155.96

96: A beautiful ride through memory lane.

Language: Tamil
Genre: Romance
Director: C. Prem Kumar
Writer: C. Prem Kumar
Stars: Vijay Sethupathi, Trisha Krishnan

റാം, മനസ്സ് കൊണ്ട് ഇന്നും അയാള്‍ ആ പത്താം ക്ലാസ്സില്‍ തന്നെയാണ്, ആ ഓര്‍മകളില്‍ നിന്നും ഒളിച്ചോടാന്‍ എന്നോണമാവാം അയാളൊരു ട്രാവല്‍ ഫോട്ടോഗ്രാഫര്‍ ആയി മാറിയത്. 22 വര്‍ഷങ്ങള്‍ക്കിപ്പറവും ആ മനസ്സില്‍ ഇപ്പോഴും ജാനുവും അവളോടുള്ള നിലയ്ക്കാത്ത പ്രണയവുമാണ്, വര്‍ഷങ്ങള്‍ക്ക് ശേഷം വീണ്ടും ഒരായിരം ഓര്‍മ്മകള്‍ തങ്ങി നില്‍ക്കുന്ന ആ സ്കൂളിലേക്ക് പ്രവേശിക്കുമ്പോള്‍ ഒരു കൗമാരക്കാരനെ പോലെ ആ പടവുകള്‍ ഓടി കയറി, ബോര്‍ഡിലെ ചോക്ക് പൊടികളിലൂടെ കൈവിരലുകള്‍ ഓടിച് തന്‍റെ ക്ലാസ്സിലേക്ക് ചെന്നിരിക്കുന്നുണ്ട് റാം. അവിടെ നിന്ന് 22 വര്‍ഷങ്ങള്‍ക്ക് മുന്‍പുള്ള രാമചന്ദ്രന്‍റെ പ്രണയത്തിന്റെയും , സൗഹൃദത്തിന്‍റെയും വാതില്‍ പ്രേക്ഷകന് മുന്‍പില്‍ തുറക്കുകയാണ്.. അവിടെ അവനെ കാത്ത് ജാനകിയുണ്ട് അവന്‍റെ ജാനു...

"Changes are the Question"
"Changes are the Answer"

ഇങ്ങനെ എഴുതി കാണിച്ചു കൊണ്ടാണ് ചിത്രം തുടങ്ങുന്നത് ഈ വരികളില്‍ തന്നെയുണ്ട് ഈ ചിത്രത്തിന്‍റെ കഥയും...

'പ്രണയം' കവിതകളായും, കഥകളായും, സിനിമകളായുമെല്ലാം ഇന്നും നമുക്ക് മുന്നില്‍ വീണ്ടും വീണ്ടും വന്നു പോയി കൊണ്ടേയിരിക്കുന്നു... അവയില്‍‍ നിന്നെല്ലാം സി പ്രേംകുമാര്‍ സംവിധാനം ചെയ്ത 96നെ വേറിട്ട്‌ നിര്‍ത്തുന്നത് എന്ന്‍ ചോദിച്ചാല്‍, ഓരോ പ്രേക്ഷകനിലും ഞാന്‍ തന്നെയാണ് റാം, അല്ലെങ്കില്‍ ഞാന്‍ തന്നെയാണ് ജാനു എന്ന തോന്നലുണ്ടാക്കി കൊണ്ട് കഥ പറയാന്‍ സാധിച്ചു എന്നതിനാലാണ് എന്ന്‍ പറയാം..ഒരു പൈങ്കിളി പ്രണയകഥയോ അല്ലെങ്കില്‍ പറഞ്ഞു പഴകിയ മറ്റൊരു പ്രണയകഥയോ ആവുമായിരുന്ന കഥയെ ഇത്രമേല്‍ മികവുറ്റതാക്കുന്നത് സി പ്രേംകുമാര്‍ എന്ന എഴുത്ത്കാരന്‍റെ-സംവിധായകന്‍റെ കഴിവാണ്.. റാം-ജാനു എന്നിവരുടെ പ്രണയത്തെക്കുറിച്ച് പറയുമ്പോഴും റാമിന് ജാനുവിനോടുള്ള പ്രണയത്തെയും, ജാനുവിന് റാമിനോടുള്ള പ്രണയത്തെയും രണ്ടായി കാണിക്കാന്‍ അദ്ദേഹത്തിന്ക ഴിഞ്ഞിരിക്കുന്നു. സംഭാഷണങ്ങളിലൂടെ അതിമനോഹരമായി പ്രണയത്തെ വരച്ചുകാട്ടുന്ന വളരെ ചുരുക്കം ചില ചിത്രങ്ങളില്‍ ഒന്നാണ് 96. കൈവിട്ട് പോകുമായിരുന്നതോ, അല്ലെങ്കില്‍ പ്രേക്ഷകനില്‍ ആവര്‍ത്തന വിരസതയുടെ മടുപ്പ് ഉളുവാകുന്നതുമായ പല രംഗങ്ങളും ഒരു പുത്തന്‍ അനുഭവം എന്ന കണക്കെ അവതരിപ്പിക്കാന്‍ സംവിധായകന് സാധിച്ചിരിക്കുന്നു...

ഓര്‍മകളത്രയും കൂട്ടി വെച്ച തകരപ്പെട്ടിയും നെഞ്ചോട്‌ ചേര്‍ത്ത് പിടിച്ചു കാലത്തിനോത്ത് സഞ്ചരിക്കാന്‍ കഴിയാതെ ഇന്നും 15 വയസ്സ് കാരന്‍റെ ഓര്‍മകളില്‍, ആ ഭൂതകാലത്തില്‍ ജീവിക്കുന്ന രാമചന്ദ്രനെ വിജയ്‌ സേതുപതിയോളം ഭംഗിയായി അവതരിപ്പിക്കാന്‍ ആര്‍ക്കെങ്കിലും കഴിയും എന്ന്‍ തോന്നുന്നില്ല.. ജീവിക്കുകയായിരുന്നു അദ്ദേഹം റാം ആയിട്ട്, ഓരോ നോട്ടത്തിലും ചലനങ്ങളിലും എല്ലാം രാമചന്ദ്രനായി നിറഞ്ഞാടുകയായിരുന്നു അദ്ദേഹം.. വര്‍ഷങ്ങള്‍ക്ക് ശേഷം ജാനുവിനെ കാണുന്ന ആ രംഗം, അതുപോലെ ഹോട്ടല്‍ മുറിയില്‍ വെച്ചു അവളോടെല്ലാം തുറന്ന്‍ പറയുന്ന രംഗം, അങ്ങനെ മനസ്സിനെ ആഴത്തിലേക്ക് തറച്ചുകയറിയ ഒരുപ്പാട്‌ രംഗങ്ങളില്‍ വിജയ്‌ സേതുപതി അസാമാന്യമായ പ്രകടനം കൊണ്ട് നമ്മെ അമ്പരപ്പിക്കുന്നുണ്ട്...

തൃഷ അവരുടെ ഇന്നുവരെയുള്ള കഥാപാത്രങ്ങളില്‍ എനിക്ക് ഏറ്റവും പ്രിയപ്പെട്ടത് അല്ലെങ്കില്‍ ഏറ്റവും മികച്ചത് എന്ന ചോദ്യത്തിനു ഒരുത്തരമേയുള്ളു ജാനു.. റാം ഓര്‍മകളില്‍ നിന്നും പുറത്ത് വരാതെ ജീവിക്കുമ്പോള്‍ ഓര്‍മകളായിരുന്നു അവളെ ജീവിപ്പിച്ചത്, തിരിച്ചു കിട്ടില്ലെന്ന പൂര്‍ണ ബോധ്യം അവള്‍ക്കുണ്ട് ആ വേദനയില്‍ തനെയാണ്‌ ഒടുവില്‍ ആ എയര്‍പോര്‍ട്ടില്‍ വെച്ചവളുടെ തൊണ്ടയിടറുന്നതും..അവള്‍ നിശബ്ദയായി പോയതും... അന്ന്‍ കോളേജില്‍ വെച്ചു ആ കുട്ടി റാമിന്റെ പേര് പറഞ്ഞിരുന്നെങ്കില്‍ അല്ലെങ്കില്‍ അവനെ ഒന്ന്‍ കണ്ടിരുനെങ്കില്‍ തങ്ങളുടെ ജീവിതം എങ്ങനെ മാറി മറിഞ്ഞേനെ എന്നവള്‍ ആ ഹോട്ടല്‍ മുറിയില്‍ വെച്ചു റാമിനോട് ചോദിക്കുന്നുണ്ട്, അതിനുള്ള ഉത്തരം പിന്നെടവള്‍ വളരെ മനോഹരമായി റാമിന്റെ വിദ്യര്‍ത്ഥികളോട് തങ്ങളുടെ പ്രണയം വിവരിച്ചു കൊണ്ട് പറയുന്നുണ്ട്.. തൃഷയെ ഒരുപ്പാട്‌ ഇഷ്ടപ്പെടുന്നത് ചിത്രത്തിലെ ഈ രംഗങ്ങളിലാണ്...

Gouri G Kishan എന്ന കൊച്ചുമിടുക്കി വരച്ചിട്ട കൌമരക്കാരി ജാനുവില്‍ നിന്നും ഇരുപ്പത് വര്‍ഷങ്ങള്‍ക്ക് ശേഷമുള്ള ജാനകിയായി തൃഷ എത്തുമ്പോള്‍ ആ കഥാപാത്രത്തിന് ലഭിക്കുന്ന ആരവങ്ങള്‍ത്രയും ആ മിടുക്കിക്ക് അവകാശപ്പെട്ടതാണ് എന്നാല്‍ അവിടെ നിന്ന് തന്‍റെ മുന്‍കാല കഥാപാത്രങ്ങളുടെ യൊന്നും നിഴല്‍ സ്പര്‍ശിക്കാതെ ജാനുവായി അവര്‍ മാറിയിരുന്നു.. തന്‍റെ മനോഹരമായ കണ്ണുകളിലൂടെ റാമിനോടുള്ള അവളുടെ പ്രണയത്തെയും, അവനെ നഷ്ടപ്പെട്ടത്തിലുള്ള അവളുടെ ഒരിക്കലും ശമിക്കാത്ത വേദനയേയും എല്ലാം അവര്‍ പ്രേക്ഷകനിലേക്ക് എത്തിക്കുന്നു...

Adithya Bhaskar അധികം ഡയലോഗുകള്‍ ഇല്ലാതെ റാമിന്റെ ചെറുപ്പകാലത്തേ വളരെ നന്നായി തന്നെ ഈ മിടുക്കന്‍ ചെയ്തിട്ടുണ്ട്..

പിന്നെ 96നെ ഇത്രമേല്‍ ഹൃദമാക്കുന്നതില്‍ വലിയൊരു പങ്ക് വഹിച്ച ഗോവിന്ദ് മേനോന്‍റെ സംഗീതം.. കാതലേ കാതലേ എന്ന ഗാനം അടുത്തൊന്നും മനസ്സില്‍ നിന്നും പോകില്ല..പല രംഗങ്ങളിലും പശ്ചാത്തല സംഗീതം നല്‍കുന്ന അനുഭൂതി പറഞ്ഞു അറിയിക്കാന്‍ കഴിയില്ല അത്രമേല്‍ മനോഹരമായിരുന്നു... അത്
പോലെ എന്‍ ശന്മുഖതിന്റെ ഛായാഗ്രഹണം..വളരെ മനോഹരമായ ഫ്രെയിമുകള്‍ പ്രേക്ഷകന് സമ്മാനിച്ചിട്ടുണ്ട് അദ്ദേഹം..

മനസ്സിന് ഇഷ്ടപ്പെട്ട പ്രണയ ചിത്രങ്ങള്‍ ഒരുപ്പാട്‌ ഉണ്ടെങ്കിലും അവയെക്കാളൊക്കെ മനസ്സിനെ കവരുന്ന ചിത്രമായി 96നെ മാറ്റുന്നത് ഓരോ പ്രേക്ഷകനിലും ഞാന്‍ തന്നെയാണ് റാം, അല്ലെങ്കില്‍ ഞാന്‍ തന്നെയാണ് ജാനു എന്ന തോന്നലുണ്ടാക്കി കൊണ്ട് കഥ പറയാന്‍ സാധിച്ചു എന്നതിനാലാണ്.. ജീവിതത്തില്‍ ഒരിക്കലെങ്കിലും പ്രണയിക്കാത്തവര്‍ ഉണ്ടാകും എന്ന്‍ കരുതുന്നില്ല.. ചിലര്‍ക്ക് പ്രണയം മനസ്സിനെ കൊത്തി വലിക്കുന്ന ഒരു വേദനയാവാം, മറ്റുചിലര്‍ക്ക് ഇന്നും അവര്‍ നെഞ്ചോട്‌ ചേര്‍ത്ത് പിടിക്കുന്ന സുഖമുള്ള ഓര്‍മയും.. എങ്ങനെ തന്നെ ആയാലും നിങ്ങളുടെ മനസ്സ് നിറയ്ക്കും ഈ ചിത്രം എന്നതില്‍ തെല്ലും സംശയമില്ല...

റൊമ്പ ദൂരം പോയിട്ടയാ റാം.?
ഉന്നെ എങ്കൈ വിട്ടയോ അങ്ക താന്‍ നിക്കറേന്‍ ജാനു…

തിയറ്ററില്‍ നിന്നും തന്നെ കാണാന്‍ ശ്രമിക്കുക..

151.Be With You

Be With You (2018) : Enjoyable tale with a twist.

Language: Korean
Gnere: Fantasy, Romance
Director: Jang-Hoon Lee
Writers: Su-jin Kang, Jang-Hoon Lee, Takuji Ichikawa (novel)
Stars: Ji-seob So, Ye-jin Son, Yoo-ram Bae

മരണപ്പെട്ട വ്യക്തി  നമ്മളെ  കാണുവാനായി  ഒരു  ദിവസം  ആകാശത്തു  നിന്നും  നമുക്കരികിലേക്ക്  വന്നാൽ  എങ്ങനെയുണ്ടാവും  ?  വിചിത്രമായി  തോന്നാം..  എന്നാൽ  അങ്ങനെയൊരു  കഥയാണ്  Lee Jang-hoonന്റെ  സംവിധാനത്തിൽ , So Ji-sub, Son Ye-jin എന്നിവർ  പ്രധാനവേഷത്തിൽ  എത്തി  ഈ  വർഷം  പുറത്തിറങ്ങിയ  Be with You എന്ന കൊറിയൻ  ചിത്രം  പറയുന്നത് ..

മരണം  തന്നെ  തന്റെ  പ്രിയപ്പെട്ട  ഭർത്താവ്  Woo-jin ൽ  നിന്നും  മകൻ  Ji Ho യിൽ നിന്നും അകറ്റി കൊണ്ട്  പോകുന്നതിനു  മുൻപ്  Soo-ah തികച്ചും  അവിശ്വസിനീയമായൊരു  വാക്ക് അവർക്ക്  നൽകുന്നു , താൻ  മരിച്ചു  ഒരു വര്ഷം  കഴിഞ്ഞു  മഴയുള്ളൊരു  ദിവസം അവരിലേക്ക്‌ തിരിച്ചെത്തും... പറഞ്ഞത്  പോലെ  തന്നെ
 തൻ്റെ വാക്ക്  അവൾ  പാലിച്ചു  മഴയുള്ളൊരു  ദിവസം  അവൾ  അവര്കാരികിലേക്കു വീണ്ടും  എത്തി .. എന്നാൽ  കഴിഞ്ഞതൊന്നും  തന്നെ  അവൾക്ക്  ഓർമയില്ലായിരുന്നു ...

എങ്ങനെയാണു  മരണത്തെ  അതിജീവിച്ചു  Soo-ah തിരിച്ചുവന്നത്  ? എങ്ങനെയാണു  അവളുടെ  ഓർമ്മകൾ  എല്ലാം  നഷ്ടമായത്  ? ഇതിനെല്ലാമുള്ള  ഉത്തരങ്ങളാണ്  മുന്പോട്ടുള്ള  ചിത്രം  പറയുന്നത്

 അവതരണത്തിലെ  വ്യത്യസ്ഥത  കൊണ്ട് കൊറിയൻ   ത്രില്ലർ  ചിത്രങ്ങൾ  എത്രമാത്രം  ലോക ശ്രദ്ധ  നേടിയിട്ടുണ്ടോ   അത്രയും  തന്നെ  ലോക ശ്രദ്ധ  കൊറിയൻ  റൊമാന്റിക്  കോമഡി  ശ്രേണിയിൽ  വരുന്ന
 ചിത്രങ്ങളും  നേടിയെടുത്തിട്ടുണ്ട് .. വളരെ  ചെറിയൊരു  കഥ  അതീവ  രസകരമായി  അവതരിപ്പിക്കാനുള്ള  ഇവരുടെ  കഴിവ്  തന്നെയാണ്  അതിനു കാരണം.. ഈ  ശ്രേണിയിൽ  ഉൾപെടുത്താൻ കഴിയുന്ന  മികച്ചൊരു  ചിത്രമാണ്  Be with You. ഇതേ  പേരിൽ  തന്നെ 2004 ൽ  പുറത്തിറങ്ങിയ  ജാപ്പനീസ്  ചിത്രത്തിന്റെ  റീമേ ക്ക്  ആയിരുന്നു  ഈ  ചിത്രം.

തുടക്കം  മുതൽ  അവസാനം  വരെ  ഒട്ടും  തന്നെ ബോറടിക്കാതെ  കാണാൻ  കഴിയുന്ന  ചിത്രം  അതിൻ്റെ  ക്ലൈമാക്സ് എത്തുമ്പോൾ  അത്  വരെ  പ്രേക്ഷനിൽ  ബാക്കി  വെച്ച  എല്ലാ  ചോദ്യങ്ങൾക്കും  ഉത്തരം  നല്കുന്നതിനോടൊപ്പം വളരെ  നല്ലൊരു  ചിത്രം  കണ്ടു  തീർത്ത  സംതൃപ്തിയും  നമ്മളിൽ  ഉണ്ടാക്കുന്നു ..

കൂടുതൽ  വലിച്ചു  നീട്ടുന്നില്ല , റൊമാന്റിക്  ചിത്രങ്ങളുടെ  ആസ്വാദകർക്ക്  ഒരു  വിരുന്ന്  തന്നെയാണ്  ഈ  ചിത്രം...

148.Playful Kiss

Playful Kiss (Original Title: Jangnanseureon Kiseu, also known as Mischievous Kiss or Naughty Kiss) : രസകരം ഒപ്പം അതിമനോഹരവുമാണ് ഈ സീരീസ്‌...!!

Language: Korean
Genre: TV Series, Romance, Comedy
Director: Hwang In-Roe, Kim Do-Hyung
Writer: Ko Eun-Nim, Kaoru Tada (manga)
Stars: Kim Joong Hyun, So-Min Jung, Si-young Lee

കൊറിയന്‍ പ്രണയചിത്രങ്ങള്‍ ഇഷ്ടപെടാത്തവരായി ആരും തന്നെ ഉണ്ടാകും എന്ന്‍ തോന്നുന്നില്ല പ്രത്യേഗിച്ചും കൊറിയന്‍ Rom-Com ജോണറില്‍ വരുന്ന ചിത്രങ്ങള്‍, വെത്യസ്തമായ അവതരണശൈലി കൊണ്ട് ലോകത്തിന്‍റെ പലയിടത്തും ഈ ചിത്രങ്ങള്‍ക്ക് ആരാധകര്‍ ഏറെയാണ്. ഈ ചിത്രങ്ങളില്‍ നിന്നും നമുക്ക് ലഭിക്കുന്ന അനുഭൂതി അതേപടി നമുക്ക് സമ്മാനിക്കുന്ന കൊറിയന്‍ ടിവി സീരീസാണ് Playful Kiss.

ഏതവസ്ഥയിലും തോറ്റുകൊടുക്കാതെ പരിശ്രമത്തിലുടെ വിജയം കൈവരിക്കാന്‍ ശ്രമിക്കുന്ന Oh Ha Ni, അവളുടെ അച്ഛനും അടുത്ത സുഹ്രത്തുക്കളും അതിനാല്‍ അവളെ നോവയുട ഒച്ച്‌ (Noah's Snail) എന്നാണ് കളിയാക്കി വിളിക്കുന്നത്. ഇപ്പോള്‍ അവള്‍ക്കൊരു ലക്ഷ്യമേയുള്ളൂ സ്കൂളിലെ ഏറ്റവും ബുദ്ധിമാനും പെണ്‍കുട്ടികളുടെ ആരാധനപാത്രവുമായ Baek Seung Joവിന്‍റെ ഹൃദയം സ്വന്തമാക്കുക. വര്‍ഷങ്ങളായി തന്‍റെ മനസ്സില്‍ താലോലിച്ചു കൊണ്ടുനടന്ന പ്രണയം ഒടുവില്‍ ഒരു പ്രണയലേഖനത്തിലുടെ അവള്‍ അവനെ അറിയിച്ചു. എന്നാല്‍ സ്നേഹശ്യുന്യനായ Baek Seung Jo, Oh Ha Niയുടെ പ്രണയാഭ്യര്‍ത്ഥന നിഷ്കരുണം നിഷേധിക്കുന്നു...

ഒരു ഭുമികുലുക്കത്തില്‍ തങ്ങളുടെ വീട് തകര്‍ന്നതിനെ തുടര്‍ന്ന്‍ Oh Ha Niയും അച്ഛനും അദ്ദേഹത്തിന്റെ പഴയകാല സുഹ്രത്തിന്‍റെ ക്ഷണം സ്വീകരിച്ച് അയാളുടെ വീട്ടിലേക്കു താമസം മാറുന്നു. തീരെ പ്രതീക്ഷിക്കാത്തൊരു അത്ഭുതമായിരുന്നു Oh Ha Niയെ അവിടെ കാത്തിരുന്നത് Baek Seung Jo വിന്‍റെ കുടുംബമായിരുന്നുവത്. ഇനി Baek Seung Jo വും Oh Ha Niയും ഒരേ കുടകീഴിലാണ് ഇപ്പോള്‍ താമസിക്കുന്നത്. ലോലഹൃദയയും ദൃഢനിശ്ചയമുള്ളവളുമായ Oh Ha Niക്ക് കഠിനഹൃദയനായ Baek Seung Jo വിന്‍റെ ഹൃദയം കീഴടക്കാന്‍ സാധിക്കുമോ ?

Oh Ha Niയുടെയും Baek Seung Jo വിന്റെയും ജീവിതത്തില്‍ പിന്നീടു സംഭവിക്കുന്ന രസകരമായ മുഹൂര്‍ത്തങ്ങളാണ് ഇവിടുന്നങ്ങോട്ട്‌ പ്രേക്ഷകനെ കാത്തിരിക്കുന്നത്...

Oh Ha Ni, Baek Seung Jo എന്നിവരെ കൂടാതെ വളരെ കാലമായി Oh Ha Niയെ പ്രണയിക്കുന്ന Bong Joon-gu, ഒരു മകളെപോലെ Oh Ha Niയെ സ്നേഹിക്കുന്ന Baek Seung Joവിന്‍റെ അമ്മ Hwang Geum-hee ജ്യേഷ്ട്ടന്‍ Baek Seung Joവിന്‍റെ തനിപകര്‍പ്പായ Baek Eun-jo, Oh Ha Niയുടെ അടുത്ത സുഹൃത്തുക്കള്‍ അങ്ങനെ ഒട്ടനവധി കഥാപാത്രങ്ങള്‍ ഈ കഥയില്‍ നിറഞ്ഞു നില്‍ക്കുന്നുണ്ട്, ഇതില്‍ എടുത്ത് പറയേണ്ടത് Baek Seung Joവിന്‍റെ അമ്മ Hwang Geum-hee എന്ന കഥാപാത്രത്തെയാണ് ഇതുപോലൊരമ്മയെ ആഗ്രഹിക്കാത്ത ആരുംതന്നെ കാണില്ല അത്ര മനോഹരമാണ് ഈ കഥാപാത്രം. Jung Hye-young ആണ് ഈ കഥാപാത്രത്തെ അവതരിപ്പിച്ചിരിക്കുന്നത്. Oh Ha-ni യെ അവതരിപ്പിക്കുന്ന Jung So-minഉം Baek Seung-joവിനെ അവതരിപ്പിക്കുന്ന Kim Hyun-joongഉം തമ്മില്‍ വളരെ നല്ലൊരു കെമിസ്ട്രിയുണ്ട് ഇരുവരെയും ഒരുമിച്ച് സ്ക്രീനില്‍ കാണാന്‍ നല്ല രസമാണ്.

Kaoru Tada യുടെ 1990ല്‍ പുറത്തിറങ്ങിയ Itazura Na Kiss എന്ന ജാപ്പനീസ് മാന്ഗാ (Japanese Manga) സീരിസിനെ ആസ്പദമാക്കിയാണ് ഈ സീരീസ്‌ അണിയിച്ചൊരുക്കിയിരിക്കുന്നത് .. Itazura Na Kiss നെ ആസ്പദമാക്കി പുറത്തിറങ്ങിയ മൂന്നാമത്തെ ടെലിവിഷന്‍ സീരീസാണ് Playful Kiss. 1996ല്‍ Itazura Na Kiss എന്ന പേരില്‍ ജാപ്പനിസ്‌ ടിവി സീരീസ്‌, 2005ല്‍ It Started With a Kiss എന്ന പേരില്‍ തൈവാനീസ് ടിവി സീരീസ്‌ എന്നിവയും ഇറങ്ങിയിരുന്നു. തൈവാനീസ് പതിപ്പിന് 2007ല്‍ They Kiss Again എന്ന പേരില്‍ രണ്ടാം ഭാഗവും ഇറങ്ങിയിരുന്നു.. Playful Kiss കൊറിയയില്‍ വന്‍ പരാജയം ആയിരുനെങ്കിലും പിന്നീടു ഈ സീരീസ്‌ ലോകമെമ്പാടും പ്രേക്ഷക ശ്രദ്ധ പിടിച്ചു പറ്റുകയായിരുന്നു ഏഷ്യയിലെ 12 രാജ്യങ്ങളിലേക്കാണ് ഈ സീരീസ്‌ വിറ്റഴിക്കപ്പെട്ടത്... ഈ വിജയത്തെ തുടര്‍ന്ന്‍ 2013ല്‍ ജാപ്പനീസില്‍ Mischievous Kiss: Love in Tokyo എന്ന പേരില്‍ ഈ സീരീസ്‌ റിമേക്ക് ചെയ്യുകയും അതിനൊരു രണ്ടാം ഭാഗം 2014ല്‍ ഇറങ്ങുകയും ചെയ്തു കൂടാതെ 2015ല്‍ ഈ സീരീസ്‌ തായ്‌ ഭാഷയില്‍ Kiss Me എന്ന പേരിലും റിമേക്ക് ചെയ്യുകയുണ്ടായി... ഒരുപക്ഷെ  ഇതാദ്യമായാവും ഒരു ടെലിവിഷന്‍ സീരീസ്‌ ഇത്രയധികം ഭാഷകളിലേക്ക് റിമേക്ക് ചെയ്യപ്പെടുന്നത്...

പ്രണയിച്ചുകൊണ്ട് ജീവിതത്തില്‍ വളരുക എന്നത് ഒരു ഭാഗ്യമാണ്, ആ ജീവിതമാണ് ഈ സീരീസില്‍ നാം കാണുന്നത്. മാത്രമല്ല മറ്റു സീരീസുകളെ പോലെ ഒരുപാടു എപിസോഡ്സ് ഇല്ല  സീരീസില്‍,  വെറും 16 എപിസോഡ്സ് മാത്രമേയുള്ളൂ ഈ പ്രണയയാത്ര.

കൊറിയന്‍ പ്രണയചിത്രങ്ങള്‍ നിങ്ങള്‍ ഇഷ്ടപെടുന്നുവെങ്കില്‍ തീര്‍ച്ചയായും ഈ സീരീസ്‌ നിങ്ങള്‍ കണ്ടിരിക്കണം.

141.Brooklyn

Brooklyn (2015) : Ronan Owns The Film With Her Terrific Performance.

Language: English
Genre: Drama
Director: John Crowley
Writers: Nick Hornby (screenplay), Colm Tóibín (novel) (as Colm Toibin)
Stars: Saoirse Ronan, Emory Cohen, Domhnall Gleeson 

1952ല്‍ പുതിയൊരുരു ജീവിതം തേടി  Brooklyn ല്‍ എത്തിയ ഐറിഷ് യുവതിയുടെ കഥ പറഞ്ഞ  Colm Tóibín ന്‍റെ ഇതേ പേരിലുള്ള നോവലിന്റെ ദ്രിശ്യാവിഷ്ക്കാരമാണ്  John Crowley യുടെ സംവിധാനത്തില്‍ കഴിഞ്ഞ വര്‍ഷം പുറത്തിറങ്ങിയ Brooklyn.

1952ല്‍ തെക്കുകിഴക്കന്‍ അയര്‍ലണ്ടിലെ ചെറുനഗരമായ  Enniscorthyയില്‍ നിന്നും തന്‍റെ സഹോദരി റോസിന്റെ നിര്‍ദേശപ്രകാരം നല്ലൊരു ജീവിതം തേടി അമേരിക്കയിലേക്ക് കുടിയേറാന്‍ പോവുകയാണ്  Eilis Lacey. അമേരിക്കയിലേക്കുള്ള അവളുടെ യാത്ര തന്നെ ഏറെ ദുരിദങ്ങള്‍ നിറഞ്ഞതായിരുന്നു. കടല്‍ച്ചൊരുക്കും, ഭക്ഷ്യവിഷബാധയുമെല്ലാം അവളെ വല്ലാതെ തളര്‍ത്തി. അവളോട്‌ അലിവു തോന്നിയ മറ്റൊരു യാത്രക്കാരി ഒരുപ്പാട്‌ ഐറിഷ് കുടിയേറ്റകാര്‍ക്ക് അഭയകേന്ദ്രമായി മാറിയ  Brooklyn നിലെ ജീവിതത്തെക്കുറിച്ചും, അവിടെ ജീവിക്കുന്നതിന് ആവശ്യമായ ഉപദേശങ്ങളും അവള്‍ക്ക് നല്‍കുന്നു... പതുക്കെ അവള്‍ അവിടെ തന്റേതായൊരു ജീവിതം കണ്ടെത്തുന്നു; ഒരു ഡിപാര്‍ട്ട്‌മെന്‍റ് സ്റ്റോറില്‍ അവള്‍ക്കൊരു ജോലി ലഭിക്കുന്നു, പിന്നീട് ടോണി എന്ന ഇറ്റാലിയന്‍ യുവാവുമായി അവള്‍ പ്രണയത്തിലാവുകയും ചെയ്യുന്നു. എന്നാല്‍ അപ്രതീക്ഷിതമായി വന്ന ഒരു വാര്‍ത്ത‍യെ തുടര്‍ന്ന്‍ അവള്‍ക്ക് തിരിച്ചു അയര്‍ലണ്ടിലേക്ക് പോകേണ്ടി വരുന്നു തന്‍റെ പുതിയ നാടും, ടോണിയേം എല്ലാം ഉപേക്ഷിച്ചു അവള്‍ക്ക് പോവേണ്ടി വരുന്നു... എന്താണ് അവളെ തേടിയെത്തിയ ആ വാര്‍ത്ത ? അയര്‍ലണ്ടില്‍ എന്താണ് അവളെ കാത്തിരിക്കുന്നത് ? ഇനി Brooklyn നിലേക്ക് ഒരു മടക്ക യാത്ര അവള്‍ക്കുണ്ടാവുമോ ? ...

ഒരുപ്പാട്‌ സ്വപ്നങ്ങളുമായി തന്‍റെ കുടുംബവും നാടും ഒക്കെ ഉപേക്ഷിച്ചു മറ്റൊരു നാട്ടില്‍ വന്നെത്തുകയും അവിടെ നല്ലൊരു ജീവിതം കണ്ടെത്തി തുടങ്ങുമ്പോള്‍ അപ്രതീക്ഷിതമായി ഉണ്ടാവുന്ന ചില സംഭവങ്ങളെ തുടര്‍ന്ന്‍ ഒരിക്കല്‍ താന്‍ ഉപേക്ഷിച്ചു പോന്ന നാടിനെയോ തനിക്ക് പുതിയൊരു ജീവിതം സമ്മാനിച്ച നാടിനെയോ അതിനുള്ളിലെ ജീവിതത്തെയും തിരഞ്ഞെടുക്കേണ്ടതായി വന്ന Eilis ന്‍റെ കഥ വളരെ മനോഹരമായി സംവിധായകനായ John Crowley അവതരിപ്പിച്ചിരിക്കുന്നു...

Saoirse Ronan യുടെ മികച്ച പ്രകടനമാണ് ചിത്രത്തിന്‍റെ പ്രധാന ഹൈലൈറ്റ്. Eilis നെ വളരെ മനോഹരമായി അവര്‍ അവതരിപ്പിച്ചിരിക്കുന്നു... അവളുടെ സ്വപ്നങ്ങളും, അവള്‍ അനുഭവിക്കുന്ന ഏകാന്തതയും, ദുഖവും  എല്ലാം പ്രേക്ഷകരിലേക്ക് എത്തിക്കാന്‍ Saoirse Ronan ന് സാധിച്ചിരിക്കുന്നു.  ഇപ്പോഴത്തെ ഏറ്റവും മികച്ച നടിമാരില്‍ ഒരാളാണ് താന്‍ എന്ന്‍ ഒരിക്കല്‍ കൂടെ ഈ പ്രകടനത്തിലൂടെ Saoirse തെളിയിച്ചിരിക്കുന്നു.മികച്ച നടിക്കുള്ള തന്‍റെ കരിയറിലെ ആദ്യ അക്കാദമി അവാര്‍ഡ്‌ നോമിനേഷനും അവര്‍ ഈ ചിത്രത്തിലൂടെ നേടിയിരിക്കുന്നു...

മികച്ച ചിത്രം , മികച്ച നടി, മികച്ച തിരകഥ (Best Adapted Screenplay) എന്നി വിഭാഗങ്ങളില്‍ അക്കാദമി അവാര്‍ഡ്‌ നോമിനേഷന്‍ ഉള്‍പ്പടെ ഏറെ നിരൂപക പ്രശംസയും പ്രേക്ഷക ശ്രദ്ധയും ഇതിനോടകം ഈ ചിത്രം നേടി കഴിഞ്ഞു...

ചുരുക്കത്തില്‍ കണ്ട് കഴിയുമ്പോള്‍ പ്രേക്ഷകന്‍റെ മനസ്സില്‍ സന്തോഷം നിറയ്ക്കുന്ന ഒരു മികച്ച ചിത്രമാണ്  Brooklyn.

136.Two Countries

Two Countries (2015) : Pure Entertainer

Language: Malayalam
Genre: Comedy
Director: Shafi
Writers: Rafi (screenplay), Najeem Koya (story)
Stars: Dileep, Mamta Mohandas, Mukesh, Suraj Venjaramodu

കല്യാണരാമന്‍ മേരിക്കുണ്ടൊരു കുഞ്ഞാട് എന്നി ചിത്രങ്ങള്‍ക്ക് ശേഷം ഷാഫിയും ദിലീപും ഒന്നിച്ച ചിത്രമാണ് 2 കണ്ട്രിസ്. റാഫിയുടെ തിരകഥയില്‍ ഒരുങ്ങിയ ഈ ചിത്രത്തെ അടുത്ത കാലത്തെ മികച്ച ദിലീപ് ചിത്രമെന്ന് നിസംശയം പറയാം. എളുപ്പവഴിയില്‍ പണം സമ്പാദിക്കാന്‍ എന്ത് തരികിടയും കാണിക്കാന്‍ മടിയില്ലാത്ത ഉല്ലാസ് എന്ന ചെറുപ്പകാരന്റെ ജീവിതത്തിലേക്ക് കാനഡയില്‍ സ്ഥിരതാമസമാക്കിയ മലയാളി പെണ്‍കുട്ടി ലയ കടന്ന്‍ വരുന്നതോട് കൂടി ഉണ്ടാവുന്ന രസകരമായ മുഹൂര്‍ത്തങ്ങളിലൂടെയാണ് 2 കണ്ട്രിസ് കടന്ന്‍ പോകുന്നത്...

ഷാഫി - ദിലീപ് കൂട്ടുകെട്ടില്‍ നിന്നും പ്രേക്ഷകര്‍ പ്രതീക്ഷിക്കുന്ന പോലെ ഒട്ടനവധി നര്‍മ്മ മുഹൂര്‍ത്തങ്ങള്‍ നിറഞ്ഞ നല്ലൊരു ചിത്രമാണ് 2 കണ്ട്രിസ്. തുടക്കം മുതല്‍ അവസാനം വരെ കുടുംബസമേതം ആസ്വദിച്ചു കാണാവുന്ന ചിത്രം. ഉല്ലാസിന്റെ കേരളത്തിലെ കഥ പറയുന്ന  ആദ്യ പകുതിയില്‍ ദിലീപ് - അജു വര്‍ഗീസ്‌ കൂട്ടുകെട്ടില്‍ പിറന്ന നര്‍മ്മ മുഹൂര്‍ത്തങ്ങളും, കഴിഞ്ഞ കുറെ വര്‍ഷങ്ങളായി പ്രേക്ഷകര്‍ക്ക് നഷ്ട്ടമായ ജഗദീഷിന്റെ മികച്ച പ്രകടനവുമായിരുന്നു ഹൈലൈറ്റ്. ഉല്ലാസ് - ലയ ദമ്പതികളുടെ കാനഡയിലെ ജീവിതത്തിലൂടെ രണ്ടാം പകുതി മുന്‍പോട്ട് പോകുമ്പോള്‍ ഒന്നാം പകുതിയിലെ അജു വര്‍ഗീസ്‌ - ജഗദീഷ് എന്നിവരുടെ സ്ഥാനത്തേക്ക് മുകേഷ് - സുരാജ് എന്നിവര്‍ കടന്ന്‍ വരുന്നു. ആദ്യ പകുതിയിലേക്കാള്‍ ഒട്ടേറെ മികച്ച നര്‍മ്മ മുഹൂര്‍ത്തങ്ങള്‍ ഇവര്‍ രണ്ടു പേരും പ്രേക്ഷകന് സമ്മാനിക്കുന്നു. ഒടുവില്‍ നല്ലൊരു ക്ലൈമാക്സിലൂടെ ചിത്രം അവസാനിക്കുമ്പോള്‍ മൈ ബോസ്സ് എന്ന ചിത്രത്തിന് ശേഷം ദിലീപില്‍ നിന്നും വന്ന ഏറ്റവും മികച്ച ചിത്രമായി 2 കണ്ട്രിസ് മാറുന്നു...

പ്രകടനങ്ങളുടെ കാര്യത്തില്‍ അടുത്ത കാലത്തെ ദിലീപിന്‍റെ ഏറ്റവും  മികച്ച പ്രകടനം തന്നെയാണ് ഈ ചിത്രത്തിലേത് എന്ന്‍ പറയാം, എങ്കിലും തന്‍റെ പ്രതാപകാലത്തെ ദിലീപിന്‍റെ പ്രകടന്നങ്ങളുടെ ഒരു നിഴല്‍ മാത്രമാണ് ഇതിലെ ഉല്ലാസ് എന്ന്‍ പറയാതെ വയ്യ. ചിത്രത്തില്‍ ദിലീപിനെക്കാള്‍ മികച്ച പ്രകടനം ഒരുപക്ഷെ കാഴ്ച വെച്ചത് സുരാജ് വെഞ്ഞാറമൂട് ആയിരിക്കും. പല രംഗങ്ങളിലും തിയറ്ററില്‍ ചിരിയുടെ മാലപടക്കം തീര്‍ക്കാന്‍ അദ്ദേഹത്തിന് കഴിഞ്ഞു.  അതുപോലെ മുകേഷ്, ജഗദീഷ്, അജു വര്‍ഗീസ് എന്നിവരും തങ്ങളുടെ വേഷങ്ങള്‍ നന്നായി ചെയ്തിരിക്കുന്നു...

ഒരു ചെറിയ ഇടെവേളക്ക് ശേഷം സിനിമയിലേക്ക് തിരിച്ചെത്തിയ മമ്ത ലയയെ ഒട്ടും മോശമാക്കിയില്ല എന്ന്‍ പറയാം. ചിത്രത്തിലുടനീളം വളരെ സുന്ദരിയായി അവര്‍ കാണപ്പെട്ടു

ഗോപി സുന്ദറിന്റെ മനോഹരമായ ഗാനങ്ങളും പശ്ചാത്തലം സംഗീതവും ചിത്രത്തിന്‍റെ പ്രധാന ഹൈലൈറ്റുകളില്‍ ഒനാണു. അവയില്‍ ചെന്തെങ്ങിന്‍ ചാരത്ത് എന്ന ഗാനം വളരെ നന്നായിരിക്കുന്നു...

ചുരുക്കത്തില്‍ കുടുംബ സമേതം രണ്ടര മണിക്കൂര്‍ ആസ്വദിച്ചു കാണാവുന്ന ഒരു ചിരി വിരുന്നാണ് 2 കണ്ട്രിസ്...

133.Marley & Me

Marley & Me (2008) : Life and Love with the World's Worst Dog.

Language: English
Genre: Comedy Drama
Director: David Frankel
Writers: Scott Frank (screenplay), Don Roos (screenplay) John Grogan (book)
Stars: Owen Wilson, Jennifer Aniston, Eric Dane

പ്രശസ്ഥ അമേരിക്കന്‍ പത്രലേഖകനും, എഴുത്തു കാരനുമായ  John Grogan തന്‍റെ പ്രിയപ്പെട്ട നായ മാര്‍ലിയോടും കുടുംബത്തോടും ഒത്ത് ചിലവിട്ട 13 വര്‍ഷത്തെകുറിച്ചെഴുതിയ Marley & Me: Life and Love with the World's Worst Dog എന്ന പേരില്‍ 2005ല്‍ പുറത്തിറങ്ങിയ ആത്മകഥയുടെ ചലച്ചിത്രാവിഷ്കാരമാണ്  Scott Frank, Don Roos എന്നിവരുടെ തിരകഥയില്‍ David Frankel അണിയിച്ചൊരുക്കി 2008ല്‍ പുറത്തിറങ്ങിയ Marley & Me.

തങ്ങളുടെ വിവാഹ ശേഷം പത്രപ്രവര്‍ത്തകരായ ജോണും, ജെന്നിഫറും ഫ്ലോറിഡയിലേക്ക് താമസം മാറുന്നു. തന്‍റെ ജീവിതത്തിലെ ഓരോ ഘട്ടവും, ജീവിതത്തില്‍ തനിക്ക് വേണ്ട കാര്യങ്ങളും എല്ലാം മുന്‍കൂട്ടി തൈയ്യറാക്കി അതുനുസരിച്ച് ജീവിതത്തെ മുന്പോട്ട് കൊണ്ട് പോകുന്ന ജെനിയുടെ സ്വഭാവം അവസാനിപ്പിക്കാന്‍ ജോണ്‍ അവള്‍ക്ക് തീര്‍ത്തും ഒരു നായകുട്ടിയെ സമ്മാനമായി നല്‍കുന്നു. അവര്‍ അവന് മാര്‍ലി എന്ന്‍ പേരിടുന്നു. അങ്ങേയറ്റം കുസൃതി നിറഞ്ഞവനും, ഒട്ടും അനുസരണയുമില്ലാത്ത ഒരു നായയായി മാര്‍ലി വളരുന്നു. മാര്‍ലിയുടെ കൊമാളിതരങ്ങളും, വിചിത്രമായ സ്വഭാവരീതിയുമെല്ലാം ജോണിന് തന്‍റെ പത്രപംക്തിയില്‍ സ്ഥിരമായി എഴുതാനുള്ള സംഭവങ്ങളായി തീരുന്നു.  കുട്ടികളുമറ്റുമായി മുന്‍പത്തേക്കാള്‍ പക്വതയാര്‍ന്ന ജോണും ജെന്നിഫറും ജീവിതത്തില്‍ മുന്‍പോട്ടു പോകുമ്പോള്‍ ലോകത്തെ ഏറ്റവും തോന്നിവാസിയായ നായയായി മാര്‍ലി അവരുടെയെല്ലാം ക്ഷമ പരീക്ഷിച്ചു കൊണ്ടേയിരുന്നു...

ഒരു കോമഡി ഡ്രാമ എന്നതിനെക്കാള്‍ കമിംഗ് ഓഫ് ഏജ് ജോണാറില്‍ ഉള്‍പ്പെടുത്താവുന്ന മികച്ചൊരു  ചിത്രമാണ്  Marley & Me. ഇവിടെ വിവാഹത്തിലൂടെ ജീവിതത്തിന്‍റെ പുതിയ ഘട്ടത്തിലേക്കുള്ള യാത്ര ആരംഭിച്ച ജോണിന്‍റെയും, ജെന്നിഫറുടെയും കൊച്ചു കുടുംബത്തിലേക്ക് ആദ്യമായി കടന്ന്‍ വന്ന അംഗമാണ് മാര്‍ലി അവിടുന്നങ്ങോട്ട് അവരുടെ ജീവിതത്തിലെ ഓരോ സുപ്രധാന ഘട്ടങ്ങളിലും അവന്‍ അവരോടുത്ത് ഉണ്ട്. ഒരല്‍പം പോലും അനുസരണയില്ലാത്ത ഈ നായയോടൊത്ത് ജോണും ജെനിയും വളരുകയാണ്... കല്യാണം കഴിഞ്ഞ ഏതൊരു ദമ്പതിമാരും കടന്ന്‍ പോകുന്ന ഉയര്‍ച്ച താഴ്ചകളിലൂടെ ഇവരും കടന്ന്‍ പോകുന്നുണ്ട് ഓരോ ഘട്ടത്തിലും പഠിക്കേണ്ട പാഠങ്ങളും മനസിലാക്കി അവര്‍ മുന്പോട്ട് പോകുമ്പോഴൊക്കെ അവരുടെ ക്ഷമയെ പരീക്ഷിക്കാനായി മാര്‍ലി അവന്‍റെ കുസൃതികളുമായി അവരോടൊപ്പമുണ്ടായിരുന്നു...

സാധാരണ ഇത്തരം ചിത്രങ്ങള്‍ ഒന്നുകില്‍ നായയെ കുറിച്ച് മാത്രമോ അല്ലെങ്കില്‍ നായയും അവന്‍റെ യജമാനനും തമ്മിലുള്ള ബന്ധത്തെക്കുറിച്ച് മാത്രമോ പ്രതിപാദിച്ചു കടന്ന്‍ പോകുമ്പോള്‍, വിവാഹ ശേഷമുള്ള ഗ്രോഗന്‍ ദമ്പതികളുടെ ജീവിതത്തിലെ സുപ്രധാനമായ ഇരുപത് വര്‍ഷങ്ങളിലൂടെ കടന്ന്‍ പോവുകയും അവരുടെ ജീവിതത്തില്‍ മാര്‍ലി എന്ന നായക്ക് ഉണ്ടായ സ്ഥാനത്തെ കുറിച്ചും വളരെ ഭംഗിയായി അവതരിപ്പിച്ച് കൊണ്ട് ഈ ജോണറില്‍ വരുന്ന മറ്റ് ചിത്രങ്ങളില്‍ നിന്നും ഏറെ വെത്യസ്ഥമാവുന്നു Marley & Me. 

Owen Wilson, Jennifer Aniston  എന്നിവരാണ് ജോണും, ജെന്നിഫറുംമായി പ്രേക്ഷകര്‍ക്ക് മുന്‍പിലേക്ക്‌ എത്തിയിരിക്കുന്നത് ഇരുവരും തങ്ങളുടെ കഥാപാത്രങ്ങളെ വളരെ മനോഹരമായി അവതരിപ്പിച്ചിരിക്കുന്നു. തന്‍റെ സ്വപ്നങ്ങളെ മാറ്റിവെച്ചു നല്ലൊരു ഭര്‍ത്താവും, അച്ചനുമെല്ലാം ആയി ജീവിക്കാന്‍ തീരുമാനിച്ച ജോണ്‍ Owen Wilsonന്‍റെ കൈകളില്‍ ഭദ്രമായിരുന്നു. തന്‍റെ കരിയറിലെ തന്നെ ഏറ്റവും മികച്ച പ്രകടനങ്ങളില്‍ ഒന്നാണ് ജോണിന്‍റെ പ്രിയ ഭാര്യ ജെനിയായി Jennifer Aniston  കാഴ്ചവെച്ചിരിക്കുന്നത്.

ചുരുക്കത്തില്‍ ഇത്തരം ചിത്രങ്ങളുടെ ആരാധകര്‍ക്കും, മൃഗ സ്നേഹികള്‍ക്കും ഒക്കെ വളരെ നന്നായി ആസ്വദിക്കാവുന്ന ചിത്രമാണ്  Marley & Me.

"A dog has no use for fancy cars or big homes or designer clothes. Status symbol means nothing to him. A waterlogged stick will do just fine. A dog judges others not by their color or creed or class but by who they are inside. A dog doesn't care if you are rich or poor, educated or illiterate, clever or dull. Give him your heart and he will give you his. It was really quite simple, and yet we humans, so much wiser and more sophisticated, have always had trouble figuring out what really counts and what does not." 

131.Stardust

Stardust (2007) : Great Fantasy Entertainment

Language: English

Genre: Romantic Fantasy Adventure

Director: Matthew Vaughn

Writers: Jane Goldman (screenplay), Matthew Vaughn (screenplay), Neil Gaiman (novel)

Stars: Charlie Cox, Claire Danes, Sienna Miller

മുത്തശ്ശികഥകളില്‍ മാത്രം പറഞ്ഞ് കേടിട്ടുള്ള ദുര്‍മന്ത്രവാദികളും, യുണികോണ്‍ എന്നറിയപെടുന്ന ഒറ്റ കൊമ്പുള്ള കുതിരയും, പറക്കുന്ന കപ്പലുകളുമോക്കെയുള്ള ഭാവനയുടെ ഒരു മായ ലോകം പ്രേക്ഷകന് സമ്മാനിക്കുന്ന ഫാന്റസി ജോണറിലുള്ള ചിത്രങ്ങള്‍ എന്നും എനിക്ക് പ്രിയപ്പെട്ടതാണ്.  ഭാവനയുടെയും ദ്രിശ്യവിസ്മയത്തിന്റെയും പുതിയൊരു ലോകം തുറന്ന്‍ തരുന്ന അത്തരത്തിലുള്ളൊരു മികച്ച ചിത്രമാണ്  Neil Gaiman ന്‍റെ ഇതേപേരിലുള്ള നോവലിനെ ആസ്പദമാക്കി 2007ല്‍  Matthew Vaughn അണിയിച്ചൊരുക്കിയ Stardust...

സ്റ്റോംഹോള്‍ഡ്‌ എന്ന മായാ പ്രദേശത്തെക്ക് ചെന്നെതാനുള്ള ഏക വഴിയാണ് ഇംഗ്ലണ്ടിലെ ഗ്രാമത്തിന്‍റെ അതിര്‍മതിലിലുള്ള വിടവ്... 1800 ഉകളില്‍ തന്‍റെ പ്രണയിനിക്ക് കൊടുത്ത വാക്ക് പാലിക്കുന്നതിനായി ട്രിസ്റ്റന്‍ ആകാശത്തില്‍ നിന്നും വീണ നക്ഷത്രത്തെ തേടി ആ വിടവിലൂടെ സ്റ്റോംഹോള്‍ഡിലേക്ക് പോകുന്നു... Yvaine എന്ന കന്യകയും അതിസുന്ദരിയുമായ പെണ്‍കുട്ടിയായിരുന്നു ആകാശത്തില്‍ നിന്നും വീണ ആ നക്ഷത്രം... ട്രിസ്റ്റന്‍ മാത്രമായിരുന്നില്ല ആ നക്ഷത്രത്തെ തേടി നടന്നിരുന്നത്,  തങ്ങളുടെ യൗവനം വീണ്ടെടുക്കുന്നതിനായി ദുര്‍മന്ത്രവാധിനികളായ ലാമിയയും രണ്ടു സഹോദരികളും,  തങ്ങള്‍ക്ക് രാജ്യാധികാരം ലഭ്യമാക്കുന്ന Yvaine ന്‍റെ കൈവശമുള്ള മാണിക്യകല്ല് തേടി മരണപ്പെട്ട സ്റ്റോംഹോള്‍ഡ്‌ രാജാവിന്‍റെ ആണ്മക്കളും അവളുടെ പിറകെ ഉണ്ടായിരുന്നു... ഇവരെയെല്ലാം മറികടന്ന്‍ തന്‍റെ പ്രണയിനിക്ക് കൊടുത്ത വാക്ക് പാലിക്കുവാന്‍ ട്രിസ്റ്റന് സാധിക്കുമോ ?? ചിത്രം കണ്ട് തന്നെ അറിയുക...

നേരത്തെ പറഞ്ഞത് പോലെ തന്നെ ഭാവനയുടെയും ദ്രിശ്യവിസ്മയത്തിന്റെയും പുതിയൊരു ലോകം തുറന്ന്‍ തരുന്ന മികച്ചൊരു ഫാന്റസി ചിത്രമാണ് Stardust. Neil Gaiman ന്‍റെ അതിമനോഹരമായ കഥയെ   തിരകഥയാക്കി മാറ്റിയത് Jane Goldman ആയിരുന്നു, ഒരു ഫാന്റസി ചിത്രത്തെ സംബന്ധിചിടത്തോളം ആ ജോലി വളരെ ഭംഗിയായി തന്നെ അദ്ദേഹം നിര്‍വഹിച്ചിരിക്കുന്നു. മികച്ച ആക്ഷന്‍ രംഗങ്ങളും, അതുപോലെ തന്നെ മികവുറ്റ നര്‍മ്മ മുഹൂര്‍ത്തങ്ങളും കൊണ്ട്  സമ്പന്നമാണ് Stardust... 

ഇത്തരൊരു ചിത്രത്തില്‍ വലിയ അഭിനയമുഹൂര്‍ത്തങ്ങള്‍ക്ക് സ്ഥാനമില്ലെങ്കിലും, ദുര്‍മന്ത്രവാദിനി ലാമിയ ആയുള്ള Michelle Pfeiffer ന്‍റെയും, ക്യാപ്റ്റന്‍ ഷേയ്ക്ക്സ്പിയര്‍ ആയുള്ള Robert De Niro യുടെയും പ്രകടനം ഏറെ പ്രശംസ അര്‍ഹിക്കുന്നു. Charlie Cox , Claire Danes എന്നിവരും തങ്ങളുടെ വേഷങ്ങള്‍ ഭംഗിയായി തന്നെ ചെയ്തിരിക്കുന്നു... 

ചുരുക്കത്തില്‍ ഫാന്റസി ജോണറിലുള്ള ചിത്രങ്ങള്‍ ഇഷ്ടപ്പെടുന്നവര്‍ തീര്‍ച്ചയായും കണ്ടിരിക്കേണ്ട ചിത്രമാണ് Stardust.

127.Love, Rosie

Love, Rosie (2014) : Life is Unpredictable.

Language: English

Genre: Romantic Comedy Drama

Director: Christian Ditter

Writers: Juliette Towhidi (screenplay), Cecelia Ahern (novel)

Stars: Lily Collins, Sam Claflin, Christian Cooke

Love, Rosie is a 2014 English-German romantic comedy-drama film based on the 2004 novel Where Rainbows End by Irish author Cecelia Ahern. The film is directed by Christian Ditter and written by Juliette Towhidi, and stars Lily Collins, Sam Claflin in the lead roles.

Rosie and Alex have been best friends since they were 5. They nearly got romantic on Rosie's 18th birthday, but Rosie was way too drunk. Since then, both have had relationships, just not with each other - timing has always worked against them. But somehow, Through all of life's changes and upheavals, they still pop up on each other's radar, connected via e-mails, text messages and a bond that one suspects can never really be broken.Will they find their way back to one another, or will it be too late?

Love, Rosie have the same typical flaws that many romantic drama comedies have: several unavoidable cliches and contrivances, a predictable ending. However, as in all romantic comedies, it's the whole journey that truly matters. The film takes the audience through the ups and downs of their relationships and how it affects their friendship over the years. The two characters keep missing out on each other, surrendering to settle in with what's at the table at that time instead of being patient and wait a little while longer. Things didn't happen the way you expected them to be on some occasions, which is rather surprising and refreshing at the same time. The story can be related to people with similar regrets of letting go the right person for some other person available. The film is filled with occasionally nice witty jokes and heartwarming moments, combine with charming, likable performances from the lead characters. The two leads have great chemistry on screen and it gives the believable feeling that they've known each other for years.

Overall Love, Rosie tells the story of friendship, love, doubts and making the right choices between 2 lovely people, So if you're a fan of such kind of stories especially rom-coms then you wont be disappointed.

117.The Teacher's Diary

The Teacher's Diary "Khid thueng withaya" (original title)  (2014) : Its Funny & Touching.

Language: Thai
Genre: Drama
Director: Nithiwat Tharathorn
Writers: Nithiwat Tharathorn
Stars: Laila Boonyasak, Sukrit Wisetkaew, Sukollawat Kanaros

2012ല്‍ ചങ്ങാടത്തില്‍ കെട്ടി ഉണ്ടാക്കിയ സ്കൂളില്‍ പുതിയ അദ്ധ്യാപകനായി എത്തിയതാണ് കായികാഭ്യാസിയായ  Song. ,നാലു കുട്ടികള്‍ മാത്രമാണ് വിദ്യാര്‍ഥികളായി അവിടെ ഉണ്ടായിരുന്നത്. പുറം ലോകവുമായി യാതൊരുവിധ ബന്ധവുമില്ലാതെയുള്ള ഏകാന്തത നിറഞ്ഞ അവിടുത്തെ ജീവിതത്തില്‍ അവനുള്ള ഏക ആശ്വാസം മുന്‍പ് അവിടെ അദ്ധ്യാപിക ആയിരുന്ന ആനിന്‍റെ ഡയറികുറിപ്പുകള്‍ ആയിരുന്നു.സ്കൂളില്‍ ആന്‍ ചിലവിട്ട ദിവസങ്ങളെകുറിച്ചും, അവളുടെ മനസിലെ ചിന്തകളെ കുറിച്ചുമെല്ലാം ആ ഡയറിയില്‍ അവള്‍ എഴുതിയിരുന്നു. അവയെല്ലാം വായിച്ചു  ആ ഡയറിയോടും ഒരിക്കല്‍ പോലും നേരില്‍ കണ്ടിട്ടില്ലാത്ത ആനിനോടും പ്രത്യേകം അടുപ്പം തോന്നിയ സോനഗ് അവന്‍റെ സ്കൂളിലെ ദിവസങ്ങളെ കുറിച്ചും അവന്‍റെ ചിന്തകളെ കുറിച്ചുമെല്ലാം ആ ഡയറിയില്‍ എഴുതി.ആനിനെ നേരില്‍ കാണണം എന്ന്‍ അതിയായ മോഹം അവനുണ്ടായിരുന്നു എങ്കിലും അതിനായി എന്ത് ചെയ്യണമെന്നു അവനറിയില്ലാരുന്നു.

2013ല്‍ സ്കൂളിലേക്ക് മടങ്ങി എത്തുന്ന ആന്‍ സോങ്ങിന്റെ ഓര്‍മ്മകള്‍ പകര്‍ത്തിവെച്ചിരിക്കുന്ന അവളുടെ പഴയ ഡയറി കാണുന്നു. സ്കൂളിലേക്ക് മടങ്ങി എത്തിയതില്‍ അവള്‍ വളരെയധികം സന്തോഷിക്കുന്നു. താന്‍ വിടിട്ടു പോയ സ്കൂളില്‍ ഇന്ന്‍ മറ്റാരുടെയോ ഓര്‍മ്മകള്‍ തങ്ങി നില്‍ക്കുന്നു. സോങ്ങിനോട്‌ അവള്‍ക്കും വല്ലാത്തൊരു അടുപ്പം അനുഭവപെടുന്നു എന്നാല്‍ അയാള്‍ ഇപ്പോള്‍ എവിടെയാണെന്നോ എന്തിനാണ് സ്കൂള്‍ ഉപേക്ഷിച്ചു പോയതെന്നോ അവള്‍ക്കറിയില്ലാരുന്നു.

പരസ്പരം നേരില്‍ കാണാതെ മനസ്സ് കൊണ്ട് വല്ലാതെ അടുത്ത ഇവര്‍ എപ്പോഴെങ്കിലും നേരില്‍ കണ്ടുമുട്ടുമോ ?

റൊമാന്റ്റിക് കോമഡി ചിത്രങ്ങളുടെ ശ്രേണിയില്‍ പെടുത്താവുന്ന The Teacher's Diary അവതരണ മികവു കൊണ്ടും പ്രേക്ഷകനോട് പങ്ക് വെക്കുന്ന നല്ലൊരു സന്ദേശം കൊണ്ടും ഈ ശ്രേണിയിലെ മറ്റ് ചിത്രങ്ങളില്‍ നിന്നും വളരെ വെത്യസ്ഥമാവുന്നു. ഇന്നത്തെ വിദ്യഭ്യാസ രീതിയിലെ പോരായ്മകളെ ചൂണ്ടി കാണിക്കുന്നതിനോടൊപ്പം വിദ്യാഭ്യാസത്തിന്റെ വിലയെ കുറിച്ചും, അറിവ് പകര്‍ന്നു നല്‍കുന്ന അദ്ധ്യാപകന് വിദ്യാര്‍ഥികളോടുള്ള ഉത്തരവാദിത്തത്തെ കുറിച്ചുമെല്ലാം ചിത്രം ചര്‍ച്ച ചെയുന്നു. ഇതെല്ലാം കൊണ്ട് തന്നെ ഒരു റൊമാന്റ്റിക് കോമഡി എന്നതിലുപരി നല്ലൊരു ഫീല്‍ ഗുഡ് മൂവി ആയി നമുക്ക് The Teacher's Diary യെ കാണാം. ഒരു മികച്ച ചിത്രം   അണിയിച്ചൊരുക്കുന്നതില്‍ സംവിധായകനായ Nithiwat Tharathorn പൂര്‍ണമായും വിജയം കണ്ടിരിക്കുന്നു.

തന്റെടിയും ഏത് പരിതസ്തിഥിയോടും പെട്ടന്ന്‍ ഇണങ്ങി ചേരാന്‍ കഴിവുള്ളവളും അതിലുപരി അദ്ധ്യാപനം എന്നത് ഒരു ജോലിയെ കാളുപരി തന്‍റെ കടമയായി കാണുന്ന ആന്‍ ആയി Laila Boonyasak വളരെ മികച്ച പ്രകടനമാണ് കാഴ്ച്ച വെച്ചിരിക്കുന്നത് . പഠിപ്പിക്കാനുള്ള കഴിവുകള്‍ കുറവാണെങ്കില്‍ കൂടിയും കുട്ടികള്‍ക്ക് അറിവ് പകര്‍ന്ന്‍ നല്‍കാന്‍ ആഗ്രഹിക്കുന്ന നല്ലൊരു അദ്ധ്യാപകനായ സോനഗ് ആയി Sukrit Wisetkaew യും നല്ല പ്രകടനം തന്നെ നടത്തിയിട്ടുണ്ട്.

എടുത്ത് പറയേണ്ട മറ്റൊന്ന്‍ ചിത്രത്തിന്‍റെ ഛായാഗ്രഹണമാണ് അതിമനോഹരമായ ഫ്രെയിമുകള്‍ കൊണ്ട് സംഭന്നമാണ്  The Teacher's Diary. Naruepol Chokanapitak ആണ് ചിത്രത്തിന്‍റെ ഛായാഗ്രാഹകന്‍. അതുപോലെ എഡിറ്റിംഗ് നിര്‍വഹിച്ചിരിക്കുന്ന Pongsakorn Charnchalermchal, Thammarat Sumetsupachok എന്നിവരും പ്രശംസ അര്‍ഹിക്കുന്നു. 

മികച്ച ഡ്രാമ ചിത്രങ്ങള്‍ ഇഷ്ടപെടുന്ന ഏതൊരു സിനിമ പ്രേമിക്കും ധൈര്യമായി കാണാവുന്ന ചിത്രമാണ് The Teacher's Diary.

106.I Give My First Love to You

I Give My First Love to You "Boku no hatsukoi wo kimi ni sasagu" (original title)  (2009) : My love life has a time limit. It's much shorter than others. So i have no time to waste. I have to shine brightly like fireworks in the summer sky.

Language: Japanese
Genre: Romantic Drama
Director: Takehiko Shinjo
Writers: Kotomi Aoki, Kenji Bando
Stars: Mao Inoue, Masaki Okada, Natsuki Harada

ജീവിതത്തില്‍ ഒരിക്കലെങ്കിലും പ്രണയിക്കാത്തവര്‍ ഉണ്ടാവില്ല, ചിലരുടെ പ്രണയം പൂവിട്ടു തളിര്‍ത്ത്‌ എന്നും
അവരോടൊപ്പം ഉണ്ടാകുമ്പോള്‍ ചിലരുടേത് പാതിവഴിയില്‍ കൊഴിഞ്ഞുപോവും എന്നാല്‍ നഷ്ടപ്പെട്ട് പോകും എന്ന്‍ അറിഞ്ഞിട്ടും പ്രണയിച്ചവര്‍ ഉണ്ടാകുമോയെന്ന് സംശയമാണ്... ഇത് അങ്ങനെയുള്ളവരുടെ കഥയാണ് ഒരിക്കല്‍ നഷ്ടപെടും എന്ന്‍ അറിഞ്ഞിട്ടും പരസ്പരം സ്നേഹിച്ചവരുടെ കഥ...

ഇതേ പേരിലുള്ള ജാപ്പനീസ്‌ മാന്ഗാ സീരീസിനെ അസ്പതമാക്കി  Kotomi Aoki സംവിധാനം ചെയ്ത് 2009ല്‍ പുറത്തിറങ്ങിയ ചിത്രമാണ് I Give My First Love to You. ബാല്യത്തിലെ ഹൃദ്‌രോഗിയായ Takumaയുടെയും അവനെ പ്രണയിച്ച Mayuവിന്റെയും കഥയാണ് ചിത്രം പറയുന്നത്...

Takumaയും Mayuവിന്റെയും ബാല്യകാലത്തില്‍ നിന്നുമാണ് ചിത്രം തുടങ്ങുന്നത്... എട്ട് വയസ്സ് മുതല്‍ഇരുവരും അടുത്ത സുഹ്രത്തുക്കളാണ്... ഹൃദ്‌രോഗമുള്ള Takumaയെ ചികിത്സിക്കുന്നത് കാര്‍ഡിയോളജിസ്റ്റായ Mayuവിന്‍റെ അച്ഛന്‍ തന്നെയാണ്... ഒരു ദിവസം Mayuവിന്റെ അച്ഛന്‍ Takumaയുടെ മാതാപിതാക്കളോട് അവന്‍ ഇരുപതുവയസ്സിനപ്പുറം ജീവിക്കില്ല എന്ന്‍പറയുന്നത് ഇരുവരും കേള്‍ക്കനിടയാവുന്നു... എങ്കിലും ഇരുവരുടെയും സൌഹ്രുദം വളരുകയും ഏറെ വൈകാതെ തന്നെ ഇരുവര്‍ക്കുമിടയിലും പ്രണയം പൊട്ടി മുളയ്ക്കുന്നു... തങ്ങള്‍ക്ക് ഇരുപത് വയസ്സ് പൂര്‍ത്തിയാവുമ്പോള്‍ അവളെ വിവാഹം ചെയ്യാമെന്ന് Takuma Mayuവിനു വാക്ക് നല്‍കുന്നു...

കാലം ഏറെ കടന്ന്‍ ഇരുവരും ജൂനിയര്‍ ഹൈസ്കൂളില്‍ എത്തിനില്കുമ്പോഴും ഇരുവരുടെയും മനസ്സില്‍ ആ പ്രണയം ഇപ്പോഴും മാറ്റമൊന്നും സംഭവിക്കാതെ നിലനില്‍ക്കുന്നു... എന്നാല്‍ തനിക്കിനി അധികകാലം ബാക്കി ഇല്ലെന്നും മായുവിനു കൊടുത്ത വാക്ക് പാലിക്കാന്‍ തനിക്കാവില്ല എന്നും മനസിലാക്കുന്ന Takuma അവളില്‍ നിന്നും അകലാന്‍ ശ്രമിക്കുന്നു...

ഒരുപ്പാട്‌ ചിരിപ്പിച്ചു പിന്നീടു ഒരു വിങ്ങല്‍ സമ്മാനിച്ചു അവസാനിക്കുന്ന പ്രണയചിത്രങ്ങള്‍ കൊറിയന്‍ ചിത്രങ്ങളില്‍ എന്നപോലെ ജാപ്പനീസ് ചിത്രങ്ങളിലും ധാരാളമായി കാണാവുന്നതാണ് എന്നാല്‍ അവയില്‍ നിന്നും ഏറെ വെത്യസ്തമാണ് I Give My First Love to You. ചിത്രത്തിന്‍റെ തുടക്കം മുതല്‍ അവസാനം വരെ നിറകണ്ണുകളോടെ മാത്രമേ ഈ ചിത്രം കണ്ടവസാനിപ്പിക്കാന്‍ പ്രേക്ഷകന് സാധിക്കുകയുള്ളൂ... പൊതുവേ ജാപ്പനീസ്‌, കൊറിയന്‍ ചിത്രങ്ങളില്‍ കാണുന്ന ക്ലിഷേ രംഗങ്ങള്‍ പലതും ഇതിലുമുണ്ട് എന്നാല്‍  മികവുറ്റ തിരകഥയും അവതരണമികവും കൊണ്ട് ചിത്രം അതെല്ലാം മറികടക്കുന്നു...

ഹൃദ്‌രോഗ ബാധിതനായ Takuma Kakunouchi യായി Masaki Okadaയും അവനെ  ഒരുപ്പാട്‌ സ്നേഹിച്ച Mayu Tanedaയായി Mao Inoue മികച്ച പ്രകടനം തന്നെ കാഴ്ചവെച്ചിരിക്കുന്നു... മറ്റ് കഥാപാത്രങ്ങളെ അവതരിപ്പിച്ചവരെല്ലാം തന്നെ അവരുടെ വേഷങ്ങള്‍ നന്നായി ചെയ്തിരിക്കുന്നു...

ചുരുക്കത്തില്‍ നമ്മുടെ കണ്ണുകളെയും മനസ്സിനെയും ഈറനണിയിക്കുന്ന മികച്ചൊരു പ്രണയചിത്രമാണ് I Give My First Love to You...

102.100 Days Of Love

100 Days Of Love (2015) : A Sweet Romantic Movie.

Language: Malayalam
Genre: Romance
Director: Jenuse Mohammed
Writer: Jenuse Mohemmed
Stars: Nithya Menon, Sekhar Menon, Dulquer Salmaan

പ്രണയ ചിത്രങ്ങള്‍ എനിക്കെന്നും പ്രിയപ്പെട്ടതാണ് അത് കൊണ്ട് തന്നെയാണ് നാവാഗതനായ ജെനൂസ് അണിയിച്ചൊരുക്കി,  ഉസ്താദ്‌ ഹോട്ടലിനു ശേഷം ദുല്‍ഖര്‍ സല്‍മാനും നിത്യാ മേനോനും താരജോഡികളായി എത്തിയ 100 ഡേയ്സ് ഓഫ് ലവ്  ആദ്യ ദിനം തന്നെ കാണാന്‍ തീരുമാനിച്ചത്... 

തന്‍റെ ഉറ്റ സുഹ്രത്തായ ഉമ്മറിനൊപ്പം ബാംഗ്ലൂര്‍ നഗരത്തില്‍ തീര്‍ത്തും അലസമായൊരു ജീവിതം നയിക്കുന്ന  B K N  എന്ന് അറിയപ്പെടുന്ന ബാലന്‍ എന്ന യുവാവിന്‍റെ ജീവിതത്തിലേക്ക് തികച്ചും അപ്രതീക്ഷിതമായാണ് അവള്‍ കടന്നു വന്നത്... ലക്ഷ്യ ബോധമില്ലാതെ അലസമായി നിന്നിരുന്ന അവന്‍റെ ജീവിതത്തിനു പുതിയൊരു മുഖം തന്നെ അവള്‍ സമ്മാനിച്ചു...

തന്‍റെ പ്രണയിനിയെ തേടിയുള്ള ബാലന്റെയും സുഹ്രത്ത്‌ ഉമ്മറിന്റെയും  യാത്രയുടെ  വളരെ രസകരമായ നിമിഷങ്ങളിലൂടെ ആദ്യ പകുതി വളരെ പെട്ടന്ന്‍ തന്നെ കടന്നുപോകുന്നു...

പിന്നീടു എത്തിയ രണ്ടാം പകുതി ബാലന്റെയും അവന്‍റെ പ്രണയിനിയുടെയും ഇണക്കങ്ങളെയും പിണക്കങ്ങളെയും, അവരുടെ സൗഹ്രദത്തിന്റെയും കഥ   പുതുമയാര്‍ന്ന അവതരണത്തിലൂടെ പറഞ്ഞുകൊണ്ട് ചിത്രം മുന്നേറുന്നു...

പ്രണയം അന്നും ഇന്നും എന്നും പൈങ്കിളിയാണ് അത് എത്ര മനോഹരമായി സ്ക്രീനില്‍ അവതരിപ്പിക്കുന്നു എന്നതിലാണ് പ്രണയ ചിത്രങ്ങളുടെ വിജയം ഒളിഞ്ഞിരിക്കുന്നത്... ഈ കാര്യത്തില്‍ നൂറു ശതമാനം വിജയിക്കാന്‍  സംവിധയാകനായ ജെനൂസിനു സാധിച്ചിട്ടുണ്ട്... പ്രണയത്തിനൊപ്പം വളരെ നല്ലൊരു സൗഹൃദത്തിന്റെയും കഥ പറയാന്‍ ചിത്രത്തിന്‍റെ തിരകഥാകൃത്തു കൂടിയായ ജെനൂസിനു സാധിച്ചിട്ടുണ്ട് അതുപോലെ യുവ തലമുറയുടെ സോഷ്യല്‍ മീഡിയ അടിമത്തത്തെക്കുറിച്ചും ചിത്രം പ്രതിപാതിക്കുന്നുണ്ട്... കഥാപാത്രങ്ങളുടെ രസകരമായ നാമത്തില്‍ തുടങ്ങി ചിത്രത്തിന്‍റെ എല്ലാ മേഘലകളിലും പുതുമ കൊണ്ടുവരാന്‍ ജേനൂസിനു സാധിച്ചിരിക്കുന്നു...

M.R.വിബിന്‍ , സുഹൈല്‍ ഇബ്രാഹിം എന്നിവരുടെ സംഭാഷണവും, പ്രതീഷ് വര്‍മയുടെ മനോഹരമായ ഫ്രെയ്മുകളും, ബിജിപാലിന്‍റെ  പശ്ചാത്തല സംഗീതവും ചിത്രത്തിന്‍റെ വിജയത്തില്‍ വലിയൊരു പങ്ക് തന്നെ വഹിച്ചിട്ടുണ്ട്...

ഗോവിന്ദ്‌ മേനോന്‍ ഒരുക്കിയ ഗാന്നങ്ങളില്‍ ഹൃദയത്തിന്‍ നിറമായി, പ്രണയത്തിന്‍ ധളമായി എന്ന ഗാനം വളരെ മനോഹരമായിരുന്നു ഈ ഗാനം വളരെയധികം ഭംഗിയായി തന്നെ ദ്രിശ്യവല്‍ക്കരികയും ചെയ്തിട്ടുണ്ട്... മറ്റ് ഗാനങ്ങള്‍ എല്ലാം തന്നെ ശരാശരിയില്‍ ഒതുങ്ങി...

ദുല്‍ഖറും നിത്യയും തങ്ങളുടെ കഥാപാത്രങ്ങളെ വളരെ മനോഹരമാക്കിയിട്ടുണ്ട് ഇവര്‍ ഒന്നിക്കുന്ന മണിരത്നം ചിത്രമായ്‌ ഓക്കേ കണ്മണി എന്ന ചിത്രത്തിലുള്ള പ്രതീക്ഷകള്‍ ഉയര്‍ത്തുന്നതാണ് ഈ ചിത്രത്തിലെ ഇരുവരുടെയും പ്രകടനം...

എന്നാല്‍ ചിത്രത്തില്‍ എന്നെ ഏറെ ആകര്‍ഷിച്ചത് ഉമ്മറിനെ അവതരിപ്പിച്ച ശേഖര്‍ മേനോന്‍റെ പ്രകടനമായിരുന്നു ആ കഥാപാത്രത്തിന് ഏറ്റവും അനുയോജ്യമായ പ്രകടനം തന്നെ കാഴ്ച വെക്കാന്‍ അദ്ദേഹത്തിന് സാധിച്ചിട്ടുണ്ട്...

രാഹുല്‍ മാധവ്,ജേക്കബ്‌ ഗ്രിഗറി, പ്രവീണ, അഭിരാമി എന്നിവരും തങ്ങളുടെ ഭാഗങ്ങള്‍ മികച്ചതാക്കി വിനീതിന്‍റെ അച്ഛന്‍ വേഷം പുതുമ നല്‍കി എങ്കിലും അദ്ദേഹത്തെ ഇപ്പോഴും അത്തരം റോളുകളില്‍ സങ്കല്‍പ്പിക്കാന്‍ തോന്നുന്നില്ല...

ചുരുക്കത്തില്‍ കുടുംബ പ്രേക്ഷകര്‍ക്കും യുവാക്കള്‍ക്കും ഒരുപോലെ ആസ്വദിക്കാവുന്ന ഒരു നല്ല പ്രണയ ചിത്രം തന്നെയാണ് 100 ഡേയ്സ് ഓഫ് ലവ്...

93.Time

 Time - "Shi gan" (original title) (2006) : മികച്ചൊരു ആശയം എന്നാല്‍ പൂര്‍ണമായും അത് പ്രേക്ഷകരിലേക്ക് എത്തിക്കുന്നതില്‍ പരാജയപ്പെടുന്നു...

Language: Korean
Genre: Drama - Mystery - Romance
Director: Ki-duk Kim
Writer: Ki-duk Kim
Stars: Jung-woo Ha, Ji-Yeon Park, Jun-yeong Jang

Spring, Summer, Fall, Winter... and Spring, Samaritan Girl , എന്നി രണ്ടു ചിത്രങ്ങള്‍ മാത്രമാണ്  Ki-duk Kim എന്ന സംവിധായകന്‍റെ മുന്‍പ് കണ്ട ചിത്രങ്ങളില്‍ എനിക്ക് ഇഷ്ടപെട്ടിരുന്നത് അതില്‍ Spring, Summer, Fall, Winter... and Spring എന്ന ചിത്രം ഞാന്‍ വളരെയധികം ഇഷ്ടപെടുന്ന കൊറിയന്‍ ചിത്രങ്ങളില്‍ ഒന്നാണ് ഒരുപക്ഷെ ഈ സംവിധായകന്‍റെ ഏറ്റവും മികച്ച മൂന്ന് ചിത്രങ്ങള്‍ എടുത്താല്‍ അതില്‍ തീര്‍ച്ചയായും ഒരു സ്ഥാനം ഈ ചിത്രത്തിനുണ്ടാകും... കഴിഞ്ഞ ദിവസങ്ങളില്‍ അദ്ദേഹത്തിന്റെ തന്നെ ടൈം എന്ന ചിത്രം കാണാനിടയാവുകയുണ്ടായി...

ചിത്രത്തിന്‍റെ കഥ ഇങ്ങനെയാണ്....

കഴിഞ്ഞ രണ്ടു വര്‍ഷങ്ങളായി Seh-hee യും Ji-woo യും പ്രണയത്തിലാണ്...എന്നാല്‍ തന്നെ ഉപേക്ഷിച്ചു Ji-woo പോകുമോ എന്ന ചിന്ത അവളെ വല്ലാതെ അലട്ടുന്നു മറ്റൊരു പെണ്‍കുട്ടിയുമായി അയാള്‍ സംസാരിക്കുന്നത് കണ്ടാല്‍ തന്നെ അവളുടെ മനസ്സ് വല്ലാതെ അസ്വസ്ഥമാകാന്‍ തുടങ്ങുന്നു...അങ്ങനെയിരിക്കെ ഒരു ദിവസം ആരോടും പറയാതെ Seh-hee Ji-wooയെ വിട്ടു പോകുന്നു...  പലയിടത്തും അന്വേഷിച്ചെങ്കിലും Seh-hee ഇവിടെ എന്ന്‍ Ji-woo കണ്ടെത്താന്‍ സാധിച്ചതെയില്ല... ഇതേ സമയം Seh-hee പുതിയൊരു മുഖത്തിനായി ഒരു പ്ലാസ്റ്റിക് സര്‍ജനെ സമീപിക്കുന്നു...  Ji-woo മറ്റ് പെണ്‍കുട്ടികളോട് അടുക്കാന്‍ ശ്രമിക്കുമ്പോഴൊക്കെ അധിരശ്യമായതെന്തോ അവര്‍ക്കിടയില്‍ വിള്ളല്‍ ഉണ്ടാക്കുന്നു... അങ്ങനെയിരിക്കെ See-hee എന്ന്‍ തന്നെ പേരുള്ള മറ്റൊരു പെണ്‍കുട്ടിയെ Ji-woo പരിച്ചയപെടുന്നു... തന്നെ ഉപേക്ഷിച്ചു പോയ See-heeയെ മറക്കാന്‍ തനിക്ക് ഇപ്പോഴും കഴിഞ്ഞിട്ടില്ലെന്ന് Ji-woo ആ പെണ്‍കുട്ടിയോട് പറയുന്നെങ്കിലും അവരുടെ ബന്ധം പ്രണയത്തില്‍ കലാശിക്കുന്നു... മുന്‍പ് See-heeയുമൊത്ത് ചിലവിട്ട സ്ഥലങ്ങളിലെല്ലാം Ji-woo  ഈ പെണ്‍കുട്ടിയെയും കൊണ്ട് പോകുന്നു... ആറു മാസങ്ങള്‍ക്ക് മുന്‍പ് Ji-woo നെ ഉപേക്ഷിച്ചു പോയ   See-hee തന്നെയാണ് ഇപ്പോള്‍ അയാള്‍ക്കൊപ്പമുള്ള പെണ്‍കുട്ടിയെന്ന്‍ ചിത്രം കാണുന്ന ഓരോ പ്രേക്ഷകനും മനസിലാവുന്നതാണ് എന്നാല്‍ ഈ സത്യം  Ji-woo അറിയുമ്പോള്‍ എന്താണ് ഉണ്ടാവുക ? ഈ പുതിയ മുഖം അവള്‍ക്ക് സന്തോഷം നല്‍കുന്നുണ്ടോ ? മുഖം നഷ്ടപ്പെടുക എന്നാല്‍ വെക്തിത്വവും നഷ്ടപ്പെടുക എന്നാണോ ?  ഇതെല്ലാമാണ് ചിത്രം പറയുന്നത്....


കൊറിയന്‍ സ്ത്രീകളില്‍ വര്‍ധിച്ചുവരുന്ന പ്ലാസ്റ്റിക് സര്‍ജറികള്‍ക്കെതിരെ തുറന്ന്‍ പിടിച്ചൊരു കണ്ണാടിയാണ് ഈ ചിത്രം... ജന്മനാലഭിച്ച മുഖത്തിനു പകരം മറ്റൊരു മുഖം വെച്ച് പിടിപ്പിക്കുമ്പോള്‍ നമ്മളിലെ വെക്തിത്വം കൂടിയല്ലേ നാം അവിടെ മാറ്റിവെക്കുന്നത് ?

അമിതമായ ഭയവും, സംശയവും, അസൂയും മനസ്സില്‍ കടന്ന്‍ കയറുമ്പോള്‍ മനുഷ്യന്‍ ചെയ്തു കൂട്ടുന്ന കാര്യങ്ങള്‍ തികച്ചും പ്രവച്ചനാതീതമാണ്... ഇവയെകുറിചെല്ലാം  നമ്മോട് പറയാന്‍ ശ്രമിക്കുകയാണ് സംവിധായകന്‍ എന്നാല്‍ എത്ര മാത്രം  പ്രേക്ഷകരിലേക്ക് അത് എത്തിക്കാന്‍ സംവിധായകന് സാധിച്ചു എന്ന്‍ ചോദിച്ചാല്‍ പൂര്‍ണമായും തന്‍റെ ഉദ്യമത്തില്‍ വിജയിക്കാന്‍ അദ്ദേഹത്തിന് സാധിച്ചിട്ടില്ല എന്ന്‍ പറയേണ്ടി വരും....

Spring, Summer, Fall, Winter... and Spring എന്ന ചിത്രത്തിലെ അതെ രീതിയിലാണ് ഇവിടെയും അദ്ദേഹം കഥ പറയുന്നത് എന്നാല്‍ ആദ്യ ചിത്രത്തില്‍ ആ രീതി പ്രേക്ഷകനെ കൂടുതല്‍ ചിത്രത്തിലേക്ക് അടുപ്പിക്കുകയും ചിത്രം പങ്കിടുന്ന ആശയം നമ്മിലേക്ക് എത്താന്‍ കൂടുതല്‍ സഹായകരമാവുകയും ചെയ്യുന്നുവെങ്കില്‍ ഇവിടെ നേരെ മറിച്ചാണ് കാര്യങ്ങള്‍ പല സ്ഥലങ്ങളിലും ചിത്രം പ്രേക്ഷകന്‍റെ ക്ഷമയെ പരീക്ഷിക്കുന്നുണ്ട് എന്ന്‍ പറയാതെ വയ്യ മാത്രമല്ല ചിത്രം പങ്കിടാന്‍ ശ്രമിച്ച ആശയങ്ങളെ മനസിലാക്കുവാന്‍ അത്ര പെട്ടെന്ന്‍ സാധാരണ പ്രേക്ഷകര്‍ക്ക് കഴിഞ്ഞുവെന്ന്‍ വരില്ല...

ചിത്രത്തിന്‍റെ തീം എന്നെ വളരെയധികം ആകര്‍ഷിച്ചു എന്നാല്‍ ചിത്രം എന്നെ ഒട്ടും തന്നെ തൃപ്തിപ്പെടുത്തിയില്ല... ചിലപ്പോള്‍ മറ്റൊരു സംവിധായകന്‍ ആണ് ഈ ചിത്രം ചെയ്തതെങ്കില്‍ കുറെക്കൂടി മികച്ചതാവുമായിരുന്നു ഈ ചിത്രം എന്ന്‍ തോനുന്നു...

88.Someone Like You

Someone Like You (2001) : A sweet, charming romantic comedy.

Language: English
Genre: Romantic Comedy
Director: Tony Goldwyn
Writers: Laura Zigman (novel), Elizabeth Chandler (screenplay)
Stars: Ashley Judd, Greg Kinnear, Hugh Jackman

റൊമാന്റിക്‌ കോമഡി ശ്രേണിയില്‍ പെടുന്ന ചിത്രങ്ങള്‍ - സമയം കളയാന്‍ ഇതിലും നല്ലൊരു ജേണര്‍ എന്‍റെ അഭിപ്രായത്തിലില്ല, പൊതുവായി ഇത്തരം ചിത്രങ്ങളുടെ കഥാഗതി ഏറെ കുറെ ഒന്നായിരിക്കും... (ഹൃദയം തകര്‍ന്നിരിക്കുന്ന നായിക/നായകന്‍, കുറെ പ്രശ്നങ്ങളിലൂടെ കടന്നുപോകുന്നു അവയെല്ലാം രസകരമായ രീതിയില്‍ നമുക്ക് മുന്നില്‍ അവതരിപ്പിക്കപ്പെടുന്നു ഒടുവില്‍ തന്‍റെ യഥാര്‍ത്ഥ  പ്രണയത്തെ അവള്‍/അവന്‍ കണ്ടെത്തുന്നു) എന്നാല്‍   മുനിര താരങ്ങളുടെ പ്രകടനവും, അവതരണത്തിലെ വെത്യസ്ഥതയുമാണ് ഇത്തരം ചിത്രങ്ങളെ പ്രേക്ഷകനു പ്രിയപ്പെട്ടതാക്കുന്നത് അത്തരത്തില്‍ ഉള്ളൊരു ചിത്രമാണ്‌ Someone Like You.

Jane Goodale  നെ സംബന്ധിച്ച് തന്‍റെ ജീവിതം ഇപ്പോള്‍ വളരെ നല്ല രീതിയില്‍ പൊയ്കൊണ്ടിരിക്കുകയാണ്... വളരെയധികം ജനപ്രീതിയുള്ള ഒരു ടോക്ക് ഷോയുടെ നിര്‍മ്മാതാവ്, സഹപ്രവര്‍ത്തകനായ റെയുമായി കടുത്ത പ്രണയതിലുമാണ് ജെയിന്‍...എന്നാല്‍ അപ്രതീക്ഷിതമായി റെ ജെയിനുമായി പിരിയുന്നതോടെ അവളുടെ ജീവിതം ആകെ താളം തെറ്റുന്നു...
താമസിക്കാന്‍ ഒരിടവും ഇല്ലാതെ വരുന്ന ജെയിന്‍ തന്നോടൊപ്പം ജോലി ചെയ്യുന്ന ഒരു Womanizer ആയ Eddie യോടൊത്ത് താമസം ആരംഭിക്കുന്നു...ഇതിനിടയില്‍ റെ തന്നെ ഉപേക്ഷിച്ചതിന്റെ കാരണം കണ്ടെത്തുന്നതിനായി അവള്‍ പുരുഷന്‍മാരുടെ സ്വഭാവത്തെ കുറിച്ചു പഠിക്കാന്‍ തുടങ്ങുന്നു, കിട്ടാവുന്ന എല്ലാ പുസ്തകങ്ങളും അവള്‍ വായിക്കാന്‍ തുടങ്ങുന്നു... താന്‍ മനസിലാക്കിയ  കാര്യങ്ങള്‍ക്ക് ഉത്തമ ഉദാഹരണമായി അവള്‍ Eddie യേയും കാണുന്നു... ഒരു ദിവസം സുഹ്രത്തായ ലിസിന്‍റെ നിര്‍ബന്ധത്തിനു വഴങ്ങി ലിസ് ജോലി ചെയ്യുന്ന മാസികയില്‍ Dr. Marie Charles എന്ന തൂലികാ നാമത്തില്‍ പുരുഷന്മാരുടെ സ്വഭാവത്തെ കുറിച്ച് താന്‍ കണ്ടെത്തിയ നിഗമനങ്ങള്‍ ജെയിന്‍ ഒരു ആര്‍ട്ടിക്കളായി പ്രസിദ്ധികരിക്കുന്നു... ആര്‍ട്ടിക്കിള്‍ വളരെയധികം ജനശ്രദ്ധ പിടിച്ചുപറ്റുകയും Dr. Marie Charles എല്ലാവരുടെയും ആരാധാനപാത്രമാവുകയും ചെയ്യുന്നു...

ജെയിനായി Ashley Judd ഉം Eddie ആയി Hugh Jackman നുമാണ് നമുക്ക് മുന്നിലെത്തുന്നത് ഇരുവരുടെയും സ്ക്രീന്‍ പ്രെസെന്‍സ് തന്നെയാണ് ചിത്രത്തിന്‍റെ ജീവനും... പുതുമകളൊന്നും തന്നെ അവകാശപ്പെടനില്ലാത്ത തിരകഥയിലും ചിത്രം ഒട്ടും തന്നെ പ്രേക്ഷകനില്‍ മടുപ്പ് ഉളവാക്കാത്തതിന്റെ കാരണവും ഇവര്‍ തന്നെ...

ഒന്നരമണിക്കൂര്‍ രസിചിരുന്ന്‍ കാണാന്‍ പറ്റിയ ഒരു കൊച്ചു ചിത്രമാണ്‌ Someone Like You. ഇത്തരം ചിത്രങ്ങളുടെ ആരാധകന്‍ കൂടിയാണ്  നിങ്ങളെങ്കില്‍ ഈ ചിത്രം നിങ്ങളെ ഒട്ടും തന്നെ നിരാശപ്പെടുത്തില്ല എന്നത് തീര്‍ച്ചയാണ്...

83.The Theory of Everything

The Theory of Everything (2014) : While there is life, there is hope.

Language: English
Genre: Biography
Director: James Marsh
Writers: Anthony McCarten, Jane Hawking
Stars: Eddie Redmayne, Felicity Jones, Tom Prior

ലോക പ്രശസ്ത ഫിസിക്സ്‌ വിധക്തനായ സ്റ്റിഫന്‍ ഹോക്കിംഗ്സ്ന്‍റെയും അദ്ദേഹത്തിന്റെ ഭാര്യയായിരുന്ന ജെയിനിന്റെയും ജീവിതകഥയാണ്‌ The Theory of Everything പറയുന്നത്.

21ആം വയസ്സില്‍ motor neuron disease എന്ന അസുഖത്തിന് അടിമപ്പെട്ടു രണ്ടു വര്‍ഷം മാത്രമേ ജീവിച്ചിരിക്കുകയുള്ളുവെന്നു വൈദ്യശാസ്ത്രം വിധിയെഴുതിയ കേംബ്രിജിലെ cosmology വിദ്യാര്‍ഥിയില്‍ നിന്നും ആരും അധികമൊന്നും പ്രതീക്ഷിച്ചിരുന്നില്ല എന്നാല്‍ അക്കാലത്ത് താന്‍ പരിചയപ്പെട്ട ജെയിന്‍ വൈല്‍ടുമായുള്ള പ്രണയവും അവര്‍ അവനു നല്‍കിയ സ്നേഹവും അയാളുടെ ജീവിതത്തെ തന്നെ മാറ്റി മറിക്കുകയാണുണ്ടായത് Einsteinന്‍റെ പിന്‍ഗാമിഎന്നാണ് ലോകം പിന്നീടു അദ്ധേഹത്തെ വിശേഷിപ്പിച്ചത്.  മരണം കാത്ത് കിടന്ന 21 കാരനായ സ്റ്റിഫനില്‍ നിന്നും ലോകപ്രശസ്തനായ സ്റ്റിഫന്‍ ഹോകിംഗ്സിലേക്കുള്ള  അദ്ദേഹത്തിന്റെ യാത്രയില്‍ ജെയിനിന്റെ പങ്ക് വളരെ വലുതാണ്‌ വൈദ്യശാസ്ത്രം കൈയൊഴിഞ്ഞ രോഗാവസ്ഥയോട് പൊരുതാനുള്ള കരുത്ത് അയാള്‍ക്ക് നല്‍കിയത് അവളുടെ സ്നേഹവും പരിചരണവുമായിരുന്നു...

ഒരു ജീവചരിത്രം എന്നതില്‍പരം നല്ലൊരു പ്രണയകഥ കൂടിയാണ് The Theory of Everything. ജെയിന്‍ തന്നെ എഴുതിയ My Life with Stephen എന്ന പുസ്തകത്തെ മുനിര്‍ത്തിയാണ് സംവിധായകന്‍ James Marsh ഈ ചിത്രം ഒരുക്കിയിരിക്കുന്നത്. വളരെ നല്ല രീതിയില്‍ തന്നെ പ്രേക്ഷകര്‍ക്ക് മുന്‍പിലേക്ക് ചിത്രത്തെ എത്തിക്കാനും അദ്ദേഹത്തിന് സാധിച്ചിട്ടുണ്ട്.

Eddie Redmayne ഇദ്ദേഹത്തിന്റെ പ്രകടനത്തെകുറിച്ചു പറയുവാന്‍ വാക്കുകളില്ല സ്റ്റിഫന്‍ ഹോക്കിംഗ്സായി Eddie പരകായപ്രവേശം ചെയ്യുകയായിരുന്നു എന്ന്‍ വേണമെങ്കില്‍ പറയാം അത്ര മനോഹരമായിരുന്നു അദ്ദേഹത്തിന്റെ പ്രകടനം. അതുപോലെ ജെയിനായി വേഷമിട്ട Felicity Jones ഉം ഒട്ടും തന്നെ മോശമായിരുന്നില്ല എങ്കിലും  Eddie യുടെ പ്രകടനത്തിനു മുന്നില്‍ അത് ഒന്നുമല്ലാതായി മാറുകയായിരുന്നു. ഈ വര്‍ഷത്തെ മികച്ച നടനുള്ള അക്കാദമി അവാര്‍ഡിന് എന്ത് കൊണ്ടും ഇദ്ദേഹം അര്‍ഹനാണ്.

കഴിഞ്ഞ വര്‍ഷമിറങ്ങിയ മികച്ച ചിത്രങ്ങളില്‍ ഒന്ന്‍ തന്നെയാണ് The Theory of Everything എന്ന്‍ നിസംശയം പറയാന്‍ സാധിക്കും.

72.Man in Love

Man in Love - "Nam-ja-ga sa-rang-hal dae" (original title)  (2014) : An emotionally touching movie.

Language: Korean

Genre: Romantic Drama

Director: Dong-Wook Han

Writer: Kab-yeol Yu

Stars: Jeong-min Hwang, Hye-jin Han, Man-shik Jeong

Man in Love is a south Korean drama which tells the story of Tae-il a low-level thug who falls in love with Ho-Jung, the daughter of a debtor who lies in a coma.

The story goes like this, Tae-il is a 42 year old low-level thug working for a loan shark. Tae-il has never been in love. He goes around the streets of Gunsan for collecting debts and harassing shop owners for the security of money owed by them to the gang he works for and he doesn't seem to be hesitate about doing it. He lives with his brother Young-il and Young-il's family. One day he meets Ho-jung, a bank clerk who is taking care of her debt-ridden, terminally ill father.Tae-il forces her to sign a contract that requires her to sell her organs if she can't pay back her father's debt on time. Tae-Il doesn’t really know why exactly but he’s really worried about Ho-Jung after their not so good first meeting and repeatedly tries to find out how she plans to settle the debt...

He offers a new contract to her: He will exempt her from the debt if she goes on date with him. The more dates she goes on, the less debt she will have to pay off. At first she’s scared but Ho-Jung soon realizes that Tae-Il indeed cares about her and they grow closer. But something really bad is going to threaten their relationship ...

What is going to happen in between Tae-Il and Ho-Jung forms the rest of the story...

The story has nothing new to offer and it follows a predictable story line.

But still with some wonderful performance from the lead actors the movie pulls everything together and becomes to an endearing touching emotional drama.Hwang Jung-Min (Tae-il ) and Han Hye-Jin (Ho-jeong ) are fantastic together and create a natural and completely believable relationship between two people that complement each other beautifully.

There is quite some action and some thriller influences that make for a varied and always engaging experience until the last thirty minutes hit with some of the most touching south Korean drama of 2014.

In short Man in Love is a emotional romantic drama that will shed your eyes with tears. This one is not a must watch film but if you love korean drama's like BA:BO, My Girl and I, A Moment to remember, Always etc.. you should go for this one too...

66.Interview with the Vampire: The Vampire Chronicles

Interview with the Vampire: The Vampire Chronicles (1994) : Highly underrated, Became my favorite vampire movie of all time.

Language: English

Genre: Horror

Director: Neil Jordan
Writers: Anne Rice
Stars: Brad Pitt, Tom Cruise, Kirsten Dunst

രാത്രിയുടെ നാലാം യാമത്തില്‍ കുറുക്കന്‍മാരുടെ ഊളിയിടലുകളുടെയും വവ്വാലുകളുടെ കരച്ചിലുകളുടെയും അകമ്പടിയോടെ, ഉറങ്ങി കിടക്കുന്ന സുന്ദരികളായ പെണ്‍കുട്ടികളുടെ ചുടു ചോര ഊറ്റികുടിക്കാനെത്തുന്ന  വാമ്പയര്‍മാര്‍ എന്നും ഹോളിവുഡിന്റെ പ്രിയപെട്ട വിഷയങ്ങളിലൊന്നാണ്. ഒട്ടനവധി ചിത്രങ്ങളും ഈ വിഷയത്തെ ആസ്പതമാക്കി ഹോളിവുഡ് അണിയിചൊരുക്കിയിട്ടുമുണ്ട് അവയില്‍ ഏറിയവയും വാമ്പയര്‍ മാരുടെ രാജാവായ ഡ്രാക്കുള പ്രഭുവിനെ കുറിച്ചുള്ളതായിരുന്നു. എന്നാല്‍ പതിവ് ശൈലിയില്‍ നിന്നും വെത്യസ്തമായ രീതിയില്‍ വാമ്പയര്‍മാരുടെ കഥ പറഞ്ഞ ചിത്രമായിരുന്നു 1994ല്‍ Neil Jordan അണിയിചൊരുക്കിയ Interview with the Vampire: The Vampire Chronicles എന്ന ചിത്രം.  Brad Pitt, Tom Cruise എന്നിവര്‍ പ്രധാനവേഷത്തിലെത്തിയ ഈ ചിത്രം അതുവരെയുമിറങ്ങിയ വാമ്പയര്‍ ചിത്രങ്ങള്‍ക്ക് ഒരു അധിക്ഷേപമാണ് എന്ന്‍ പറയാം അത്ര വെത്യസ്തമായാണ് സംവിധായകന്‍ ജോര്‍ഡാന്‍ ഈ ചിത്രം ഒരുക്കിയിട്ടുള്ളത്...

കഥ ഇങ്ങനെയാണ് താനൊരു വാമ്പയര്‍ ആണെന്ന് അവകാശപ്പെടുന്ന Louis de Pointe du Lac തന്‍റെ കഥ റിപോര്‍ട്ടറായ Daniel Molloy യോട് പറയുകയാണ്...

1791ല്‍ French Louisianaയില്‍ ഒരു വര്‍ഷം മുന്‍പ് പ്രസവത്തോടെ തന്നെ വിട്ടുപിരിഞ്ഞ ഭാര്യയുടെയും തനിക്ക് ലഭിക്കാതെപോയ കുഞ്ഞിന്‍റെയും ഓര്‍മ്മകളില്‍ മനംനൊന്ത് ജീവിതം തന്നെ വെറുത്ത് കഴിയുകയാണ് ഇരുപത്തിനാലുകാരനായ Louis. വാമ്പയറായ Lestatന് അവനോട് അനുകമ്പ തോന്നുകയും, വാമ്പയര്‍ മാരുടെ ലോകത്തേക്ക് അവനെ അയാള്‍ ക്ഷണിക്കുക്കയും ചെയ്യുന്നു.  തുടര്‍ന്ന്‍ അയാളുടെ ക്ഷണം സ്വീകരിച്ച് Lestatന്‍റെ രക്തം കുടിച്ച് Louisഉം വാമ്പയറായി മാറുന്നു. ജനിച്ചു വീണ ഒരു കുഞ്ഞു തന്‍റെ മാതാപിതാക്കളില്‍ നിന്നും സംസാരിക്കാനും നടക്കാനുമെല്ലാം എപ്രകാരം പഠിക്കുന്നുവോ അപ്രകാരം Lestatനില്‍ നിന്നും Louis ഇനി വാമ്പയറുകളുടെ ജീവിത രീതികള്‍ മനസിലാക്കി എടുത്തെ മതിയാകു...

ഒരിക്കലും മരണം തേടിയെതാത്ത എന്നും നിത്യ യൗവനം സമ്മാനിക്കുന്ന രാത്രിയില്‍ ഇരയെ വേട്ടയാടി അവയുടെ ചുടുചോര ഊറ്റികുടിച്ച് കാലമുള്ള കാലം വരെ ജീവിക്കുന്ന വാമ്പയറായി മാറിയ Louisന്‍റെ ജീവിതത്തില്‍ ഇനി എന്താണ് സംഭവിക്കുക്ക ?

 1976ല്‍ Interview with the Vampire എന്ന പേരില്‍ Anne Rice എഴുതിയ നോവലിനെ അസ്പതമാക്കിയാണ് ഈ ചിത്രം ഒരുക്കിയിട്ടുള്ളത്. പതിനേഴാം നൂറ്റാണ്ടിലെയും പതിനെട്ടാം നുറ്റാണ്ടിലെയും അമേരിക്കയിലുടെയും പത്തൊന്‍പതാം നുറ്റാണ്ടിലെ യൂറോപ്പിലുടെയും ചിത്രം സഞ്ചരിക്കുമ്പോള്‍ ഓരോ കാലത്തും വന്ന മാറ്റങ്ങള്‍ വാമ്പയര്‍ മാരുടെ കണ്ണിലുടെ ചിത്രം നമുക്ക് കാട്ടിതരുന്നുണ്ട്. വികാരങ്ങളുടെ കാര്യത്തില്‍ മനുഷ്യരില്‍ നിന്നും വാമ്പയര്‍മാരും അധികം വെത്യസ്ഥരല്ല എന്നും ചിത്രം പറയുന്നു. സംവിധായകന്‍ എന്ന നിലയില്‍ തന്‍റെ ജോലി വളരെ ഭംഗിയായി നിര്‍വഹികാന്‍ ജോര്‍ഡനു സാധിച്ചിട്ടുണ്ട്. ചിത്രത്തിലുടനീളം വളരെ ഡാര്‍ക്ക് ആയൊരു മൂഡ്‌ ഉണ്ടാക്കി എടുക്കാന്‍ അദ്ദേഹത്തിന് കഴിഞ്ഞിട്ടുണ്ട്. അതിനു അദ്ധേഹത്തെ സഹായിച്ചത് Malcolm Middleton ന്‍റെ മികവുറ്റ കലാസംവിധാനവും, ചിത്രലുടനീളം നിറഞ്ഞു നില്‍ക്കുന്ന Elliot Goldenthal ന്‍റെ ഉഗ്രന്‍ പശ്ചാത്തല സംഗീതവുമാണ് ആ വര്‍ഷത്തെ അക്കാദമി അവാര്‍ഡുകളില്‍ ഇരുവരും നിര്‍ദേശിക്ക പ്പെടുകയും ചെയ്തു.

ചിത്രത്തിന്‍റെ ഏറ്റവും വലിയ സവിശേഷതകളില്‍ ഒന്ന്‍ ബ്രാഡ് പിറ്റ്, ടോം ക്രുസ് എന്നിവരുടെ പ്രകടനങ്ങളാണ് പ്രത്യേഗിച്ചും ടോം ക്രുസിന്റെ പ്രകടനം, ഒരു വാമ്പയറിന്റെ എല്ലാ സ്വഭാവ സവിശേഷധകളുമുള്ള രക്തധാഹിയും ക്രൂരനുമായ Lestat ആയുള്ള ക്രുസിന്റെ പ്രകടനം അദ്ദേഹത്തിന്റെ കരിയറിലെ തന്നെ ഏറ്റവും വെത്യസ്തവും മികച്ചതുമായ കഥാപാത്രങ്ങളില്‍ ഒന്നാണ്. അതേസമയം മനുഷ്യ രക്തം കുടിക്കുന്നതിനോട് തീരെ താല്‍പര്യം പ്രകടിപ്പിക്കാത്ത അതൊരു തെറ്റായി തന്നെ കാണുന്ന മനുഷ്യ വികാരങ്ങള്‍ ഇപ്പോഴും ഉള്ളില്‍ നില്‍ക്കുന്ന Louis ആയി ബ്രാഡ് പിറ്റും  മികച്ച പ്രകടന്നം കാഴ്ചവെച്ചിരിക്കുന്നു. എടുത്ത് പറയേണ്ട മറ്റൊരു പ്രകടനം Claudia ആയുള്ള Kirsten Dunst ന്‍റെ അഭിനയമാണ് ചെറുപ്രായത്തില്‍തന്നെ ഈ കുട്ടി വളരെ നല്ല അഭിനയമാണ് പുറതെടുത്തിരിക്കുന്നത്, മികച്ച സഹനടിക്കുള്ള ഗോള്‍ഡന്‍ ഗ്ലോബ് പുരസ്കാരത്തിനും ഇവരെ നിര്‍ദേശിക്കപ്പെടുകയുണ്ടായി എന്നത് അവരുടെ പ്രകടനം എത്ര ശക്തമായിരുന്നു എന്ന്‍ പറയുന്നു.

ടോം ക്രുസ്, ബ്രാഡ് പിറ്റ് എന്നിവരുടെ മികച്ച ചിത്രങ്ങളുടെ ഇടയില്‍ ആരും പരാമര്‍ശിച്ചു കേള്‍ക്കാത്ത ചിത്രമായിരുന്നുവിത് എന്നാല്‍ ഇന്നു മുതല്‍ ഇവരുടെ ഞാന്‍ ഇഷ്ടപെടുന്ന ചിത്രങ്ങളുടെ ഇടയില്‍ ഈ ചിത്രവും ഉണ്ടാകും.

41.2 States

2 States (2014).

Language: Hindi
Genre: Romantic-Comedy
Director: Abhishek Varman
Writers: Chetan Bhagat, Abhishek Varman
Stars: Arjun Kapoor, Alia Bhatt, Amrita Singh

ചേതന്‍ ബഗത്തിന്റെ ഏറ്റവും മികച്ച നോവലുകളില്‍ മുന്നില്‍ നില്‍ക്കുന്ന 2 സ്റ്റേറ്റ്സിന്‍റെ ചലച്ചിത്രാവിഷ്കാരം വരുന്നു എന്നറിഞ്ഞപ്പോള്‍ മുതല്‍ കാതിരികുകയായിരുന്നു ഈ ചിത്രത്തിനായി തിയറ്ററില്‍ നിന്നും തന്നെ കാണണം എന്നുറപ്പിച്ചിരുന്ന ചിത്രമായിരുന്നു ഇത് എന്നാല്‍ ചിത്രം തിയറ്ററില്‍ നിന്നും കണ്ട സുഹ്രത്തുക്കളില്‍ നിന്നും ലഭിച്ച മോശം അഭിപ്രായങ്ങളെ തുടര്‍ന്ന്‍ അത് വേണ്ടെന്നു വെക്കുകയായിരുന്നു.

സാംസ്കാരികമായി വളരെയേറെ വൈരുധ്യമുള്ള കൃഷിന്റെയും അനന്യയുടെയും പ്രണയമാണ് ചിത്രം പറയുന്നത്..... അഹമ്മദാബാദ് IIM കോളേജില്‍ വെച്ച് പ്രണയത്തിലായ ഇവര്‍ പഠനശേഷം വിവാഹിതരാവാന്‍ തീരുമാനിക്കുന്നിടത്ത് നിന്നും പ്രശ്നങ്ങള്‍ തുടങ്ങുകയായി. ഇന്ത്യയുടെ വിവിധ സംസ്ഥാന്നങ്ങളില്‍ നിന്നുമുള്ളവരാണ് ഇരുവരും. ഡല്‍ഹിയില്‍ നിന്നുമുള്ള നോര്‍ത്തിഇന്ത്യന്‍ പഞ്ചാബി കുടുംബത്തില്‍ നിന്നുമാണ് കൃഷ്‌ വരുന്നത്, ചെന്നൈയിലെ തമിഴ് ബ്രാഹ്മണ കുടുംബത്തിലെ അംഗമാണ് അനന്യ. മാതാപിതാക്കളുടെ സമ്മതത്തോടെ തങ്ങളുടെ വിവാഹം നടക്കണമെന്നു ഇവര്‍ ആഗ്രഹിക്കുന്നു എന്നാല്‍ വിവിധ സംസ്കാരങ്ങള്‍ തമ്മിലുള്ള ഇരുവരുടെയും മാതാപിതാക്കള്‍ പരസ്പരം കണ്ടുമുട്ടുന്നതോടെ കാര്യങ്ങള്‍ എല്ലാം തലകീഴായി മറിയുന്നു. പിന്നീടു ഇരു കുടുംബങ്ങളുടെയും സംമ്മതത്തിനായുള്ള  ഇവരുടെ ശ്രമങ്ങളാണ് ചിത്രം പറയുന്നത്.

2 സ്റ്റേറ്റ്സ് എന്ന നോവലിന്റെ വലിയൊരു ആരാധകനാണ് ഞാന്‍ അത് കൊണ്ട് തന്നെ നോവലിനോട് എത്രമാത്രം ചിത്രത്തിനു നീതി പുലര്‍ത്താനായി എന്ന്‍ ചോദിച്ചാല്‍ ഞാന്‍ പൂര്‍ണമായും നിരാശനായി എന്ന്‍ പറയേണ്ടി വരും. ഒരു മികച്ച നോവല്‍ സിനിമയാക്കുമ്പോള്‍ സംഭവിക്കാവുന്ന പ്രശ്നങ്ങള്‍ തന്നെയാണ് ഈ ചിത്രത്തിലും സംഭവിച്ചിട്ടുള്ളത് 3 മണിക്കൂറില്‍ നോവല്‍ നല്‍കിയ അനുഭവം പ്രേക്ഷകരിലേക്ക് എത്തിക്കുക എന്നത് ഒരു വലിയ വെല്ലുവിളി തന്നെയാണ് മികച്ച പല സന്ദര്‍ഭങ്ങളും ഒഴിവാക്കേണ്ടി വരും. ഉദാഹരണത്തിനു കൃഷിനെ അനന്യയുടെ അച്ഛന്‍ മുണ്ടുടുപ്പിക്കുന്ന ഒരു രംഗമുണ്ട് നോവലില്‍ പ്രേക്ഷകനില്‍ നന്നായി ചിരിഉണര്‍ത്തുന്ന രംഗമാണിത്, ഈ രംഗം ചിത്രീകരികുക
 കൂടി ചെയ്തതായിരുന്നു എന്നാല്‍ അവസാന നിമിഷം അവര്‍ അത് ഒഴിവാക്കുകയായിരുന്നു. ഇങ്ങനെ പല മനോഹര രംഗങ്ങളും ചിത്രത്തില്‍ ഒഴിവാക്കിയിട്ടുണ്ട്. സമയപരിധി തന്നെയാണ് അണിയറപ്രവര്‍ത്തകരെ ഇതിനു പ്രേരിപ്പിച്ചത്.

അതെ സമയം നോവലിനെ മാറ്റിനിര്‍ത്തി ഒരു ബോളിവുഡ് റൊമാന്റിക്‌ കോമഡി ആയി ഈ ചിത്രത്തെ സമീപിക്കുകയാണെങ്കില്‍ കാര്യങ്ങള്‍ വെത്യസ്ഥമാണ്, വെത്യസ്ഥ സംസ്കാരങ്ങളില്‍ നിന്നും വന്നു പ്രണയത്തിലായവരുടെ കഥകള്‍ ഇതിനു മുന്‍പും നമുക്ക് മുന്‍പില്‍ എത്തിയിട്ടുണ്ട് കമലിന്‍റെ ഏക്‌ ദുജെ കെ ലിയെ, അരവിന്ദ് സ്വാമിയുടെ ബോംബെ തുടങ്ങിയ ചിത്രങ്ങളെല്ലാം ഈ വിഷയം മുന്‍പ് കൈകാര്യം ചെയ്തവയാണ്. അവയെല്ലാം പ്രേക്ഷകന്‍റെ മനസ്സു കീഴടക്കിയ ചിത്രങ്ങളുമാണ് ആ ഗണത്തിലേക്ക് തന്നെ നമുക്ക് 2 സ്റ്റേറ്റ്സിനെയും ഉള്‍പെടുത്താവുന്നതാണ്. ശരാശരിക്ക് മുകളില്‍ നില്‍ക്കുന്ന ഒരു റൊമാന്റിക്‌ കോമഡി ചിത്രം തന്നെയാണിത്. 

 Abhishek Varman ആദ്യമായി സംവിധാനം ചെയ്യുന്ന ചിത്രമാണ് 2 സ്റ്റേറ്റ്സ് അങ്ങനെ നോക്കുമ്പോള്‍ വളരെ നല്ല രീതിയില്‍ തന്നെ അദ്ദേഹം ഈ ചിത്രം അണിയിച്ചൊരുക്കിയിട്ടുണ്ട്. മൂന്നര മണിക്കൂര്‍വരെ ദൈര്‍ഖ്യമുള്ള പ്രണയകാവ്യങ്ങള്‍ ബോക്സ്‌ഓഫീസില്‍ ചരിത്രം സൃഷ്‌ടിച്ച ബോളിവുഡില്‍ 2 സ്റ്റേറ്റ്സ് പോലെയൊരു നോവലിനെ സിനിമയാക്കുമ്പോള്‍ അത് രണ്ടരമണിക്കൂറില്‍ ഒതുക്കിയതിനോട് മാത്രം എനിക്ക് യോജിക്കാനാവുന്നില്ല. (നോവലിലെ പല രംഗങ്ങളും സ്ക്രീനില്‍ കാണാനുള്ള എന്‍റെ ആഗ്രഹമാകാം ഇങ്ങനെ എന്നെ തോന്നിപ്പിച്ചത്).

Shankar–Ehsaan–Loy എന്നി ത്രിമൂര്‍ത്തികള്‍ അണിയിച്ചൊരുക്കിയ ഗാനങ്ങളില്‍ അല്പമെങ്കിലും ഇഷ്ടം തോന്നിയത് ആദ്യ ഗാനമായ "Locha-E-Ulfat"  ത്തിനോട് മാത്രമാണ്.

പ്രകടനങ്ങളുടെ കാര്യത്തില്‍ അര്‍ജുന്‍ കപൂര്‍ ആലിയ ഭട്ട് എന്നിവര്‍ തങ്ങളുടെ കഥാപാത്രങ്ങളോട് നീതി പുലര്‍ത്തി എന്നാല്‍ ഇവരെക്കാളും മികച്ച പ്രകടനം കാഴ്ചവെച്ചിരിക്കുന്നത് കൃഷിന്റെ അമ്മ വേഷം ചെയ്ത അമൃത സിംഗാണ്. രേവതി  ശിവകുമാര്‍, റോണിത് എന്നിവരും നന്നായിരുന്നു.

ചുരുക്കത്തില്‍ നോവല്‍ വായിക്കാത്ത ഒരാളാണ് നിങ്ങള്‍ എങ്കില്‍ ഈ ചിത്രം നിങ്ങള്‍ക്ക് വളരെയധികം ഇഷ്ടപെടും എന്നതില്‍ തര്‍ക്കമില്ല മറിച്ചു നോവലിനെ മനസ്സില്‍ വെച്ചുകൊണ്ടു ചിത്രത്തെ സമീപിക്കുകയാണെങ്കില്‍ നിരാശയാവാം നിങ്ങള്‍ക്ക് ലഭിക്കുക.                                                  

34.Rust and Bone

Rust and Bone (2012) : വാക്കുകളില്ല ഈ ചിത്രത്തെ വര്‍ണിക്കാന്‍.

Genre: Drama, Romance

Language: French

Director: Jacques Audiard

Writers: Jacques Audiard, Thomas Bidegain,

Stars: Marion Cotillard, Matthias Schoenaerts, Armand Verdure

വൈകല്യങ്ങളില്ലാത്ത മനുഷ്യര്‍ വളരെ ചുരുക്കമാണ് ചിലര്‍ക്ക് ശാരീരികമാവം മറ്റുചിലര്‍ക്ക് മാനസികമായിട്ടാവം, എന്നാല്‍ ആ വൈകല്യങ്ങള്‍ എല്ലാം അതിജീവിച്ച് മുന്‍പോട്ടു പോകുമ്പോഴാണല്ലോ നമ്മുടെ ജീവിതം പൂര്‍ണമാവുന്നത്‌,  ഇതിനു നമുക്ക് കരുത്തുപകരുന്നതാവട്ടെ നമ്മുടെ സ്വപ്നങ്ങളും .
യഥാര്‍ത്ഥത്തില്‍ നമ്മുടെ സ്വപ്‌നങ്ങള്‍ തന്നെയല്ലെ നമ്മെ മുന്‍പോട്ടു കൊണ്ടു പോകുനത് ? എന്നാല്‍ മുന്‍പേ പറഞ്ഞ വൈകല്യങ്ങള്‍ പലപ്പോഴും ആ സ്വപ്‌നങ്ങള്‍ സാക്ഷല്‍കരിക്കുന്നതിനു നമുക്ക് വിലങ്ങുതടിയാവാറുമുണ്ട്, അങ്ങനെയുള്ള രണ്ടു മനുഷ്യരുടെ കഥയാണ് ഈ ചിത്രം പറയുന്നത്.

മകന്‍റെ പൂര്‍ണഉത്തരവാതിത്തം തന്‍റെ കയ്യില്‍ വന്നതിനെത്തുടര്‍ന്ന് ബെല്‍ജിയം ഉപേക്ഷിച് Alain Antibesല്‍ ഉള്ള തന്‍റെ സഹോദരിയുടെയും കുടുംബത്തിന്‍റെയും കൂടെ പുതിയൊരു ജീവിതം തുടങ്ങുന്നു. അപകടകാരിയായ തിമിംഗലങ്ങളുടെ പരിശീലിപ്പിക്കുന്നതിനിടയില്‍ ഇരു കാലുകളും നഷ്ടപ്പെട്ട സ്റ്റേഫനിയുമായി അയാള്‍ അടുക്കുന്നു. കാലുകിളില്ലാത്ത അവളോട് എന്തെങ്കിലും സഹായം വേണോ എന്ന്‍ ചോദിക്കുന്നിടത്ത് തന്‍റെ കൂടെ നീന്താന്‍ വരുന്നോ എന്നാണ് അവന്‍ ചോദിച്ചത്, ഒട്ടും തന്‍റെ വികാരദീനനകാതെയുള്ള അവന്‍റെ ആ പെരുമാറ്റം അവള്‍ക്ക് കരുത്തു പകരുകയായിരുന്നു...അവരറിയാതെ തന്നെ  ഇരുവരും പരസ്പരം താങ്ങായി മാറുകയായിരുന്നു.

അതിമനോഹരം എന്നല്ലാതെ മറ്റൊരു രീതിയിലും ഈ ചിത്രത്തെ വിശേഷിപ്പിക്കുവാന്‍ കഴിയില്ല. സ്വഭാവത്തില്‍ യാതൊരു സാമ്യതകളും ഇല്ലാത്ത രണ്ടു മനുഷ്യര്‍ തമ്മിലുള്ള ബന്ധം വളരെ മനോഹരമായി സംവിധായകന്‍ വരച്ചുകാട്ടുന്നു. ഓരോ കഥാപാത്രത്തെയും  പതുക്കെപ്പതുക്കെ ഉയര്‍ത്തികൊണ്ടു വരികയായിരുന്നു അദ്ദേഹം. അത് പൂര്‍ണമായും വിജയിച്ചു എന്നതിന് തെളിവാണ് കാനന്‍സ് ഫിലിം ഫെസ്ടിവലില്‍ നിന്നും ലഭിച്ച പത്തു മിനുട്ട് നീണ്ട  Standing Ovationഉം വാരികൂട്ടിയ അവാര്‍ഡുകളും.  

അഭിനയത്തിന്‍റെ കാര്യത്തില്‍  Marion Cotillard, Matthias Schoenaerts ഇരുവരും നന്നായിരുന്നു, എങ്കിലും Marion Cotillard ശെരിക്കും ഞെട്ടിച്ചു കളഞ്ഞു അവരുടെ ഓരോ നോട്ടത്തിനുമുണ്ടായിരുന്നു ഓരോ അര്‍ഥങ്ങള്‍ ഇതിനു മുന്‍പ് കണ്ട ഇവരുടെ രണ്ടു ചിത്രങ്ങളിലെയും അഭിനയം എന്നെ ആകര്‍ഷിച്ചിരുന്നു എന്നാല്‍ ഈ ചിത്രത്തിലെ പ്രകടനം എന്നെ ശെരിക്കും ഞെട്ടിച്ചു കളഞ്ഞു.

തീര്‍ച്ചയായും കണ്ടിരിക്കേണ്ട ചിത്രങ്ങളില്‍ ഒന്ന്‍ തന്നെയാണിത്.

33.Spellbound

My Girlfriend Can See Ghosts (Spellbound - O-ssak-han yeon-ae) (2011).

Genre: Romantic Comedy
Language: Korean

Director: In-ho Hwang
Writer: In-ho Hwang
Stars: Ye-jin Son, Min-ki Lee, Seong-hoon Sin

റൊമാന്റിക്‌ കോമഡി ജെനിയറില്‍ പെട്ട കൊറിയന്‍ ചിത്രങ്ങള്‍ കണ്ടിരിക്കാന്‍ എപ്പോഴും നല്ല രസമാണ്,വളരെ ചെറിയൊരു കഥ നല്ല രസകരമായ രീതിയില്‍ അവതരിപ്പിക്കാന്‍ ഒരു പ്രത്യേഗ കഴിവ് തന്നെ അവര്‍ക്കുണ്ട് ചിലതില്‍ ക്ലിഷേ രംഗങ്ങള്‍ ഒരുപ്പാടുണ്ടാകും, എങ്കിലും അവതരണ രീതിയില്‍ അവര്‍ കൊണ്ടുവരുന്ന വെത്യസ്തത കൊണ്ട് അത്തരം രംഗങ്ങള്‍ നമ്മെ മടുപ്പിക്കാറുമില്ല.

പെണ്‍കുട്ടി എത്ര സുന്ദരി ആണെങ്കിലും അവള്‍ക്ക് വല്ല വൈകല്യമൊ കുറവോ ഉണ്ടെങ്കില്‍ത്തനെ അവളെ സ്നേഹിക്കാന്‍ ആരും കാണില്ല  അപ്പോള്‍ പിന്നെ ആത്മാക്കള്‍ ശല്യം ചെയ്യുന്ന ഒരു പെണ്‍കുട്ടിയുടെ അവസ്ഥ എന്തായിരിക്കും എന്നു പറയേണ്ടതുണ്ടോ ? അങ്ങനെ ഒരുവളുടെ കഥയാണ് ഈ ചിത്രം പറയുന്നത്.

ചെറുപ്പത്തില്‍ മരണത്തിന്‍റെ വക്കോളം എത്തി തിരിച്ചു വന്നതില്‍ പിന്നെ Kang Yeo-Ri യെ ആത്മാക്കള്‍ വേട്ടയാടുകയാണ് അവളെ സ്വസ്ഥമായി  ജീവിക്കാന്‍ അവര്‍ അനുവദിക്കുന്നേയില്ല അവളോട് അടുക്കുന്ന എല്ലാവരെയും അവര്‍ അപായപെടുതുന്നു. അങ്ങനെ ബന്ധുക്കളില്‍ നിന്നും സുഹ്രത്തുക്കളില്‍ നിന്നും എല്ലാം അകന്ന്‍ ഒറ്റെക്ക് ജീവിക്കുകയാണവള്‍. അങ്ങനയിരിക്കെ തന്‍റെ മാജിക്‌ ഷോ എങ്ങനെ മെച്ചപെടുത്താം എന്നാലോചിച്ചു കൊണ്ടിരുന്ന Jo-Goo വിന്‍റെ മുന്നില്‍ അവള്‍ ചെന്നെത്തുന്നു.

ഒരു വര്‍ഷം പിന്നിട്ടിരിക്കുന്നു, ഇന്നവള്‍ അവനോടൊത്ത് ജോലി ചെയ്യകയാണ്. ആരോടും അടുക്കാതെയും സംസാരിക്കാതെയും ഏതു നേരവും വിഷാദമുകത്തോടെയുള്ള അവളുടെ പെരുമാറ്റം അവര്‍ക്കെല്ലാം അത്ഭുതമായിരുന്നു. പതുക്കെപ്പതുക്കെ Jo-Goo അവളോട് അടുക്കുന്നു അതോടെ ആത്മാക്കള്‍ അവനേയും വേട്ടയാടാന്‍ തുടങ്ങുന്നു.

ഇവരുടെ ജീവിതത്തില്‍ തുടര്‍ന്നു സംഭവിക്കുന്ന രസകരമായ കാര്യങ്ങളാണ് ബാക്കി കഥ.

മറ്റെല്ലാ കൊറിയന്‍ റൊമാന്റിക്‌ കോമഡി ചിത്രങ്ങളെപോലെയും ഈ ചിത്രവും നമ്മളെ ഒരുപാടു ചിരിപ്പിക്കും. The Classic, A Moment to Remember എന്നി ചിത്രങ്ങളിലേത് പോലെ ഈ ചിത്രത്തിലും തന്‍റെ നിഷ്കളങ്കമായ ഭാവപ്രകടങ്ങള്‍ കൊണ്ട് നിറഞ്ഞു നിന്നു. കൂടുതലൊന്നും പറയാനില്ല മൈ സാസി ഗേള്‍ ഒക്കെ പോലെ തുടക്കം മുതല്‍ ഒടുക്കം വരെ രസിചിരുന്ന്‍ കാണാവുന്ന മറ്റൊരു കൊറിയന്‍ റൊമാന്റിക്‌ കോമഡി.

27.Love Me If You Dare

Love Me If You Dare (2003) : വെത്യസ്തമായ ഒരു പ്രണയകഥ.

Language: Spanish

Genre: Romance

Director: Yann Samuell

Writer: Yann Samuell

Stars: Guillaume Canet, Marion Cotillard, Thibault

ബംഗ്ലൂര്‍ ഡെയ്സിന്‍റെ ആദ്യ പകുതി ഈ ചിത്രത്തിന്‍റെ കോപ്പി ആണെന്ന് പലരും പറഞ്ഞു കേട്ടതിനെ തുടര്‍ന്നാണ് ഞാന്‍ ഈ ചിത്രം കാണാന്‍ തീരുമാനിച്ചത്, കണ്ടു കഴിഞ്ഞപ്പോള്‍ ഒരു കാര്യം മനസിലായി ഇത് പറഞ്ഞവരൊന്നും ഈ ചിത്രം കണ്ടിട്ടേയില്ല എന്നു. ബംഗ്ലൂര്‍ ഡെയ്സുമായി സാമ്യപെടുതാവുന്ന ഒന്നും തന്നെ, അത് കഥാഗതി ആയാലും ഒരു ചെറിയ സീന്‍ ആയാലും ഒന്നും തന്നെ ഞാന്‍ ഈ ചിത്രത്തില്‍ കണ്ടില്ല.

ചെറുപ്രായത്തില്‍ തുടങ്ങി വെച്ച ഒരു കളി പരസ്പരം എന്തെങ്കിലും ചെയ്യാന്‍ മറ്റെയാളെ പ്രേരിപ്പിക്കുക അതില്‍ വിജയിച്ചാല്‍ അയാള്‍ക്ക് മ്യൂസിക്‌ ബോക്സ്‌ കൈമാറും പിന്നെ അടുത്ത ആളുടെ ഊഴമാണ് ഇതിങ്ങനെ തുടര്‍ന്ന്‍ കൊണ്ടേയിരിക്കും എന്നാല്‍ കുട്ടികള്‍ വളര്‍ന്നു യവ്വനത്തിലെത്തി നില്‍കുമ്പോള്‍ അവരുടെ കുട്ടികളി വളരെ അപകടം പിടിച്ച ഒരു കളി ആയി മാറിയിരിക്കുന്നു അതവരുടെ ജീവിതത്തെ ഏതൊക്കെ രീതിയിലാണ് ബാധിക്കുന്നത് എന്നാണ് ചിത്രം പറയുന്നത്.

ബാല്യത്തിലെയും പിന്നീടു കൌമാരത്തിലും ഇവര്‍ കാട്ടികൂട്ടുന്ന കുസൃതികള്‍ നന്നായി ചിരിപ്പിച്ചു എന്നാല്‍ മുതിര്‍ന്ന്‍ കഴിഞ്ഞു ഇവര്‍ കാട്ടികൂട്ടുന്ന കാര്യങ്ങള്‍ പൂര്‍ണമായും ഉള്‍കൊള്ളാന്‍ എല്ലാവര്‍ക്കും സാധിക്കണമെന്നില്ല.

ഒരുപരിധിവരെ ഞാന്‍ ഈ ചിത്രം ശെരിക്കും ആസ്വദിച്ചു എന്നു തന്നെ പറയാം. നിഷ്കളങ്കതയും ദയവില്ലാത്ത അതിക്രൂരതയുടെയും മിശ്രണമാണ് ചിത്രം. പ്രണയത്തിനു കണ്ണും മൂക്കും ഇല്ല എന്നല്ലേ പഴമക്കാര്‍ പറയുന്നത് ഈ ചിത്രം കണ്ടാല്‍ അത് സത്യമാണെന്ന് ആര്‍ക്കും തോന്നി പോകും. നേരത്തെ പറഞ്ഞ പോലെ എല്ലാവര്‍ക്കും ഈ ചിത്രം ഇഷ്ടമാവണമെന്നില്ല, അതറിയണമെങ്കില്‍ ഒരുതവണ ചിത്രം ഒന്ന് കണ്ടു നോക്കു.