്ങുന്ന ഒരു വന്‍ താരനിരയുടെ മികച്ച പ്രകടനമാണ് ചിത്രത്തിന്‍റെ മറ്റൊരു പ്രത്യേകത. ഓരോരുത്തരും തങ്ങളുടെ കഥാപാത്രങ്ങളെ വളരെ മികച്ച രീതിയില്‍ അഭ്രപാളിയില്‍ എത്തിച്ചിരിക്കുന്നു...

അക്കാദമി അവാര്‍ഡ്‌സില്‍ വെത്യസ്ഥ വിഭാഗങ്ങളിലായി നേടിയ 6 നോമിനേഷനുകള്‍ ഉള്‍പ്പടെ ഇതിനോടകം ഒട്ടനവധി അവാര്‍ഡുകളും നിരൂപക പ്രശംസയും പ്രേക്ഷക ശ്രദ്ധയും സ്പോട്ട്ലൈറ്റ് സ്വന്തമാക്കി കഴിഞ്ഞു...

ചുരുക്കത്തില്‍ ഏതൊരു സിനിമ പ്രേമിയും തീര്‍ച്ചയായും കണ്ടിരിക്കേണ്ട ചിത്രമാണ് Spotlight...

Saturday, 16 January 2016

140.Ali

Ali (2001) : Story Of The Man Who Danced In & Outside The Boxing Ring.



Language: English
Genre: Biography, Drama, Sport
Director: Michael Mann
Writers: Gregory Allen Howard (story), Stephen J. Rivele, Christopher Wilkinson, Eric Roth, Michael Mann   (screenplay)
Stars: Will Smith, Jamie Foxx, Jon Voight

ബോക്സിംഗ് ലോകം കണ്ട എക്കാലത്തെയും മികച്ച ബോക്സര്‍ മുഹമ്മദ്‌ അലിയുടെ ജീവിതത്തെ ആസ്പദമാക്കി 2001ല്‍ Will Smithനെ നായകനാക്കി  Michael Mann അണിയിച്ചൊരുക്കിയ ബയോഗ്രാഫിക്കല്‍ സ്പോര്‍ട്സ് ഡ്രാമയാണ് Ali. അലിയുടെ ജീവിതത്തിലെ സുപ്രധാന 10 വര്‍ഷങ്ങളിലൂടെയാണ് ഈ ചിത്രം കടന്ന്‍ പോകുന്നത് കൃത്യമായി പറഞ്ഞാല്‍ 1964ലെ ഒളിമ്പിക്സ് വിജയത്തിനുശേഷം ലോക ഹെവിവെയിറ്റ് ചാമ്പ്യന്‍ഷിപ്പിന് വേണ്ടി Sonny Liston നുമായുള്ള ഏറ്റുമുട്ടല്‍ മുതല്‍, ഇസ്‌ലാം മതത്തിലേക്കുള്ള പരിവര്‍ത്തനവും, വിയറ്റ്നാം യുദ്ധത്തെ ക്കുറിച്ചുള്ള പരസ്യമായി നടത്തിയ വിമര്‍ശനവും, ബോക്സിങ്ങില്‍ നിന്നുള്ള വിലക്കും പിന്നീടു 1971ലെ തിരിചുവരവില്‍  Joe Frazier മായുള്ള ഏറ്റുമുട്ടലും ഒടുവില്‍   ഇരുപതാം നൂറ്റാണ്ടിന്റെ ഏറ്റവും വലിയ പോരാട്ടം എന്ന്‍ വിശേഷിപ്പിക്കപെടുന്ന 1974ലെ George Foreman മായുള്ള മത്സരം വരെയുള്ള അലിയുടെ ജീവിതത്തിലൂടെയാണ് ചിത്രം കടന്ന്‍ പോകുന്നത്... അതോടൊപ്പം Malcolm X, Martin Luther King, Jr തുടങ്ങിയവരുടെ കൊലപാതകങ്ങളെ തുടര്‍ന്ന്‍ സാമുഹികമായും, രാഷ്ട്രിയപരമായും അമേരിക്കയില്‍ പൊട്ടിപുറപ്പെട്ട കലാപങ്ങളെക്കുറിച്ചും ചിത്രം പറയുന്നു...

'ബോക്സിംഗ് ലോകത്തെ ഇതിഹാസ നായകന്‍റെ ജീവിതത്തിലെ ഏറ്റവും സുപ്രധാന കാലഖട്ടങ്ങളുടെ കഥ പറഞ്ഞ മികച്ചൊരു ചിത്രം' ചുരുങ്ങിയ വാചകങ്ങളില്‍ ഈ ചിത്രത്തെ ഇങ്ങനെ വിശേഷിപ്പിക്കാവുന്നതാണ്.  അലി എന്ന ബോക്സറെകാളുപരി, എന്തും എവിടെയും തുറന്ന്‍ പറയാന്‍ മടികാണിക്കാത്ത, വിവാദങ്ങളുടെ തോഴനായിരുന്ന എല്ലാത്തിലുമുപരി വളരെ നല്ലൊരു മനസ്സിനുടമയായിരുന്ന അലി എന്ന മനുഷ്യനെയാണ് നമുക്ക് ഈ ചിത്രത്തില്‍ കാണാന്‍ സാധിക്കുക. മുന്‍പേ പറഞ്ഞത് പോലെ അലിയുടെ ജീവിതത്തിന്‍റെ തുടക്ക കാലങ്ങളെ കുറിച്ചോ, ബോക്സിംന്ഗില്‍ നിന്നും വിരമിച്ചതിനു ശേഷമുള്ള അദ്ദേഹത്തിന്റെ ജീവിതത്തെക്കുറിച്ചൊന്നും തന്നെ Michael Mann ചിത്രത്തില്‍ പറയുന്നില്ല പകരം അലിയുടെ ജീവിതത്തിലെ സുപ്രധാന പോരാട്ടങ്ങളെ കുറിച്ചാണ് ഈ ചിത്രം പറയുന്നത് അതില്‍ ഏറിയവും പറയുന്നത് രാഷ്ട്രിയപരമായും, പണമായിബന്ധപ്പെട്ടും, സ്ത്രീകളുമായുള്ള തന്‍റെ ബന്ധങ്ങളുമായി ബന്ധപ്പെട്ടുമെല്ലാം  അലി അയാളോട് തന്നെ നടത്തിയ പോരാട്ടങ്ങളെക്കുറിച്ചാണ്...

Will Smith എന്ന നടന്‍റെ സിനിമ ജീവിതത്തിലെ ഏറ്റവും മികച്ച പ്രകടനം ഈ ചിത്രത്തിലേത് തന്നെയെന്ന് നിസംശയം പറയാന്‍ സാധിക്കുന്നതാണ്. അലിയായി അദ്ദേഹം ജീവിക്കുകയായിരുന്നു.തന്‍റെ എതിരാളികളെ റിങ്ങിന് അകത്തും പുറത്തും വെച്ച് വാക്കുകള്‍ കൊണ്ട് തളര്‍ത്തുന്ന അലിയുടെ സ്വഭാവവുമൊക്കെ വളരെ മികവുറ്റ രീതിയില്‍ സ്മിത്ത് അവതരിപ്പിച്ചിരിക്കുന്നു... സ്മിത്തിനെ കൂടാതെ Jon Voight, Jamie Foxx  എന്നിവരുടെയും മികച്ച പ്രകടനങ്ങള്‍ കൊണ്ട് സമ്പന്നമാണ് ഈ ചിത്രം...

അക്കാദമി അവാര്‍ഡ്സില്‍ മികച്ച നടന്‍, മികച്ച സഹനടന്‍ എന്നി വിഭാഗങ്ങളില്‍ ലഭിച്ച നോമിനേഷന്‍സ് അടക്കം ഒട്ടനവധി പുരസ്കാരങ്ങളും ഈ ചിത്രം നേടി എടുക്കുകയുണ്ടായി എങ്കിലും അര്‍ഹിച്ച അത്രയും അംഗികാരം ഈ ചിത്രത്തിന് ഇപ്പോഴും ലഭിച്ചിട്ടില്ല എന്നെ പറയാന്‍ പറ്റു...

ചുരുക്കത്തില്‍ വളരെമികച്ചൊരു ബയോഗ്രാഫിക്കല്‍ സ്പോര്‍ട്സ് ഡ്രാമയാണ് Ali.Will Smith ന്‍റെ അത്യുജ്ജലമായ പ്രകടനം ചിത്രത്തെ കൂടുതല്‍ മികവുറ്റതാക്കുന്നു...

Tuesday, 5 January 2016

137.Joy

Joy (2015) : An Inspirational Tale About a Strong Woman In A Crazy Family.


Language: English
Genre: Semi-Biographical Comedy Drama
Director: David O. Russell
Writers: David O. Russell (screenplay), Annie Mumolo (story)
Stars: Jennifer Lawrence, Robert De Niro, Bradley Cooper

ഇത് 1990കളില്‍ മിറാക്കിള്‍ മോപ്പ് എന്ന ഉത്പന്നത്തിന്‍റെ കണ്ടുപിടിത്തത്തിലൂടെ വലിയൊരു ബിസിനസ്‌ സാമ്രാജ്യത്തിന്റെ സ്ഥാപകയായി മാറിയ ജോയുടെയും , നാല് തലമുറകളിലൂടെ കടന്ന്‍ പോകുന്ന അവളുടെ ഇറ്റാലിയന്‍ അമേരിക്കന്‍ കുടുംബത്തിന്‍റെയും കഥയാണ്‌... ചതിയും വഞ്ചനയും, നഷ്ട്ടപ്പെട്ടുപോയ നിഷ്കളങ്കതയും, മുറിവേറ്റ മനസ്സുമെല്ലാം  കുടുംബത്തിന്റെയും, ബിസിനസ്‌ സാമ്രാജ്യത്തിന്റെയും തലപ്പത്തെക്കെതുന്നതില്‍ അവള്‍ക്ക് കൈത്താങ്ങായി മാറി.തന്‍റെ മുന്നോട്ടുള്ള യാത്രയ്ക്ക് വിലങ്ങുതടിയായിവന്ന പ്രശങ്ങളെയെല്ലാം തന്നെ തട്ടി മാറ്റി ഉയര്‍ച്ചയുടെ പടവുകള്‍ കയറാന്‍ അവള്‍ ശ്രമിക്കുമ്പോള്‍ കുടുംബത്തിനു അകത്തും പുറത്തും മിത്രങ്ങള്‍ ശത്രുക്കളും, ശത്രുക്കള്‍ മിത്രങ്ങളുമായി മാറികൊണ്ടേയിരുന്നു... 

കുട്ടിക്കാലം മുതലേ ഒരുപ്പാട്‌ സ്വപ്നങ്ങളോടെ വളര്‍ന്ന്‍ വന്നവളായിരുന്നു ജോയ്, എന്നാല്‍ കുടുംബത്തിലെ പ്രശ്നങ്ങള്‍ അവളുടെ സ്വപ്നങ്ങള്‍ക്കെല്ലാം വിലങ്ങ് തടിയായി മാറുകയായിരുന്നു... ഈസ്റ്റേര്‍ണ്‍ എയര്‍ലൈന്‍സില്‍ ബുക്കിംഗ് ക്ലേര്‍ക്കായി ജോലി ചെയ്യുന്ന അവള്‍ ഇന്ന്‍ വിവാഹ മോചനം നേടിയ രണ്ടു കുട്ടികളുടെ അമ്മയാണ്. അമ്മ റ്റെറിയുടേയും, മുത്തശ്ശി മിമിയുടേയും, വേര്‍പിരിഞ്ഞിട്ടും ഇപ്പോഴും തന്നോടൊപ്പം തന്നെ താമസിക്കുന്ന ഭര്‍ത്താവ് Tonyയോടും രണ്ടു മക്കളും ഒത്ത്    ന്യൂ യോര്‍ക്കിലെ Quogue എന്ന ഗ്രാമത്തിലാണ് അവള്‍ ജീവിക്കുന്നത്... ജോയുടെ മാതാപിതാക്കള്‍ തമ്മില്‍ വേര്‍പിരിഞ്ഞിട്ടു വര്‍ഷങ്ങള്‍ ഏറെ കഴിഞ്ഞിരിക്കുന്നു എങ്കിലും അവളുടെ അച്ഛന്‍ Rudy വീട്ടില്‍ എത്തുമ്പോഴൊക്കെ അമ്മ റ്റെറിയുമായി വഴക്കുണ്ടാവുനതാണ്. ഇവരെ കൂടാതെ മക്കളുടെ മുന്നില്‍ വെച്ച് അവളെ എന്നും പരിഹസിക്കുന്ന ഒരു അര്‍ദ്ധ സഹോദരിയും അവള്‍ക്കുണ്ട്...  ചെറുപ്പത്തില്‍ പലതും കണ്ടുപിടിക്കുന്നതിനെ കുറിച്ച് സ്വപ്നം കാണുമായിരുന്ന ജോയ്ക്ക് ഇപ്പോഴും തന്‍റെ സ്വപ്നങ്ങളെ തിരിച്ചറിയാന്‍ സാധിച്ചിട്ടില്ല. ദിവസം മുഴുവനും ടിവിയില്‍ സോപ്പ് ഒപ്പേറകള്‍ കണ്ട് തന്‍റെ മുറിക്കകത്ത് തന്നെ ജീവിതം കഴിച്ചു കൂട്ടുന്ന അവളുടെ അമ്മ തന്‍റെ സ്വപ്നങ്ങളെല്ലാം ഉപേക്ഷിക്കാന്‍ അവളെ ഏപ്പോഴും നിര്‍ബന്ധിച്ചു കൊണ്ടിരിക്കുകയാണ്. എന്നാല്‍ അവള്‍ക്ക് എന്നും പ്രോത്സാഹനം നല്‍കുന്ന അവളുടെ മുത്തശ്ശി ഇപ്പോഴും അവളുടെ കഴിവുകളില്‍ അകമഴിഞ്ഞ് വിശ്വസിക്കുന്നു ഒരിക്കല്‍ തന്‍റെ കുടുംബത്തിന്റെ തന്നെ തലപത്ത് അവള്‍ എത്തിച്ചേരുമെന്ന് അവര്‍ വിശ്വസിക്കുന്നു. മുത്തശ്ശിയെ പോലെ ജോയുടെ കഴിവുകളില്‍ വളരെയധികം വിശ്വാസമുള്ള മറ്റൊരു വെക്തിയാണ് അവളുടെ ഉറ്റ സുഹ്രത്ത്  ജാക്കി. ഒരു ദിവസം കുടുംബത്തോടൊപ്പം സമയം ചിലവഴിക്കുന്നതിനിടയില്‍ നിയന്ത്രണം വിട്ട അവളുടെ കൈയ്യില്‍ നിന്നും വൈന്‍ അടങ്ങിയ ഗ്ലാസ്‌ വീണു പൊട്ടുന്നു.  തറയിലെ വൈനിന്റെ കറ മോപ്പ് ഉപയോഗിച്ച് (  തുണി കൊണ്ട് തീര്‍ത്ത ചൂല്) തുടച്ചു നീക്കുന്നതിനിടയില്‍ ചില്ല് കഷ്ണം കൊണ്ട് അവളുടെ കൈ മുറിയുന്നു. തുടര്‍ന്ന്‍ വീട്ടിലേക്ക് തിരികെയെത്തുന്ന ജോയ്ക്ക്  കൈ ഉപയോഗിക്കാതെ തന്നെ വൃത്തിയാക്കുവാന്‍ സാധിക്കുന്ന ഇരു മോപ്പ് ഉണ്ടാക്കാനുള്ള ആശയം മനസ്സില്‍ ഉദ്ധികുന്നു...പിന്നീട് സംഭവിച്ചത്രയും ചരിത്രം...

ഇരു നല്ല ഇന്സ്പിരെഷണല്‍ ചിത്രം അതാണ്‌  David O. Russell ന്‍റെ ജോയ്. യഥാര്‍ത്ഥ ജീവിതത്തിലെ Joy Mangano അഭിമുഖീകരിച്ച പ്രശ്നങ്ങളെ കുറേക്കൂടി ശക്തിപ്പെടുത്തിയാണ് സംവിധായകന്‍ അവതരിപ്പിച്ചിരിക്കുന്നത് മാത്രമല്ല അവരുടെ യഥാര്‍ത്ഥ ജീവിതത്തില്‍ നിന്നും കുറെ മാറ്റങ്ങള്‍ ചിത്രത്തിനായി വരുത്തിയിട്ടുണ്ട്. ഒരു ബയോഗ്രഫിക്കല്‍ ചിത്രം ഒരുക്കുമ്പോള്‍ ചലച്ചിത്രാസ്വാദനത്തിനായി അല്‍പം മാറ്റങ്ങള്‍ വരുത്തുന്നത് സ്വാഭാവികം ആണെങ്കിലും ഇവിടെ അതല്‍പ്പം അതിര് കടന്നോ എന്ന്‍ സംശയിക്കേണ്ടിയിരിക്കുന്നു.  ചിലപ്പോള്‍ ഈ കാരണം തന്നെയാവാം നിരൂപകര്‍ക്കിടയില്‍ ചിത്രത്തിന് സമ്മിശ്രമായ അഭിപ്രായം ലഭിക്കാന്‍ ഇടയാക്കിയത്

ജെന്നിഫര്‍ ലോറന്‍സിന്‍റെ ഉജ്ജ്വല പ്രകടനമാണ് ചിത്രത്തിന്‍റെ നട്ടെല്ല്. സില്‍വര്‍ ലൈനിംഗ്സ് പ്ലേബുക്കിന്ശേഷമുള്ള അവരുടെ മികച്ച പ്രകടനം എന്ന്‍ തന്നെ ഇതിലെ ജോയെ കണകാക്കാവുന്നതാണ്. മികച്ച നടിക്കുള്ള കഴിഞ്ഞ വര്‍ഷത്തെ അക്കാദമി അവാര്‍ഡ്‌ നോമിനേഷന്‍ അവരെ തേടിയെത്തിയാല്‍ ഒട്ടും അത്ഭുതപെടേണ്ടതില്ല.  ജെന്നിഫറിനെ കൂടാതെ Robert De Niro, Bradley Cooper, Edgar Ramirez, Isabella Rossellini, Diane Ladd, Virginia Madsen തുടങ്ങിയവരടങ്ങുന്ന ഒരു വന്‍ താര നിര തന്നെ ചിത്രത്തിലുണ്ട്...

ഇതിനോടകം തന്നെ പല അവാര്‍ഡ്‌ ദാന ചടങ്ങുകളിലും മികച്ച  ചിത്രം, മികച്ച കോമഡി ചിത്രം, മികച്ച നടി എന്നി പട്ടികകളില്‍ ജോയ് നാമ നിര്‍ദേശം ചെയ്യപ്പെട്ട് കഴിഞ്ഞു, പല അവാര്‍ഡ്‌ ദാന ചടങ്ങുകളുടെയും നാമ നിര്‍ദേശ പട്ടികയുടെ അവാസന ലിസ്റ്റുകളിലേക്കും ജോയേ പരിഗണിക്കുന്നുണ്ട്...
ചുരുക്കത്തില്‍ ഇന്‍സ്പിരേഷണല്‍ ചിത്രങ്ങളുടേയും, ജെന്നിഫര്‍ ലോറന്‍സിന്‍റെ ആരാധകരെയും ഈ ചിത്രം തൃപ്തിപ്പെടുത്തും എന്നതില്‍ തെല്ലും സംശയമില്ല...

Saturday, 17 October 2015

123.The Walk

The Walk: A Visual Treat.


Language: English
Genre: Biography
Director: Robert Zemeckis
Writers: Robert Zemeckis, Christopher Browne 
Stars: Joseph Gordon-Levitt, Charlotte Le Bon, Ben Kingsley

ഇന്ന് വരെ പന്ത്രണ്ട് പേര്‍ ചന്ദ്രനില്‍ കാലുകുത്തിയിട്ടുണ്ട് എന്നാല്‍   വേള്‍ഡ് ട്രേഡ് സെന്‍ററിന്റെ ഇരു  ഗോപുരങ്ങള്‍ക്കും ഇടയിലെ ആ ബ്രിഹത്തായ ശ്യൂന്യതയിലൂടെ നടന്നത് ഒരാള്‍ മാത്രം; Philippe Petit...  ഓഗസ്റ്റ്‌ 7, 1974ല്‍ .High Wire Walking ആര്‍ടിസ്റ്റായ ഫിലിപ്പ്‌ പെറ്റിറ്റ് വേള്‍ഡ് ട്രേഡ് സെന്‍ററിന്റെ ഇരു ഗോപുരങ്ങള്‍ക്കും ഇടയിലുടെ നടത്തിയ Wire Walk നെ ആസ്പദമാക്കി പ്രശസ്ത സംവിധായകന്‍ Robert Zemeckis അണിയിച്ചൊരുക്കിയ ചിത്രമാണ്  The Walk.

Wire Walk എന്ന കലയോട് കുട്ടിക്കാലം മുതല്‍ തനിക്കുണ്ടായ താല്‍പര്യത്തെ കുറിച്ചും പിന്നീട് തന്‍റെ ഗുരുവായ Papa Rudy യുടെ കീഴില്‍ പരിശീലിച്ചതും ഒടുവില്‍ തന്‍റെ ഏറ്റവും വലിയ സ്വപ്നസാക്ഷാല്‍കാരത്തിലേക്ക് തന്‍റെ ഉറ്റ സുഹ്രത്തുക്കളോടൊപ്പം നടന്ന്‍ കയറിയത് വരെയുള്ള തന്‍റെ ജിവിതം ഒരു ഫ്ലാഷബാക്കിലൂടെ വിവരിക്കുകയാണ് Philippe Petit...

ഒരു മനുഷ്യന്‍ അവന്‍റെ സ്വപ്ന സാക്ഷാല്‍കാരത്തിനു വേണ്ടി നടത്തുന്ന ശ്രമങ്ങളും, അതില്‍ നേരിടേണ്ടി വരുന്ന കഷ്ടപാടുകളും ഒടുവില്‍  ആ സ്വപ്നം  യാഥാര്‍ത്ഥ്യമായി കഴിയുമ്പോള്‍ അവന് ലഭിക്കുന്ന സംതൃപ്തിയുമെല്ലാം വളരെ മനോഹരമായി ഈ ചിത്രത്തില്‍ കാണിച്ചിരിക്കുന്നു... 

വിഷ്വല്‍ എഫെക്റ്റ്സാണ് ചിത്രത്തിന്‍റെ പ്രധാന ഹൈലൈറ്റ് എഴുപതുകളിലെ പാരീസ് നഗരവും ന്യൂ യോര്‍ക്ക്‌ സിറ്റിയും വേള്‍ഡ് ട്രേഡ് സെന്‍ററുമെല്ലാം അതിമനോഹരമായി ഒരു കണികയുടെ വിത്യാസം പോലുമില്ലാതെ ചിത്രീകരിചിരിക്കുന്നു... ചിത്രത്തിന്‍റെ വിജയത്തിന്‍റെ ഭൂരിഭാഗം പങ്കും വിഷ്വല്‍ എഫെക്റ്റ്സിന് അര്‍ഹതപെട്ടതാണ്... തന്‍റെ ചിത്രങ്ങള്‍ക്ക് എന്നും മികച്ച വിഷ്വല്‍ എഫെക്റ്റ്സ് സമ്മാനിച്ചിട്ടുള്ള Robert Zemeckis സംവിധായകനാവുമ്പോള്‍ വിഷ്വല്‍സ് ഇത്രയും ഭംഗിയായില്ലെങ്കിലെ അത്ഭുതപെടേണ്ടതുള്ളു...

ഒരു ഡോക്യുമെന്ററി പോലെ ആയി പോവുമായിരുന്ന കഥയെ ഒരു മോഷണ (Hiest) ചിത്രത്തിന്‍റെ രീതിയിലാണ് സംവിധായകന്‍ അണിയിച്ചൊരുക്കിയിരിക്കുന്നത്... കഥയുടെ അവസാനം എന്താണ് എന്ന്‍ അറിവുണ്ടായിട്ടും അവസാന രംഗങ്ങളില്‍ പ്രേക്ഷകനെ മുള്‍മുനയില്‍ നിര്‍ത്താന്‍ അദ്ദേഹത്തിന് സാധിച്ചിരിക്കുന്നു...  Christopher Browneഉം Zemeckisഉം ചേര്‍ന്നാണ് ചിത്രത്തിന്‍റെ തിരകഥ രചിച്ചിട്ടുള്ളത്‌... 

എടുത്ത് പറയേണ്ട മറ്റൊന്ന്‍ Dariusz Wolski യുടെ ഛായാഗ്രഹണമികവാണ്... ഇത്തരത്തിലുള്ള ഒരു ചിത്രത്തിന് ഏറ്റവും അനുയോജ്യമായ രീതിയിലാണ് അദ്ദേഹം ക്യാമറ കൈകാര്യം ചെയ്തിരിക്കുന്നത്...ഒരു ഗംഭീര ദ്രിശ്യ വിരുന്നാണ് ഈ ചിത്രം ഓരോ പ്രേക്ഷകനും സമ്മാനിക്കുന്നത്...

Joseph Gordon-Levitt ആണ് ഫിലിപ്പായി വേഷമിട്ടിരിക്കുന്നത് തന്‍റെ കഥാപാത്രത്തോട് നൂറുശതമാനവും നീതിപുലര്‍ത്താന്‍ അദ്ദേഹത്തിന് സാധിച്ചിട്ടുണ്ട് മറ്റ് പ്രധാന കഥാപാത്രങ്ങളെ അവതരിപ്പിച്ച Ben Kingsley, Charlotte Le Bon, എന്നിവരും മികച്ചു നിന്നും...

ചുരുക്കത്തില്‍ തീര്‍ച്ചയായും തിയറ്ററില്‍ നിന്നും തന്നെ കണ്ടിരിക്കേണ്ട ചിത്രമാണ് The Walk.

Wednesday, 4 February 2015

87.Serpico

Serpico (1973) : One of Al Pacino's Best

Language: English
Genre: Biography - Crime - Drama
Director: Sidney Lumet
Writers: Peter Maas, Waldo Salt, Norman Wexler
Stars: Al Pacino, John Randolph, Jack Kehoe |

അമേരിക്കയിലെ ഏറ്റവും മികച്ച പോലീസ് ഡിപാര്‍ട്ട്‌മെന്റുകളില്‍ ഒന്നായ NYPD-യില്‍ (ന്യൂയോര്‍ക്ക്‌ പോലീസ് ഡിപാര്‍ട്ട്‌മെന്‍റ്) 1960-കളിലും 70-തിന്റെ തുടക്കത്തിലും ശക്തമായി നിലനിന്നിരുന്ന അഴിമതിയും കൈക്കൂലിയും മറ്റും പുറംലോകമറിയാന്‍ കാരണമായത് ഫ്രാങ്ക് സെര്‍പികൊ എന്ന പോലിസ് ഓഫിസറുടെ ശ്രമങ്ങളാണ്.. ഇതുമൂലം ജീവിതത്തില്‍ ഒരുപ്പാട്‌ കഷ്ടതകളും അയാള്‍ക്ക് അനുഭവിക്കേണ്ടി വരികയുണ്ടായി...

ഫ്രാങ്കിന്റെ ജീവിതത്തെക്കുറിച്ച്  Peter Maas എഴുതിയ പുസ്തകത്തെ ആസ്പദമാക്കി Waldo Salt, Norman Wexler എന്നിവരുടെ തിരകഥയില്‍ Sidney Lumet  ഒരുക്കിയ ചിത്രമാണ് 1973ല്‍ അല്‍ പാക്കിനൊ നായകനായി പുറത്തിറങ്ങിയ Serpico എന്ന ചിത്രം. പുസ്തകത്തെ പോലെ തന്നെ ചിത്രവും ഫ്രാങ്കിന്റെ ഔദ്യോഗിക ജീവിതത്തിലെ പന്ത്രണ്ടു വര്‍ഷങ്ങളാണ് ചിത്രീകരിക്കുന്നത് 1960 ജൂണ്‍ 15 മുതല്‍ 1972 വരെയുള്ള കാലഘട്ടമാണിത്...

ഒരു പോലിസ് ഓഫീസര്‍ ആവുക എന്നതായിരുന്നു ഫ്രാങ്ക് സെര്‍പികൊയുടെ ഏറ്റവും വലിയ ആഗ്രഹം തുടര്‍ന്ന്‍ 1960ല്‍ അയാള്‍ NYPD യില്‍ (ന്യൂയോര്‍ക്ക്‌ പോലീസ് ഡിപാര്‍ട്ട്‌മെന്‍റ്)  ജോയിന്‍ ചെയ്യുന്നു...എന്നാല്‍ എല്ലാ തരത്തിലും താളംതെറ്റി കിടക്കുന്ന ഒരു ഡിപാര്‍ട്ട്‌മെന്റിനെയാണ് അയാള്‍ക്ക് കാണാന്‍ സാധിച്ചത്... തെറ്റുകള്‍ക്ക് കൂട്ടു നിന്നും കൈക്കൂലി വാങ്ങുകയും ചെയ്യുന്ന സഹപ്രവര്‍ത്തകരുടെ രീതികളോട് യോജിക്കുവാന്‍ അയാള്‍ക്ക് സാധിക്കുമായിരുന്നില്ല... ഒരു ഡിപാര്‍ട്ട്‌മെന്റ് മുഴുവനും കൈകൂലിക്ക് അടിമകളായി നിന്നപ്പോള്‍ സെര്‍പികൊ  മാത്രം അവരില്‍ നിന്നും വെത്യസ്തനായി നിലകൊണ്ടു... കൈക്കൂലി മേടിക്കാനോ, തെറ്റുകള്‍ക്ക് കൂട്ട് നില്‍ക്കാനോ അയാള്‍ക്ക് സാധിക്കുമായിരുന്നില്ല അത് കൊണ്ട് തന്നെ ആര്‍ക്കും അയാളോടൊപ്പം ജോലി ചെയ്യാന്‍ താല്‍പര്യപ്പെടുന്നില്ല എന്ന്‍ മാത്രമല്ല പൂര്‍ണമായും സെര്‍പികൊ ഒറ്റപ്പെടുന്നു... സത്യാവസ്ഥ മേലധികാരികളുടെ മുന്നില്‍ പലവട്ടം അയാള്‍ എത്തിച്ചുവെങ്കിലും ഫലമൊന്നും തന്നെ ഉണ്ടായില്ല എന്ന്‍ മാത്രമല്ല അയാളുടെ ജീവന് തന്നെ അത് വിനയായി മാറുകായാണുണ്ടായത്...സഹപ്രവര്‍ത്തകര്‍ പലപ്പോഴും അയാളെ അപകടകരമായ സാഹചര്യങ്ങളിലേക്ക് ഒറ്റയ്ക്ക് തള്ളിവിട്ടു കൊണ്ടിരുന്നു... ഇത്രയൊക്കെ സംഭവിച്ചിട്ടും തോറ്റ് കൊടുക്കാനോ, അവരുടെയൊപ്പം നില്‍ക്കാനോ അയാള്‍ തൈയ്യാറായില്ല സത്യം ഒരിക്കല്‍ പുറത്തു വരും എന്ന വിശ്വാസത്തോടെ അയാള്‍ മുന്‍പോട്ടു നീങ്ങി...

ഫ്രാങ്കിന്‍റെ പന്ത്രണ്ടു വര്‍ഷത്തെ ജീവിതം വളരെ മനോഹരമായി തന്നെ ചിത്രം വരച്ചുകാട്ടുന്നു. സത്യസന്ധനായ ഒരു പോലീസ് ഓഫീസര്‍ ആയി നിലകൊള്ളാന്‍ ശ്രമിച്ചതിനു ഔദ്യോഗിക ജീവിതത്തിലും, വ്യക്തിജീവിതത്തിലും അദ്ദേഹം നല്‍കേണ്ടി വന്ന വില വളരെ വലുതായിരുന്നു... ഈ സമയത്തെല്ലാം ഫ്രാങ്ക് അനുഭവിച്ചിരുന്ന മാനസിക പിരിമുറുക്കങ്ങളൊക്കെ പ്രേക്ഷകര്‍ക്ക് മുന്‍പിലേക്ക് എത്തിക്കാന്‍ ചിത്രത്തിനു സാധിച്ചിട്ടുണ്ട്...

ഒരു മികച്ച ബയോഗ്രഫി, ക്രൈം ചിത്രം ഒരുക്കുന്നതില്‍ സംവിധായകന്‍ Sidney Lumet പൂര്‍ണമായും വിജയിചിരിക്കുന്നു, സെര്‍പികോയുടെ ജീവിതം പുറം ലോകം അറിയുന്നതില്‍ വലിയൊരു പങ്ക് തന്നെ ഈ ചിത്രത്തിനുണ്ട് എന്നത് അതിനു തെളിവാണ്... നിരൂപകര്‍ക്കിടയിലും, അവാര്‍ഡ്‌ ചടങ്ങുകളിലും സിഡ്നിയുടെ സംവിധാന മികവിന് പ്രത്യേകം പ്രശംസ ലഭിക്കുകയും ഉണ്ടായി...

സെര്‍പികൊ ആയുള്ള അല്‍ പാക്കിനോയുടെ പ്രകടനം വളരെ മികച്ചതായിരുന്നു മികച്ച നടനുള്ള ആദ്യത്തെ അക്കാദമി അവാര്‍ഡ്‌ നോമിനേഷനും ഈ ചിത്രം അദ്ദേഹത്തിന് നേടികൊടുത്തു...

Mikis Theodorakis യുടെ സംഗീതവും ചിത്രത്തിന്‍റെ വിജയത്തില്‍ വലിയൊരു പങ്ക് വഹിച്ചിട്ടുണ്ട്...

മികച്ചൊരു ക്രൈം ഡ്രാമ ചിത്രം കാണാന്‍ ആഗ്രഹിക്കുന ഏതൊരു പ്രേക്ഷകനെയും  Serpico നിരാശനാക്കില്ല എന്നത് തീര്‍ച്ചയാണ്... അല്‍ പാക്കിനോ ആരാധകര്‍ തീര്‍ച്ചയായും കണ്ടിരിക്കേണ്ട ചിത്രം കൂടിയാണിത്‌...

Tuesday, 3 February 2015

86.American Sniper

American Sniper (2014) :  Keeping Reality Aside, A Great Movie.



Language: English
Genre: Biography - Action - Drama
Director: Clint Eastwood
Writers: Jason Hall, Chris Kyle
Stars: Bradley Cooper, Sienna Miller, Kyle Gallner

അമേരിക്കന്‍ സേനയുടെ ചരിത്രത്തിലെ തന്നെ ഏറ്റവും അപകടകാരിയയിരുന്ന ഇതിഹാസ തുല്യനായിരുന്ന സ്നൈപ്പര്‍ Chris Kyle ന്‍റെ ജീവിതമാണ് American Sniper പറയുന്നത്. ഇറാഖ് യുദ്ധത്തില്‍ നാലു ടൂറുകള്‍ നടത്തിയ ക്രിസ് 255 തീവ്രവാദികളെയാണ് വധിച്ചത് അതില്‍ 160പേരുടെ മരണം യു.സ്. ഡിഫന്‍സ് ഡിപാര്‍ട്ട്‌മെന്റ് സ്തിഥികരിച്ചവയാണ്. ക്രിസ് തന്നെ എഴുതി 2012 ജനുവരിയില്‍ പുറത്തിറങ്ങിയ American Sniper: The Autobiography of the Most Lethal Sniper in U.S. Military History എന്ന പുസ്തകത്തെ ആസ്പദമാക്കിയാണ് ക്ലിന്റ് ഈസ്റ്റ്‌വുഡ് ജെയിസണ്‍ ഹാളിന്റെ തിരകഥയില്‍ American Sniper ഒരുക്കിയിട്ടുള്ളത്...

ഒരു കൌബോയ്‌ ആവണമെന്ന ആഗ്രഹവുമായി നടന്ന ടെക്സസിലെ ഒരു സാധാരണ മനുഷ്യനായിരുന്നു Chris Kyle. 1998ല്‍ യു സ് എംബസ്സിയിലുണ്ടായ ബോംബ്‌ ആക്രമണം അയാളുടെ ചിന്തകളെയും ജീവിതത്തെയും മാറ്റിമറിക്കുകയാണ് ഉണ്ടായത്. തന്‍റെ  ഇനിയുള്ള ജീവിതം രാജ്യത്തെ സംരക്ഷിക്കുന്നതിനായി മാറ്റി വെക്കാന്‍ തീരുമാനിച്ച ഈ ചെറുപ്പക്കാരന്‍ യു സ് നാവിക സേനയിലെ SEAL വിഭാഗത്തില്‍ ജോയിന്‍ ചെയ്യുകയും ഒരു സ്നൈപ്പെര്‍ ആയി മാറുകയും ചെയ്യുന്നു...ഇതിനിടയില്‍ ടായ എന്ന പെണ്‍കുട്ടിയുമായി കൈല്‍ പ്രണയത്തിലാവുകയും അവളെ വിവാഹം കഴിക്കുകയും ചെയ്യുന്നു...അവരുടെ വിവാഹത്തിന്‍റെ അന്ന്‍ തന്നെ തന്‍റെ ആദ്യ യാത്രയ്ക്കായി ആ ചെറുപ്പകാരനും സംഘത്തിലും ഇറാഖിലേക്ക് യാത്ര തിരിക്കേണ്ടി വരുന്നു...താന്‍ ഏറ്റെടുത്ത ദൌത്യതോട് മാത്രമായിരുന്നില്ല ആ ചെറുപ്പകാരന് പോരാടെണ്ടി വന്നത്, യുദ്ധത്തിന്റെ യാഥാര്‍ത്ഥ്യത്തോടും ഒപ്പം തിരിച്ചു നാട്ടിലേക്ക് എത്തിയതിനു ശേഷം ഭാര്യയോടും മക്കളോടുമൊത്തുള്ള ജീവിതത്തോട് പൊരുത്തപെടാനും അയാള്‍ക്ക് പോരാടെണ്ടി വരുന്നു...

കഴിഞ്ഞ വര്‍ഷമിറങ്ങിയ ഏറ്റവും മികച്ച ചിത്രങ്ങളില്‍ ഒന്ന്‍ തന്നെയാണ് എന്ന്‍ നിസംശയം നമുക്ക് പറയുവാന്‍ സാധിക്കും. അമേരിക്കന്‍ സൈനീക ചരിത്രത്തിലെത്തന്നെ ഇതിഹാസ തുല്യനായ ഷാര്‍പ് ഷൂട്ടറുടെ ജീവിതം വളരെയധികം മികച്ച രീതിയില്‍ പ്രേക്ഷകര്‍ക്ക് മുന്നിലേക്കെത്തിക്കാന്‍ ക്ലിന്റ് ഈസ്റ്റ്‌വുഡിന് സാധിച്ചിട്ടുണ്ട്. യാഥാര്‍ത്ഥ്യം മറ്റൊന്നാണെന്ന സത്യം തല്‍കാലം നമുക്കിവിടെ വിസ്മരിക്കാം, രാജ്യ സ്നേഹം സിരകളില്‍ നിറഞ്ഞു നില്‍ക്കുന്ന ക്ലിന്റ് ഈസ്റ്റ്‌വുഡ് ഒരിക്കലും തന്‍റെ രാജ്യത്തിന്‌ ദുഷ്പേരു കേള്‍ക്കാന്‍ ഇടയുള്ള സംഭവങ്ങള്‍ തന്‍റെ സിനിമയില്‍ ഉള്‍പെടുത്താന്‍ മുതിരിലല്ലോ ? നിരൂപകരില്‍ നിന്നും ചിത്രം ഏറ്റവുമധികം വിമര്‍ശനം ഏറ്റു വാങ്ങിയതും ഇതിന്‍റെ പേരില്‍ തന്നെയായിരുന്നു. ഒരു ചിത്രമെന്ന നിലയില്‍ സമീപിക്കുമ്പോള്‍ വളരെ നന്നായി തന്നെ ക്ലിന്റ് ചിത്രം അണിയിചൊരുക്കിയിട്ടുണ്ടെന്നു പറയാം... സാധാരണ ജനങ്ങളുടെ ജീവന് വിലകല്‍പ്പിക്കാത്ത തീവ്രവാദികളുടെ സ്വഭാവത്തെ ചിത്രത്തില്‍ അദ്ദേഹം എടുത്ത് കാണിക്കുന്നുണ്ട്...
മികച്ച ചിത്രതിനുള്‍പ്പടെ ആറു നോമിനേഷനുകളാണ് ഇത്തവണത്തെ അക്കാദമി അവര്‍ഡില്‍ American Sniperന് ലഭിച്ചിട്ടുള്ളത്.

കൈല്‍ ആയുള്ള ബ്രാഡ്ലീ കൂപ്പറുടെ പ്രകടനം വളരെ നന്നായിരിക്കുന്നു, കഥാപാത്രത്തിന്‍റെ പൂര്‍ണതയ്ക്കായി ശരീരഭാരം നന്നായി കൂട്ടിയിട്ടുണ്ട് അദ്ദേഹം, അതിന്‍റെ ഫലം ചിത്രത്തില്‍ എടുത്ത് കാണുവാനും സാധിക്കുന്നുണ്ട്. ചിത്രത്തിലെ മികച്ച പ്രകടനം കൊണ്ട് ഈ വര്‍ഷത്തെ മികച്ച നടനുള്ള അക്കാദമി അവാര്‍ഡ്‌ നോമിനേഷനും അദ്ദേഹത്തിനും ലഭിച്ചിട്ടുണ്ട്...

മികച്ച ചിത്രങ്ങള്‍ കാണാന്‍ ആഗ്രഹിക്കുന്ന ഏതൊരു സിനിമപ്രേമിക്കും ധൈര്യമായി ഈ ചിത്രത്തെ സമീപിക്കാം...

Saturday, 31 January 2015

83.The Theory of Everything

The Theory of Everything (2014) : While there is life, there is hope.


Language: English
Genre: Biography
Director: James Marsh
Writers: Anthony McCarten, Jane Hawking
Stars: Eddie Redmayne, Felicity Jones, Tom Prior


ലോക പ്രശസ്ത ഫിസിക്സ്‌ വിധക്തനായ സ്റ്റിഫന്‍ ഹോക്കിംഗ്സ്ന്‍റെയും അദ്ദേഹത്തിന്റെ ഭാര്യയായിരുന്ന ജെയിനിന്റെയും ജീവിതകഥയാണ്‌ The Theory of Everything പറയുന്നത്.

21ആം വയസ്സില്‍ motor neuron disease എന്ന അസുഖത്തിന് അടിമപ്പെട്ടു രണ്ടു വര്‍ഷം മാത്രമേ ജീവിച്ചിരിക്കുകയുള്ളുവെന്നു വൈദ്യശാസ്ത്രം വിധിയെഴുതിയ കേംബ്രിജിലെ cosmology വിദ്യാര്‍ഥിയില്‍ നിന്നും ആരും അധികമൊന്നും പ്രതീക്ഷിച്ചിരുന്നില്ല എന്നാല്‍ അക്കാലത്ത് താന്‍ പരിചയപ്പെട്ട ജെയിന്‍ വൈല്‍ടുമായുള്ള പ്രണയവും അവര്‍ അവനു നല്‍കിയ സ്നേഹവും അയാളുടെ ജീവിതത്തെ തന്നെ മാറ്റി മറിക്കുകയാണുണ്ടായത് Einsteinന്‍റെ പിന്‍ഗാമിഎന്നാണ് ലോകം പിന്നീടു അദ്ധേഹത്തെ വിശേഷിപ്പിച്ചത്.  മരണം കാത്ത് കിടന്ന 21 കാരനായ സ്റ്റിഫനില്‍ നിന്നും ലോകപ്രശസ്തനായ സ്റ്റിഫന്‍ ഹോകിംഗ്സിലേക്കുള്ള  അദ്ദേഹത്തിന്റെ യാത്രയില്‍ ജെയിനിന്റെ പങ്ക് വളരെ വലുതാണ്‌ വൈദ്യശാസ്ത്രം കൈയൊഴിഞ്ഞ രോഗാവസ്ഥയോട് പൊരുതാനുള്ള കരുത്ത് അയാള്‍ക്ക് നല്‍കിയത് അവളുടെ സ്നേഹവും പരിചരണവുമായിരുന്നു...

ഒരു ജീവചരിത്രം എന്നതില്‍പരം നല്ലൊരു പ്രണയകഥ കൂടിയാണ് The Theory of Everything. ജെയിന്‍ തന്നെ എഴുതിയ My Life with Stephen എന്ന പുസ്തകത്തെ മുനിര്‍ത്തിയാണ് സംവിധായകന്‍ James Marsh ഈ ചിത്രം ഒരുക്കിയിരിക്കുന്നത്. വളരെ നല്ല രീതിയില്‍ തന്നെ പ്രേക്ഷകര്‍ക്ക് മുന്‍പിലേക്ക് ചിത്രത്തെ എത്തിക്കാനും അദ്ദേഹത്തിന് സാധിച്ചിട്ടുണ്ട്.

Eddie Redmayne ഇദ്ദേഹത്തിന്റെ പ്രകടനത്തെകുറിച്ചു പറയുവാന്‍ വാക്കുകളില്ല സ്റ്റിഫന്‍ ഹോക്കിംഗ്സായി Eddie പരകായപ്രവേശം ചെയ്യുകയായിരുന്നു എന്ന്‍ വേണമെങ്കില്‍ പറയാം അത്ര മനോഹരമായിരുന്നു അദ്ദേഹത്തിന്റെ പ്രകടനം. അതുപോലെ ജെയിനായി വേഷമിട്ട Felicity Jones ഉം ഒട്ടും തന്നെ മോശമായിരുന്നില്ല എങ്കിലും  Eddie യുടെ പ്രകടനത്തിനു മുന്നില്‍ അത് ഒന്നുമല്ലാതായി മാറുകയായിരുന്നു. ഈ വര്‍ഷത്തെ മികച്ച നടനുള്ള അക്കാദമി അവാര്‍ഡിന് എന്ത് കൊണ്ടും ഇദ്ദേഹം അര്‍ഹനാണ്.

കഴിഞ്ഞ വര്‍ഷമിറങ്ങിയ മികച്ച ചിത്രങ്ങളില്‍ ഒന്ന്‍ തന്നെയാണ് The Theory of Everything എന്ന്‍ നിസംശയം പറയാന്‍ സാധിക്കും.

Wednesday, 28 January 2015

80.The Imitation Game

The Imitation Game (2014) :  Sometimes it is the people who no one imagines anything of who do the things that no one can imagine.

Language: English
Genre: Biography
Director: Morten Tyldum
Writers: Andrew Hodges, Graham Moore
Stars: Benedict Cumberbatch, Keira Knightley, Matthew Goode

അലന്‍ ടൂറിംഗ് - രണ്ടാംലോക മഹായുദ്ധത്തിന്റെ ഗതി തന്നെ മാറ്റി മറിച്ച മഹാനായ ഗണിതശാസ്ത്ര വിദഗ്ധന്‍, താര്‍ക്കികന്‍, ഇന്ന്‍ നമ്മുടെയൊക്കെ നിത്യ ജീവിതത്തിന്‍റെ ഒരു ഭാഗമായി തന്നെ മാറിയിരിക്കുന്ന കമ്പ്യൂട്ടറിന്റെ പിതാവ്. അദ്ദേഹത്തിന്‍റെ ജീവിതത്തെ ആധാരമാക്കി   Andrew Hodges  1983ല്‍ പുറത്തിറക്കിയ  Alan Turing: The Enigma എന്ന പുസ്തകത്തെ ആസ്പതമാക്കി Graham Mooreന്‍റെ തിരകഥയില്‍ Morten Tyldum ഒരുക്കിയ ചിത്രമാണ് The Imitation Game.

1939ല്‍ ഹിറ്റ്‌ലറുടെ നാസിപ്പട തങ്ങളെ എതിര്‍ക്കുന്നവരെയെല്ലാം തചൊടിച്ചു മുന്നേറുന്ന സമയം. അന്നത്തെ ജര്‍മ്മന്‍ പടയുടെ പ്രധാന ശക്തിയായിരുന്നു രഹസ്യ സന്ദേശങ്ങള്‍ കൈമാറാനായി അവര്‍ കണ്ടു പിടിച്ച Encrypting സംവിധാനം ആയ Enigma. എനിഗ്മയില്‍ നിന്നും വരുന്ന സന്ദേശങ്ങള്‍ ബ്രിട്ടീഷ്‌ സൈന്യത്തിന് ലഭിച്ചിരുന്നുവെങ്കിലും അത് Decrypt ചെയ്യാന്‍ ശേഷിയുള്ള ഒരു സംവിധാനവും അവരുടെ പക്കല്‍ ഉണ്ടായിരുന്നില്ല.

അങ്ങനെയിരിക്കെയാണ് ടൂറിംഗ് Bletchley പാര്‍ക്കിലെ ബ്രിട്ടീഷ്‌ സൈന്യത്തിന്‍റെ രഹസ്യ ക്യാമ്പില്‍ എനിഗ്മയില്‍ നിന്നും പുറത്തുവരുന്ന സന്ദേശങ്ങളെ ഡിക്രിപ്റ്റ് ചെയ്യാനുള്ള ശ്രമങ്ങള്‍ തുടങ്ങുന്നത്. ജര്‍മ്മന്‍ വായിക്കാനോ സംസാരിക്കാനോ അറിയാത്ത ഈ ഗണിതശാസ്ത്രഞ്ജന്‍ എങ്ങനെ ഇത് സാധ്യമാക്കും എന്ന സംശയം മേലധികാരികള്‍ക്ക്‌ മുഴുവനും ഉണ്ടായിരുന്നു എന്നാല്‍  എന്താണ് ചെയ്യേണ്ടതെന്നു ടുറിങ്ങിന് അറിയാമായിരുന്നു...

രണ്ടാം ലോക മഹായുദ്ധത്തിന്റെ ഗതി മാറ്റിമറിക്കുകയും ലോകത്തിനു തന്‍റെ കണ്ടുപിടുത്തങ്ങളിലുടെ ഒരുപ്പാട്‌ സംഭാവനകളും നല്‍കിയ അദ്ദേഹത്തിന്റെ ജീവിതകഥ വളരെ മികച്ച രീതിയില്‍ തന്നെ പ്രേക്ഷകനു മുന്നിലെത്തിക്കാന്‍ Mortenഉം കൂട്ടര്‍ക്കും സാധിച്ചിട്ടുണ്ട്. ഒരു ബയോഗ്രഫി ആണെങ്കില്‍ കൂടിയും തുടക്കം മുതല്‍ അവസാനം വരെ ഒരു ത്രില്ലെര്‍ ചിത്രം കാണുന്ന അനുഭൂതിയാണ് ചിത്രം പ്രേക്ഷകനു സമ്മാനിക്കുന്നത്.

ഷെര്‍ലൊക്ക് ഹോംസ് ആയി എല്ലാവരുടെയും പ്രിയങ്കരനായി മാറിയ  Benedict Cumberbatch ആണ് അലന്‍ ടൂറിങ്ങായി നമുക്ക് മുന്നിലെത്തുന്നത് തന്‍റെ കരിയറിലെ തന്നെ ഏറ്റവും മികച്ച പ്രകടന്നം തന്നെ അദ്ദേഹം കാഴ്ച വെച്ചിട്ടുമുണ്ട്. ഇതവണത്തെ മികച്ച നടനുള്ള അക്കാദമി അവാര്‍ഡ്‌ നോമിനേഷന്‍സില്‍ അദ്ദേഹത്തിന്റെ പേര് വന്നത് അതിനുള്ള തെളിവാണ്.

ഏതൊരു സിനിമ പ്രേമിയും തീര്‍ച്ചയായും കണ്ടിരിക്കേണ്ട ചിത്രം തന്നെയാണ് The Imitation Game

Friday, 18 July 2014

36.Maidentrip

Maidentrip (2013) : പതിനാലാം വയസ്സില്‍ ലോകം ചുറ്റിക്കറങ്ങിയ കാന്താരിക്കുട്ടിയുടെ കഥ.

Language: English
Genre: Biography
Director: Jillian Schlesinger
Stars: Laura Dekker

കാണാപ്പുറങ്ങള്‍ തേടിയുള്ള സാഹസികത നിറഞ്ഞ യാത്രകള്‍ എന്നും മനുഷ്യന് പ്രിയപെട്ടതാണ്, അത്തരം യാത്രകളിലുടെയാണല്ലോ കൊളംബസ് അമേരിക്ക കണ്ടെത്തിയതും , വാസ്കോടി ഗാമ ഇന്ത്യയില്‍ എത്തിചേര്‍ന്നതുമെല്ലാം. ലോകം മുഴുവന്‍ തന്‍റെ ക്യാമറക്കുള്ളില്‍ ഒപ്പിയെടുത്ത് മലയാളിക്ക് ദ്രിശ്യ വിരുന്നൊരുക്കിയ സന്തോഷ്‌ ജോര്‍ജ് കുളങ്ങര നമുക്കെല്ലാം സുപരിചിതാനയതും അത്തരം യാത്രകളിലുടെ തന്നെയാണ്. പറഞ്ഞു വരുന്നത് ഇവരെല്ലാം മുതിര്‍ന്ന പൌരന്‍മാരായതിനു ശേഷമാണു ഇത്തരം യാത്രകള്‍ക്ക് എല്ലാം ഇറങ്ങി തിരിച്ചത് എന്നാല്‍ തന്‍റെ പതിനാലാം വയസ്സില്‍ ഒറ്റെക്ക് ഈ ലോകം കാണാന്‍ ഇറങ്ങി തിരിച്ച Laura Dekker നെ കുറിച്ച് നിങ്ങള്‍ കേട്ടിട്ടുണ്ടോ ?

ലോകം ചുറ്റികണ്ട ഏറ്റവും പ്രായംകുറഞ്ഞ വെക്തിയാകുവാനുള്ള ആഗ്രഹത്തെ തുടര്‍ന്ന്‍ ഡച്ച്‌ കാരിയായ ലോറ നടത്തിയ സമുദ്രയാത്രയുടെ കഥയാണിത്.

ലോറ ജനിച്ചുവീണത്‌ തന്നെ ഒരു  ബോട്ടിലായിരുന്നു തുടര്‍ന്നുള്ള നാലു വര്‍ഷങ്ങളും അവള്‍ ആ ബോട്ടില്‍ തന്‍റെ മാതാപിതാകള്‍ക്കൊപ്പം ചിലവിട്ടു. ആറാം വയസ്സില്‍ തനിക്ക് കിട്ടിയ ബോട്ടില്‍ സ്വന്തമായി സെയില്‍ ചെയ്യാന്‍ അവള്‍ പഠിച്ചു. പിന്നീടു പത്താം വയസ്സില്‍ തനിക്ക് കിട്ടിയ ബോട്ടിനു അവള്‍ ഗപ്പി എന്നു പേരിടുകയും തന്‍റെ നീണ്ട അവധികാലങ്ങളില്‍ രണ്ടുമൂന്നു ആഴ്ചകള്‍ക്കുള്ളില്‍ അവള്‍ കൊച്ചു കൊച്ചു യാത്രകള്‍ നടത്തി. പിന്നീടു 2009 ഓഗസ്റ്റിലാണ് ലോകം ചുറ്റാനുള്ള തന്‍റെ ആഗ്രഹത്തെ കുറിച്ച് അവള്‍ ലോകത്തോട് പറയുന്നത് എന്നാല്‍ ചൈയില്‍ട് വെല്‍ഫയര്‍ അസോസിയെഷനും കുടുംബ കോടതിയുമൊക്കെ അവള്‍ക്ക് എതിരായി വന്നു , ഒരു കൊല്ലം നീണ്ടു നിന്ന നിയമയുദ്ധത്തിനൊടുവില്‍  21 ഓഗസ്റ്റ് 2010ല്‍ അവള്‍ യാത്രയാരംഭിച്ചു.  എല്ലായിടത്തും അവള്‍ക്കൊപ്പം അവളുടെ അച്ഛനുണ്ടായിരുന്നു. അങ്ങനെ 21 ജനുവരി 2012ല്‍ വിജയകരമായി ഈ കൊച്ചു മിടുക്കി തന്‍റെ യാത്ര പൂര്‍ത്തിയാക്കുകയും ചെയ്തു.

യാത്രക്കിടയില്‍ ലോറ തന്നെ ഷൂട്ട്‌ ചെയ്ത ദ്രിശ്യങ്ങള്‍ കൂട്ടി ചേര്‍ത്ത് പുറത്തിറക്കിയതാണ് ഈ ഡോക്യുമെന്ററി. കാണാത്തവര്‍ ഒന്ന്‍ കണ്ടു നോക്കു.

Monday, 7 July 2014

30.Mar Adentro

Mar Adentro - The Sea Inside (2004) : കാണാതെ പോവരുത് ഈ മനോഹര ചിത്രം.


Language: Spanish
Genre: Biograpgy
Director: Alejandro Amenábar
Writers: Alejandro Amenábar, Mateo Gil
Stars: Javier Bardem, Belén Rueda, Lola Dueñas

ജീവിക്കാനുള്ള സ്വാതന്ത്ര്യത്തിനു വേണ്ടി പോരാടിയ മനുഷ്യരുടെ കഥകള്‍ നാം ഒരുപാട് കേട്ടിടുണ്ട് എന്നാല്‍ അന്തസ്സോടെ മരിക്കാന്‍ വേണ്ടി പോരാടിയ മനുഷ്യന്‍റെ കഥ നാം കെട്ടു കാണില്ല. അത്തരത്തിലൊരു കഥയാണ് ഈ ചിത്രം പറയുന്നത്.

ഒരു  ഡൈവിംഗ് അപകടത്തെ തുടര്‍ന്ന്‍ ഇരു കൈകാലുകളുടെയും ചലന ശേഷി നഷ്ട്പെട്ട് തുടര്‍ന്നുള്ള ഇരുപത്തിയെട്ട് വര്‍ഷം പ്രതാപത്തോടെ മരിക്കാനുള്ള അനുമതിക്കായി നിയമത്തോട് പോരാടിയ സ്പാനിഷ്‌ വംശജനായ  Ramón Sampedro  ജീവിതകഥയാണ് ചിത്രം പറയുന്നത്.

ജൂലിയ, റോസ് എന്നി സ്ത്രികളോടുള്ള റെമോണിന്‍റെ അടുപ്പത്തിലൂടെയാണ് പ്രധാനമായും ചിത്രം കടന്നു പോവുന്നത്.റെമോണിന്‍റെ വക്കീല്‍ ആയ ജൂലിയ അവന്‍റെ ആഗ്രഹത്തിനൊപ്പം നില്‍കുമ്പോള്‍, വെറുമൊരു സാദാരണ പെണ്‍കുട്ടിയായ റോസ് റെമോണിനെ അവന്‍റെ തീരുമാനത്തില്‍ നിന്നും പിന്തിരിപ്പിക്കുവാന്‍ ആണ് ശ്രമിക്കുന്നത്.  അവന്‍റെ സ്നേഹത്തിലുടെ ജീവിതത്തില്‍ ഒരിക്കലും സാധിക്കില്ല എന്നവര്‍ കരുതിയ കാര്യങ്ങള്‍ ചെയ്യാന്‍ അവര്‍ക്ക് പ്രചോദനം ലഭികുകയാണ്. സ്വയം മരിക്കാന്‍ ആഗ്രഹിക്കുന്നുണ്ടെങ്കിലും കണ്ടുമുട്ടിയ എല്ലാവരിലും ജീവിതത്തിന്‍റെ അര്‍ത്ഥവും മൂല്യവും എല്ലാം അവന്‍ പകര്‍ന്നു നല്‍കി. സ്വയം ചലിക്കുവാന്‍ സാധിക്കില്ലെങ്കിലും മറ്റുള്ളവരെ ചലിപ്പിക്കാനുള്ള ഒരപൂര്‍വ ശക്തി അവനുണ്ടായിരുന്നു.

മരണത്തെ വരിക്കാന്‍ റെമോണ് ആഗ്രഹികുമ്പോള്‍ തകര്‍ന്ന്‍ നില്‍ക്കുന്നത് അവന്‍റെ കുടുംബമാണ്, അമ്മയുടെ മരണ ശേഷം അവന്‍റെ കാര്യങ്ങളെല്ലാം നോക്കുന്ന അവന്‍റെ ജ്യേഷ്ഠഭാര്യ ഒരുമകനെ പോലെയാണ് അവര്‍ അവനെ സ്നേഹിക്കുന്നത്, താന്‍ ജീവിച്ചിരികുമ്പോള്‍ തന്‍റെ കുടുംബത്തില്‍ ആരും മരിക്കരുത് എനാഗ്രഹിക്കുന്ന അവന്‍റെ ജ്യേഷ്ടന്‍, മകന്‍റെ അവസ്ഥ കണ്ടു നിസഹായനായി നില്‍ക്കുന്ന റെമോണിന്റെ അച്ഛന്‍ അങ്ങനെ അവനെ സ്നേഹിക്കുന്ന ഒരുപ്പാട്‌ ആളുകള്‍ അവനു ചുറ്റും ഉണ്ട് എങ്കിലും മരിക്കാന്‍ തന്നെയാണ് അവന്‍ ആഗ്രഹിക്കുന്നത്.

മനസ്സിനെ വല്ലാതെ സ്പര്‍ശിക്കുന ചുരുക്കം ചില ചിത്രങ്ങളില്‍ ഒന്നാണിത്. യഥാര്‍ത്ഥ സംഭവത്തെ ആസ്പതമാക്കിയാണ് ചിത്രം ഒരുക്കിയിട്ടുള്ളത് എന്നറിയുമ്പോള്‍ ഇതിനോടുള്ള അടുപ്പം കുറേക്കൂടി കൂടുന്നു.

 ജീവിക്കാന്‍ മാത്രമല്ല മരിക്കാനും ആഗ്രഹിക്കുന്ന മനുഷ്യര്‍ നമ്മുടെ ഇടയില്‍ ഉണ്ടെന്നു ഈ ചിത്രം നമ്മോട് പറയുന്നു. പല കാരണങ്ങളാലും സ്വന്തം ബന്ധുക്കളെ ഉപേക്ഷിച്ചു പോകുന്ന ധാരാളം മനുഷ്യരെ നാം കണ്ടിട്ടുണ്ട്, ചിലര്‍ രോഗിയായ ബന്ധുവിനെ സുസ്രൂഷിക്കുനത് ഒരു ബാധ്യതയായി തന്നെ കാണുന്നു എന്നാല്‍ ഇവിടെ റെമോണിന്റെ കുടുംബം മുഴുവനും അവനെ വളരെയധികം സ്നേഹിക്കുകയാണ് അവരുടെ സുഖത്തെക്കാള്‍ അവന്‍റെ സുഖത്തിനും സന്തോഷത്തിനും അവര്‍ പ്രാധാന്യം നല്‍കുന്നു.

സംവിധായകന്‍ Alejandro Amenábar എത്ര അഭിനന്ദിച്ചാലും മതിയാവില്ല അത്ര മനോഹരമായിട്ടാണ് അദ്ദേഹം ഈ ചിത്രം ഒരുക്കിയിട്ടുള്ളത്. റെമോണ് ആയി നമുക്ക് മുന്നില്‍ ജീവിക്കുകയായിരുന്നു Javier Bardem. ചില സീനുകളില്‍ നാം സ്വയം ചിന്തിച്ചു പോകും എന്തിനാണ് ഇയാള്‍ക്ക് ഇങ്ങനെ ഒരു വിധി നല്‍കിയതെന്ന് അത്ര മനോഹരമയിരുന്നു അദ്ദേഹത്തിന്റെ അഭിനയം. അതുപോലെ ഇതിലെ ഓരോ കഥാപാത്രത്തെ അവതരിപ്പിച്ച ഓരോരുത്തരും വളരെ മികച്ച പ്രകടനങ്ങള്‍ തന്നെയാണ് കാഴ്ച വെച്ചത് എന്നു നിസംശയം പറയാം.