Showing posts with label Music. Show all posts
Showing posts with label Music. Show all posts

Tuesday, 24 February 2015

99.Whiplash

Whiplash (2014) : ജാസ്സ് സംഗീത ലോകത്തേക്ക് ഒരു മനോഹര യാത്ര.


Language: English
Genre: Drama | Music
Director: Damien Chazelle
Writer: Damien Chazelle
Stars: Miles Teller, J.K. Simmons, Melissa Benoist

ജീവിതത്തില്‍ സ്വപ്നങ്ങളും ആഗ്രഹങ്ങളും ഇല്ലാത്തവരായി ആരുംതന്നെ കാണില്ല എന്നാല്‍ അവ യാഥാര്‍ത്ഥ്യമാക്കാന്‍ അതിനു വേണ്ടി എന്ത് കഠിനധ്വാനം ചെയ്യാനും തയ്യാറാവുന്നവര്‍ വളരെ ചുരുക്കം  മാത്രമായിരിക്കും, അവര്‍ തന്നെയാണ് ജീവിതത്തില്‍ എന്തെങ്കിലും സാധിചിട്ടുള്ളതും...

ലോകത്തെ ഏറ്റവും മികച്ച ഡ്രമ്മര്‍ ആയിത്തീരുക എന്ന തന്‍റെ സ്വപ്നത്തിനായി ഏതറ്റം വരെയും പോകാന്‍ മടിയില്ലാത്ത പത്തൊമ്പതുകാരനായ Andrew Neiman ന്‍റെ കഥയാണ് ഈ ചിത്രം പറയുന്നത്...

ന്യൂ യോ ര്‍ക്കിലെ പ്രശസ്തമായ സംഗീത കോളേജായ Shaffer Conservatory യിലെ ഒന്നാം വര്‍ഷ വിദ്യാര്‍ഥിയാണ് പത്തൊമ്പതുകാരനായ Andrew Neiman. ലോകത്തെ ഏറ്റവും മികച്ച ഡ്രമ്മര്‍ ആയിത്തീരുക എന്നതാണ് അവന്‍റെ സ്വപ്നം... അങ്ങനെയിരിക്കെ കോളേജിലെ ഏറ്റവും പ്രശസ്തനായ അദ്ധ്യാപകനായ Terrence Fletcher നെയ്‌മാനെ തന്‍റെ ബാന്ടിലേക്ക് ക്ഷണിക്കുന്നത്... ജാസ് സംഗീതത്തില്‍ പ്രകല്‍ഭനായ ഫ്ലചറിന്റെ ശിക്ഷണം ലഭിക്കാന്‍ വളരെ നാളുകളായിആഗ്രഹിച്ചിരുന്ന നെയ്‌മാന് ആ ക്ഷണം വലിയ സന്തോഷമാണ് സമ്മാനിച്ചത്... ഒരപൂര്‍വ്വ ഗുരു ശിഷ്യ ബന്ധം ഇവിടെ തുടങ്ങുകയായി... 

പ്രേക്ഷകരെ മുഴുവന്‍ ജാസ്സ് സംഗീതത്തിന്‍റെ മാസ്മരിക ലോകത്തേക്ക് കൂട്ടികൊണ്ട് പോകുന്ന വിപ്പ്ലാഷ് കഴിഞ്ഞ വര്‍ഷമിറങ്ങിയ ഏറ്റവും മികച്ച ചിത്രങ്ങളില്‍ ഒന്നാണ്... അവസാന രംഗങ്ങളിലാണ് വിപ്പ്ലാഷ് കൂടുതല്‍ മികവുറ്റതാവുന്നത് ജാസ്സ് സംഗീതത്തെ കുറിച്ചു ഒന്നും തന്നെ അറിയില്ലെങ്കില്‍ പോലും ഈ രംഗങ്ങളില്‍ കൈയ്യടിക്കാത്ത പ്രേക്ഷകര്‍ ഉണ്ടാവുകയില്ല അത്ര മനോഹരമായിരുന്നു ആ രംഗങ്ങള്‍...

തന്‍റെ ലക്ഷ്യത്തിലേക്ക് ഉള്ള മാര്‍ഗത്തില്‍ തനിക്ക് തടസ്സമായി വരുന്ന വെല്ലുവിളികളെ എല്ലാംതന്നെ മറികടന്ന്‍ പോകാന്‍ ശ്രമിക്കുന്ന നെയ്‌മാന്‍ ആയി Miles Teller വളരെ മികച്ച പ്രകടനമായിരുന്നു കാഴ്ചവെച്ചത്... എന്നാല്‍ ചിത്രത്തിലെ ഏറ്റവും മികച്ച പ്രകടനം കാഴ്ചവെച്ചത് ജെ കെ സിമ്മന്‍സ് ആയിരുന്നു... തന്‍റെ വിദ്യാര്‍ഥികളെ ശാരീരികവും മാനസികവുമായി അങ്ങേയറ്റം വേദനിപ്പിക്കുന്ന ക്രൂരനായ അദ്ധ്യാപകനായി അദ്ദേഹം തന്‍റെ കരിയറിലെ തന്നെ ഏറ്റവും മികച്ച പ്രകടന്നമാണ് കാഴ്ച വെച്ചിട്ടുള്ളത്...

തുടക്കം മുതല്‍ അവസാനംവരെ ജാസ്സ് സംഗീതം നിറഞ്ഞു നില്‍ക്കുന്ന ഒരു മനോഹര ചിത്രം ഒരുക്കുന്നതില്‍ സംവിധായകനും തിരകഥാകൃത്തുമായ Damien Chazelle പൂര്‍ണമായും വിജയിച്ചിരിക്കുന്നു... ടോം ക്രോസ്സിന്റെ എഡിറ്റിംന്ഗും, Craig Mann, Ben Wilkins, Thomas Curley   എന്നിവരുടെ ശബ്ദമിശ്രണവും ചിത്രത്തെ കൂടുതല്‍ മികവുറ്റതാക്കുന്നു...

മികച്ച സഹനടന്‍, മികച്ച എഡിറ്റിംഗ്, മികച്ച ശബ്ദമിശ്രണം എന്നി വിഭാഗങ്ങളില്‍ ഈ വര്‍ഷത്തെ  അക്കാദമി അവാര്‍ഡ്‌, വിപ്ലാഷ് സ്വന്തമാക്കുകയുണ്ടായി...

മികച്ച ചിത്രങ്ങള്‍ കാണാന്‍ ആഗ്രഹിക്കുന്ന ഏതൊരു പ്രേക്ഷകനും ഈ ചിത്രം കണ്ടിരിക്കേണ്ടതാണ്...

Wednesday, 1 October 2014

58.August Rush

August Rush (2007) : സംഗീത സാന്ദ്രമായൊരു മുത്തശ്ശികഥ.


Language: English
Genre: Musical Drama
Director: Kirsten Sheridan
Writers: Nick Castle (screenplay), James V. Hart
Stars: Freddie Highmore, Keri Russell, Jonathan Rhys Meyers

ഫെയറി ടെയില്‍സ് (Fairy Tales) അഥവാ കെട്ടുകഥകള്‍/മുത്തശ്ശികഥ കേള്‍ക്കാന്‍ എല്ലാവര്‍ക്കും ഇഷ്ടമാണ്, ആയിരത്തിയൊന്നു രാവുകളിലെ അലാവുദിന്റെ അത്ഭുത വിളക്കും, സിന്ധ്ഭാദ് എന്ന നാവികന്‍റെ ഏഴു യാത്രകളും, വണ്ടര്‍ ലാന്ടിലെ ആലീസുമൊക്കെ ഏവരുടെയും ഇഷ്ട കഥകളില്‍ ഒന്നാണ്...എന്നാല്‍ ഇവിടെ നമുക്ക് ജന്മനാ സംഗീതം ഒരു അപൂര്‍വ്വ സിദ്ധിയായി ലഭിച്ച ഒരു പതിനൊന്ന്‍ വയസ്സുകാരന്‍റെ കഥ കാണാം, അവന്‍റെ സംഗീതമുപയോഗിച്ചു അവന്‍റെ മാതാപിതാക്കളെ കണ്ടെത്താനുള്ള ശ്രമത്തിലാണവനിന്ന്‍...
പ്രശസ്തയായൊരു സെലിസ്റ്റാണ് (Cellist) ലൈല, അതേസമയം ഒരു സാധാരണ ക്ലബിലെ നല്ലൊരു ഗിറ്റാര്‍ പ്ലയറും ഗായകനുമാണ് ലുയിസ്. തങ്ങളുടെ മനസ്സിലെ സംഗീതത്തെ പിന്തുടര്‍ന്ന്‍ സഞ്ചരിച്ച ഇരുവരും പരസ്പരം കണ്ടുമുട്ടുകയും ആ മാത്രയില്‍ തന്നെ പ്രണയത്തിലാവുകയും ചെയ്യുന്നു. ആ രാത്രി അവര്‍ ഒരുമിച്ച് ചെലവഴിക്കുന്നു, എന്നാല്‍ വെത്യസ്ത ജീവിത സാഹചര്യങ്ങളില്‍ ജീവിക്കുന്ന അവര്‍ക്ക് ഇനിയൊരിക്കലും തമ്മില്‍ കാണാനാവാത്തവിധം അകലേണ്ടി വന്നു.... എന്നാല്‍ ലൈലയുടെ ഉദരത്തില്‍ അവരുടെ കുഞ്ഞ് വളരാന്‍ തുടങ്ങുന്നു...പൂര്‍ണ ഗര്‍ഭിണിയായ അവള്‍ക്ക് അപ്രതീക്ഷിതമായി ഒരു അപകടമുണ്ടാവുന്നു  ഭാഗ്യവശാല്‍ അപകടമൊന്നും കൂടാതെ അവള്‍ ആ കുഞ്ഞിന് ജന്മം നല്‍കി... മകളുടെ ഭാവി നശിഞ്ഞുപോകുമോ എന്ന ഭയത്താല്‍ ലൈലയുടെ അച്ഛന്‍ ആ പിഞ്ചു കുഞ്ഞിനെ ഒരു അനാഥാലയത്തില്‍ ഏല്‍പിക്കുകയും കുഞ്ഞ് മരിച്ചുപോയി എന്ന്‍ ലൈലയെ പറഞ്ഞു വിശ്വസിപ്പിക്കുകയും ചെയ്യുന്നു... അതിനു ശേഷം പിന്നീടൊരിക്കലും അവള്‍ സംഗീതത്തിലേക്ക് മടങ്ങിയിട്ടില്ല...  ലൈലക്ക് സംഭവിച്ചതൊന്നും അറിഞ്ഞിട്ടില്ലെങ്കിലും ലുയിസും തന്‍റെ സംഗീത ജീവിതത്തോടു എന്നനേക്കുമായി വിടപറഞ്ഞു കഴിഞ്ഞിരുന്നു.... 

പതിനൊന്ന്‍ വര്‍ഷം പിന്നിട്ടിരിക്കുന്നു, ഇന്ന് ലൈലയുടെയും ലുയിസിന്റെയും മകന്‍ ഇവാന്‍ താന്‍ കേള്‍ക്കുന്ന സംഗീതത്തിലുടെ തന്‍റെ മാതാപിതാക്കള്‍ തന്നെ വിളിക്കുകയാണെന്ന് അവന്‍ വിശ്വസിക്കുന്നു തുടര്‍ന്ന്‍ അവരെ അന്വേഷിച്ചവന്‍ ന്യൂയോര്‍ക്ക്‌ നഗരത്തില്‍ എത്തിചേരുന്നു... അവന്‍റെ അപൂര്‍വ്വ സിദ്ധി അവനു ന്യൂ യോര്‍ക്കില്‍ സഹായകരമാവുന്നതിനൊപ്പം അവനെ ചില പ്രശ്നങ്ങളിലും കൊണ്ടെത്തിക്കുന്നു. നഗരത്തില്‍ കുട്ടികളെ ഭിക്ഷയെടുപ്പിച്ചു പണമുണ്ടാക്കുന്നവരില്‍ പ്രമുഖനായ മാക്സ്വെല്ലിന്റെ കൈകളില്‍ അവന്‍ ചെന്നെത്തുന്നു. അവനിലെ അപൂര്‍വ്വ സിദ്ധി തിരിച്ചറിഞ്ഞയാള്‍ അവനെ പണമുണ്ടാക്കാനായി ഉപയോഗിക്കുന്നു. അയാളില്‍ നിന്നും ഓടിരക്ഷപെട്ട ഇവാന്‍ പിന്നീടു ചെന്നെത്തിയത് ഒരു പള്ളിയിലായിരുന്നു അവിടെ അച്ഛനും മറ്റാളുകളും അവന്‍റെ കഴിവ് തിരിച്ചറിയുകയും അവനെ അവിടുത്തെ ഏറ്റവും മികച്ച സംഗീത വിദ്യാലയമായ ജൂല്ലിയാര്‍ഡിലേക്ക് അവനെ അയക്കുകയും ചെയ്യുന്നു. അവിടെ അവനു ആവശ്യമായ പഠനം ലഭിക്കാന്‍ തുടങ്ങുന്നു...

ഇനി എന്താണ് ഇവാന്‍റെ ജീവിതത്തില്‍ സംഭാവിക്കുക്ക ? തന്‍റെ മാതാപിതാക്കളെ കണ്ടെത്താന്‍ അവനു സാധിക്കുമോ ? തങ്ങളുടെ മകന്‍ ജീവിച്ചിരിപ്പുണ്ട് എന്നുപോലും അറിയാത്ത ലൈലയും ലുയിസും ഇന്നെവിടെയാണ്‌ ?  അറിയണമെങ്കില്‍ ചിത്രം ഒന്ന്‍ കണ്ടുനോക്കു...

ആദ്യമേ പറഞ്ഞപോലെ അതിമനോഹരമായൊരു മുത്തശ്ശികഥയിലുടെ യാത്ര ചെയ്ത അനുഭവമാണ് ഈ ചിത്രം നമുക്ക് നല്‍കുന്നത്. കാതുകള്‍ക്ക് കുളിര്‍മ നല്‍കുന്ന ഒരുപിടി നല്ല ഗാനങ്ങളും ഈ യാത്രയില്‍ നമുക്ക് അകമ്പടിയായുണ്ട്. പ്രധാന കഥാപാത്രങ്ങളെ അവതരിപ്പിച്ച ഫ്രെഡി, കെറി, ജോനാഥന്‍ അങ്ങനെ എല്ലാവരും തന്നെ നല്ല രീതിയില്‍ തങ്ങളുടെ കഥാപാത്രങ്ങളെ മനോഹരമാക്കിയിട്ടുണ്ട്.

മുതിര്‍ന്നവര്‍ക്കും കുട്ടികള്‍ക്കും ഒരുപോലെ ആസ്വദിക്കാവുന്ന വിധത്തില്‍ വളരെ ഹൃദ്യമായിട്ടാണ് സംവിധായകന്‍ ക്രിസ്റ്റെന്‍, നിക്കിന്റെയും ജയിംസിന്റെയും തിരകഥ ദ്രിശ്യവല്‍കരിചിട്ടുള്ളത്... അതുപോലെ ജോണിന്‍റെ ഛായാഗ്രഹണവും ഏറെപ്രശംസയര്‍ഹിക്കുന്നു....

ഒരുപാട് കാലമായി ഞാന്‍ കാണാന്‍ ആഗ്രഹിക്കുന്ന ഒരു ചിത്രമായിരുന്നു ഇത്, എന്നാല്‍ പല കാരണങ്ങള്‍ കൊണ്ടും അപ്പോഴൊന്നും അതിനു സാധിച്ചില്ല , ഒടുവില്‍ കണ്ടു കഴിഞ്ഞപ്പോള്‍ എന്തേയ് നേരത്തെ കണ്ടില്ല എന്ന ചോദ്യം മാത്രമായിരുന്നു അവശേഷിച്ചത്...